Kaviyak wak Abunna Ta̱mu̱ta̱dde̱no̱ eher Joni 7:15 - Tennet

¹⁵ U̱ku̱lte̱k zin olli Ya̱u̱do̱ je̱e̱n de̱mzi̱nte̱ ci Ye̱su̱, kar zin ki̱jji̱nto̱ kizeto ne, “Amuda e̱e̱ti̱ cu de̱mzi̱ne̱t cu ku̱ baling ngen kuk de̱mzi̱ne̱t?”

Kaviyak wak Abunna Ta̱mu̱ta̱dde̱no̱ eher Joni 7:15 ပူးပေါင်းရင်းမြစ်များ

Ma̱te̱yo̱ 13:54

Okko o̱rge̱ cinne Nazereta, o̱rge̱ bali akane enne li̱ngli̱ngo̱n, edemez ol Ce̱e̱ze̱ wa Lawinto ka̱ma̱li̱ltte̱ nogo o̱o̱tti̱. Kar zin nege ki̱jji̱nto̱, “Amuda e̱e̱ti̱ cu genyiz nga ki doiz ci ogone kaal cik a̱vu̱la̱ ko̱?

Ma̱te̱yo̱ 22:22

Baling iziyyet nege zoz ci a̱du̱wa̱ Ye̱su̱ ko̱, u̱ku̱lte̱k je̱e̱n, kar zin kutungttek nonno lo̱o̱c, oot reena.

Ma̱te̱yo̱ 22:33

Baling iziyyet koole zoz necu, u̱ku̱lte̱k zin de̱mzi̱ne̱t ci Ye̱su̱.

Lu̱ka̱ 2:47

Imma ol ne̱k aziye zoz cinne ke̱, a̱ma̱li̱ltte̱ o̱o̱tti̱ cigge̱k zo̱ze̱ ci a̱gga̱ enne ki go̱o̱le̱ ci abarizek enne ji̱ne̱ne̱t cinne̱ng.

Lu̱ka̱ 4:22

Ozozit zin ol do̱o̱k ju̱rru̱m zo̱ze̱ cinne, kar ku̱ku̱lte̱k je̱e̱n zo̱ze̱ ci deten ci iyowa utuge cinne. I̱jji̱nto̱ zin nege, “Iróng necu een ngerrti Yosevo?”

Kaviyak wak Abunna Ta̱mu̱ta̱dde̱no̱ eher Joni 1:19

Icu zoz ci Joni baling i̱tto̱nte̱k nonno ol cik een Ya̱u̱d Jerusalema ki bo̱do̱k ol wak wawaco ki ol boore ci Le̱vi̱. I̱jji̱nne̱t zin a̱nne̱k ne, “E̱e̱ni̱ i̱nna̱ ngene?”

Kaviyak wak Abunna Ta̱mu̱ta̱dde̱no̱ eher Joni 7:11

Orongit zin lo̱ddi̱ki̱re̱ ci Ya̱u̱do̱ ngati adahe ol kwo̱o̱r ke̱, kar zin ki̱jji̱nto̱, “I̱nno̱ e̱e̱t neci?”

Kaviyak wak Abunna Ta̱mu̱ta̱dde̱no̱ eher Joni 7:13

Abarik i̱llo̱i̱ e̱e̱t imma ci ozoz zoz kiziyet ol do̱o̱k eci nege o̱ngo̱o̱le̱ lo̱ddi̱ki̱re̱ cik Ya̱u̱do̱.

Kaviyak wak Abunna Ta̱mu̱ta̱dde̱no̱ eher Joni 7:46

O̱bo̱dde̱k zin ol cik ebekce ko̱ nogo, izeto ne, “Ngen ku̱mu̱dda̱ e̱e̱t imma ci ozoz ki i̱yo̱ko̱ e̱e̱ti̱ cu ko̱.”

Buk wa To̱ni̱a̱u̱ 26:24

Baling ngen Pa̱u̱lo̱ ozozi, etteddek Vestusi Pa̱u̱lo̱ zoz, egerenyek a̱nne̱k ne, “Adaki ngamoni Pa̱u̱lo̱! Aanyi de̱mzi̱ne̱t ci a̱ppwe̱ ko̱ ngamon.”

Buk wa To̱ni̱a̱u̱ 4:13

Ma baling icinnet nege Peturu ki Jon ming ngen keteherto, ol cik labak, a̱gga̱c zin nege ming a̱vvu̱to̱ ol ne̱ko̱ ba̱li̱ye̱ ki Ye̱su̱.