Kaviyak wak Abunna Ta̱mu̱ta̱dde̱no̱ eher Joni 6:70 - Tennet

⁷⁰ O̱bo̱de̱k zin Ye̱su̱ nogo, a̱nne̱k ne, “Katahalaung i̱ge̱t ngati e̱e̱ggi̱nnu̱ omoto ki ram, anyak zin co̱de̱ ci een lo̱rye̱ni̱t orgene cunno̱ng.”

Kaviyak wak Abunna Ta̱mu̱ta̱dde̱no̱ eher Joni 6:70 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 13:18

Izek zin Ye̱su̱ nogo ne, “Iróng zoz necu akati i̱ge̱t do̱o̱k, ka̱gga̱ ol balik katahala ke̱. Ogone zin zoz necu kar zoz bali e̱he̱rye̱ Warage ci Ta̱mu̱ta̱dde̱no̱ ke̱ kakat mo̱o̱le̱t, azi ne, ‘Adawana e̱e̱ti̱ ci kozola da̱i̱ne̱t bu̱k.’

Kaviyak wak Abunna Ta̱mu̱ta̱dde̱no̱ eher Joni 13:2

Baling anyaktta ol da̱i̱ne̱t cik adak ol yo̱mo̱na̱, i̱tto̱ da̱ lo̱rye̱nti̱ zinin ci Judas Iskariyot wa een ngerrti Si̱mo̱ne̱ ci atin okko adawa Ye̱su̱.

Kaviyak wak Abunna Ta̱mu̱ta̱dde̱no̱ eher Joni 13:21

Baling u̱du̱wa̱ Ye̱su̱ zoz necu, icirit nonno zinin oroot kar zin kibborak nogo zoz neci, izek ne, “Ka̱du̱wa̱kku̱ng zoz wa een de̱de̱, okko atidic e̱e̱ti̱ imma ngatinno̱ng adawana annita.”

Kaviyak wak Abunna Ta̱mu̱ta̱dde̱no̱ eher Joni 13:27

Baling a̱gga̱ma̱ Judasi á̱há̱t ngati Ye̱su̱, i̱tto̱ zin Sitani nonno. Izek zin Ye̱su̱ nonno ne, “Tu̱gu̱ zoz ci okko i̱nna̱ ogoni ko̱ ataman.”

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 15:19

Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.

Kaviyak wak Abunna Ta̱mu̱ta̱dde̱no̱ eher Joni 17:12

Baling ngen kaavtiya bu̱k, kebei ba̱li̱ye̱ nogo doize bali aanya ke̱. Ngen zin e̱e̱ti̱ imma ngatinne̱ng ki̱zzi̱, kize Judas do̱ bali u̱du̱ya̱i̱ kize gerza ci atin edez Ta̱mu̱ta̱dde̱n nonno, kar zoz cu kakat mo̱o̱le̱t Warage ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 2:2

Awa da̱ ol Ye̱su̱ ki nuyak waginnek bu̱k rucente neci.

Kaviyak wak Abunna Ta̱mu̱ta̱dde̱no̱ eher Joni 20:24

Ma̱i̱je̱ to̱ni̱a̱ti̱ co̱de̱ to̱ni̱a̱he̱ wak e̱e̱ggi̱n omoto ki rama ci een zara Tomas, wa bo̱do̱k een cuudenit, a̱zze̱ da̱ enne to baling a̱kku̱nna̱k Ye̱su̱ nuyak waginnek.

Kaviyak wak Abunna Ta̱mu̱ta̱dde̱no̱ eher Joni 6:64

Ize bo̱do̱k Ye̱su̱ ne, “Abarik anyak ol u̱gge̱ orgene cunno̱ng cik iróng a̱tu̱we̱.” A̱gga̱ enne niko anyak ol cik iróng a̱tu̱we̱, ki e̱e̱t ci atin okko adawa nonno.

Kaviyak wak Abunna Ta̱mu̱ta̱dde̱no̱ eher Joni 6:67

I̱jji̱n zin Ye̱su̱ to̱ni̱a̱k waginnek een omoto ki rama, a̱nne̱k ne, “Iróng orongnyu oot bu̱k?”

Kaviyak wak Abunna Ta̱mu̱ta̱dde̱no̱ eher Joni 6:71

Arruk Ye̱su̱, Judas ngerrti Si̱mo̱ne̱ wa een Iskariyot, een Judasi demezeyait demezeyahe wak een omoto ki ram ke̱, okko atin enne ovolonge Ye̱su̱ ku̱ru̱we̱ ka̱da̱k.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Buk wa To̱ni̱a̱u̱ 1:17

een bali enne e̱e̱t cinna ci ka̱li̱ngli̱ng ki agit nga̱to̱de̱ ba̱li̱ye̱.”

Buk wa To̱ni̱a̱u̱ 13:10

“E̱e̱ni̱ i̱nna̱ do̱le̱c ci lo̱rye̱nto̱ kar bo̱do̱k ize mo̱dde̱ni̱t ci kaal cik abunna do̱o̱k. Anyai i̱nna̱ baiz ci a̱lu̱te̱ ol ki ci alabane kaal cik ollu. Alami wo̱ye̱ i̱nna̱ gool wa abunna Manyi?

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.