Kaviyak wak Abunna Ta̱mu̱ta̱dde̱no̱ eher Joni 7:26 - Tennet

²⁶ Icinnet da̱ ming ozozik koole, i̱llo̱i̱ zin rok e̱e̱t imma ci a̱ppu̱k utug. A̱gga̱c bong ette lo̱ddi̱ki̱re̱ ming een enne Ki̱ri̱sto̱ wa een ti̱ri̱zo̱i̱t de̱de̱?

Kaviyak wak Abunna Ta̱mu̱ta̱dde̱no̱ eher Joni 7:26 ပူးပေါင်းရင်းမြစ်များ

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Lu̱ka̱ 23:13

Utuwa zin Pilato alaat cik olli wawaco ki lo̱ddi̱ki̱re̱ ki ol,

Lu̱ka̱ 7:30

Ma̱i̱je̱ olli Varacisi ki ol wak a̱gga̱ lo̱ti̱nno̱k ju̱rru̱m, utuburet zoz ci Ta̱mu̱ta̱dde̱no̱ baize cinne̱ng, eci ngen Joni ka̱gga̱me̱k nogo ba̱ti̱ti̱mo̱.

Kaviyak wak Abunna Ta̱mu̱ta̱dde̱no̱ eher Joni 12:42

Imma i̱i̱te̱ne̱ neci eliya anyak lo̱ddi̱ki̱re̱ cik Ya̱u̱do̱ elemtta Ye̱su̱. Abarik nege o̱ngo̱o̱le̱ eci ol cik een Varacis, iróng zin abung ming a̱tu̱ nege Ye̱su̱ kiziyet ol cik een Varacis, gerza ming ottok nogo Ce̱e̱ze̱ wa Lawinto.

Kaviyak wak Abunna Ta̱mu̱ta̱dde̱no̱ eher Joni 18:20

Obodehe Ye̱su̱ nonno izek ne, “Kozozi gon zoz cinanni kiziyet ol do̱o̱k i̱i̱wa̱ labak, kar zin gon kedemez ol Ce̱e̱ze̱ wa Ta̱mu̱ta̱dde̱no̱ ki Ce̱e̱zi̱nne̱ wak Lawinto wak gon alutene olli Ya̱u̱do̱ nga̱to̱de̱. A̱zze̱ zoz ci ka̱du̱wa̱ lo̱mu̱k to.

Kaviyak wak Abunna Ta̱mu̱ta̱dde̱no̱ eher Joni 3:1

Aave da̱ e̱e̱ti̱ imma ci een zara Nikomede. Een da̱ enne e̱e̱t ci een Varacis, a̱bu̱le̱ zara, een nyakangan nyakanganete cik ol cik een Ya̱u̱d.

Kaviyak wak Abunna Ta̱mu̱ta̱dde̱no̱ eher Joni 4:29

“I̱vi̱ta̱ icinnet e̱e̱t ci a̱du̱wa̱ka̱ kaal balik ku̱tu̱gu̱ anna ke̱. Iróng i̱yo̱ko̱ enne een Ki̱ri̱sto̱?”

Kaviyak wak Abunna Ta̱mu̱ta̱dde̱no̱ eher Joni 7:25

Imma i̱i̱te̱ne̱ neci, i̱jji̱nto̱ zin ol uggak Jerusalema, izeto ne, “Iróng dim i̱ye̱ necu een e̱e̱t wanai orong ol ku̱ru̱we̱t ka̱da̱k ko̱?

Kaviyak wak Abunna Ta̱mu̱ta̱dde̱no̱ eher Joni 7:31

Ma̱i̱je̱ bo̱do̱k ngatu, anyak ol cik meelek ngen a̱tu̱ nonno dee, kar kizeto ne, “Ming okko Ki̱ri̱sto̱ wa een ti̱ri̱zo̱i̱ti̱ a̱kku̱, okko atin enne ogon kaal cik meelek a̱vu̱la̱ kommog cik ogon e̱e̱ti̱ necu?”

Kaviyak wak Abunna Ta̱mu̱ta̱dde̱no̱ eher Joni 7:48

“I̱llo̱i̱ lo̱ddi̱ki̱re̱ icima Varacis cik a̱tu̱ zoz ci Ye̱su̱.

Kaviyak wak Abunna Ta̱mu̱ta̱dde̱no̱ eher Joni 9:22

Ozoz ciko baatinne ki yaatinne niko eci nege o̱ngo̱o̱le̱ lo̱ddi̱ki̱re̱ cik Ya̱u̱do̱ zo̱ze̱ ci azi ne, ming elema e̱e̱ti̱ imma zoz ci Ye̱su̱ een enne Ki̱ri̱sto̱, ottoit ma anyikku ki̱tto̱zzo̱ Ce̱e̱z wa Lawinto.

Buk wa To̱ni̱a̱u̱ 4:13

Ma baling icinnet nege Peturu ki Jon ming ngen keteherto, ol cik labak, a̱gga̱c zin nege ming a̱vvu̱to̱ ol ne̱ko̱ ba̱li̱ye̱ ki Ye̱su̱.

Vilipia 1:14

Eci zo̱ze̱ ci kecebine anna ko̱, aanyik zoz necu komiz gotonogget cik meelek a̱tu̱ Manyi kuwaktek ol zoz ci Ta̱mu̱ta̱dde̱no̱ oroot kodoit zi̱nze̱tti̱ kak, iróng nege ngen o̱ngo̱o̱le̱ gi̱i̱ imma.