Kaviyak wak Abunna Ta̱mu̱ta̱dde̱no̱ eher Joni 7:19 - Tennet

¹⁹ Ngen ba̱li̱ye̱ Musesi ka̱a̱nyu̱ng lo̱ti̱nno̱k? A̱zze̱ zin e̱e̱ti̱ imma ngatinno̱ng ci azunne lo̱ti̱nno̱k ne̱ke̱ to. Nya ming orongnyu u̱ru̱kta̱ng ko̱?”

Kaviyak wak Abunna Ta̱mu̱ta̱dde̱no̱ eher Joni 7:19 ပူးပေါင်းရင်းမြစ်များ

Ma̱te̱yo̱ 12:14

Oot zin olli Varacisi reena, orongit gool ci adawe nege Ye̱su̱ kar ku̱ru̱we̱t ka̱da̱k.

Ma̱te̱yo̱ 21:38

“Imma baling ovvo ol ne̱k ebek ma̱na̱ ko̱ acin ngerrti manyi ma̱na̱ ming a̱kku̱, ozozzit zin nege do̱, izeto ne, ‘I̱ki̱ya̱ zin e̱e̱ti̱ ci okko aragiz lo̱o̱c. Ku̱ru̱we̱t nonno ka̱da̱k kar zin karagizet ma̱na̱ cinne.’

Marko 11:18

Iziyyet zin alaata cik olli wawaco ki de̱me̱zzo̱k wak lo̱ti̱nno̱u̱ zoz neci, a̱ka̱tte̱ zin orongit gool ci kar ku̱ru̱kte̱ nonno ka̱da̱k, eci nege o̱ngo̱o̱le̱ nonno eci zu̱we̱ do̱o̱k a̱ku̱le̱k de̱mzi̱ne̱t cinne.

Marko 3:4

I̱jji̱n zin Ye̱su̱ nogo izek ne, “Gi̱i̱ jang ci a̱du̱wa̱ lo̱ti̱nno̱wa̱ cik abunna I̱i̱te̱ne̱ wa Yu̱bze̱nto̱: Ku̱tu̱gu̱ gi̱i̱ ci abunna yo icima ku̱tu̱gu̱ mu̱nye̱n, ka̱ti̱ri̱z ol kuruget icima kanyike ol ka̱da̱i̱to̱ I̱i̱te̱ne̱ wa Yu̱bze̱nto̱?” Abarik ijakce nege li̱i̱m.

Marko 3:6

Oot zin olli Varacis reena akate orongit ki olli alaan He̱ro̱di̱ gool ci kar ku̱ru̱kte̱ Ye̱su̱ ka̱da̱k.

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 10:39

Orongit bo̱do̱k nege ka̱gga̱mi̱t Ye̱su̱, inik zin enne lo̱mu̱k utungek nogo lo̱o̱c.

Kaviyak wak Abunna Ta̱mu̱ta̱dde̱no̱ eher Joni 11:53

Akane zin wazin neci ele, a̱da̱yya̱ zin Ya̱u̱di̱ Ye̱su̱ orong ku̱ru̱we̱t ka̱da̱k.

Kaviyak wak Abunna Ta̱mu̱ta̱dde̱no̱ eher Joni 5:16

I̱gi̱dde̱t zin olli Ya̱u̱do̱ Ye̱su̱ ma̱rri̱t enne angaru e̱e̱t ci omori I̱i̱te̱ne̱ wa Yu̱bze̱nto̱.

Kaviyak wak Abunna Ta̱mu̱ta̱dde̱no̱ eher Joni 5:18

Imma abarik zo̱ze̱ necu, utuburtek ol cik Ya̱u̱do̱ nonno nong oroot, bak odolta kar atin ku̱ru̱we̱t nonno ka̱da̱k. Orongit zin ku̱ru̱we̱t nonno zo̱ze̱ ci a̱li̱ngli̱nge̱ enne I̱i̱te̱ne̱ wa Yu̱bze̱nto̱ akaka, abarik zo̱ze̱ ci awenne enne Ta̱mu̱ta̱dde̱n kize Baatinne, kar zin go̱o̱le̱ necu, aanyik enne ele cinne kutubto ki Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 5:45

“Abarik, ma i̱no̱nnu̱ a̱nnu̱ ne kokko atin anna kovolongnyung i̱ge̱ta̱ ngati Baba. Muses ci arikku niga zi̱nze̱tti̱ ko̱ ci atin okko a̱du̱wa̱k Ta̱mu̱ta̱dde̱n gerziten cunno̱ng.

Kaviyak wak Abunna Ta̱mu̱ta̱dde̱no̱ eher Joni 7:1

Imma bali vu̱rrta̱, eron Ye̱su̱ uk lo̱o̱ce̱ ci Ga̱li̱li̱, alit lo̱o̱c ci Ju̱de̱ya̱ eci ol cik een Ya̱u̱d orong ku̱ru̱we̱t nonno ka̱da̱k.

Kaviyak wak Abunna Ta̱mu̱ta̱dde̱no̱ eher Joni 7:25

Imma i̱i̱te̱ne̱ neci, i̱jji̱nto̱ zin ol uggak Jerusalema, izeto ne, “Iróng dim i̱ye̱ necu een e̱e̱t wanai orong ol ku̱ru̱we̱t ka̱da̱k ko̱?

Buk wa To̱ni̱a̱u̱ 7:38

Alut bali Musesi ol balala, ki anjilo ci ozozek nonno biye ci Sinai, ki be̱e̱ti̱gga̱c kar zin enne uruba genyiz ci i̱yo̱ko̱ a̱du̱wa̱kke̱t enne agita ko̱.

Ga̱la̱ti̱a̱ 3:19

Een zin li̱ngli̱ngo̱ni̱ ci lo̱ti̱nno̱u̱ ko̱ ni̱i̱? De̱de̱, anyonikket lo̱ti̱nno̱wa̱ vu̱rrta̱ kize ci i̱ye̱la̱ mu̱nye̱n, eci e̱e̱ti̱ ci diiri i̱ti̱k tu̱. E̱e̱ggi̱n lo̱ti̱nno̱wa̱ ne̱ke̱ cik abak zee kuruba do̱le̱c ci Aburahami bali u̱du̱wa̱ Ta̱mu̱ta̱dde̱n i̱i̱na̱k atin zoz neci nonno ke̱. Ta̱mu̱ta̱dde̱n ci adiman lo̱ti̱nno̱k kar kanyik anjilonya ciginnek ta̱mu̱-kenga kanyaktak lo̱o̱c, okko Musesi een zoc ci a̱gga̱m zoz ci Ta̱mu̱ta̱dde̱no̱ kar ku̱du̱wa̱k ol.

Ga̱la̱ti̱a̱ 6:13

Imma ol wak Ya̱u̱do̱ orong kettedit ol vi̱ca̱vi̱cce̱t ko̱, iróng azunne lo̱ti̱nno̱k wak Musesi do̱o̱k; abarik orong ol kettedit vi̱ca̱vi̱cce̱t, kar zin kodongit e̱le̱tti̱ kizeto ne annu ol ne̱ko̱ zoz cinne̱ng.