Baling izik lo̱gu̱t neci zoz ci a̱du̱wa̱ Ye̱su̱ ko̱, etteda zinin, kar odotek zin enne Ye̱su̱ lo̱o̱c, eci enne anyak kaal cik meelek, een enne bo̱to̱ro̱c oroot.
Abarizek zin Ye̱su̱, “I̱llo̱i̱ e̱e̱t co̱de̱ ci aarik a̱zzi̱t obok kar bo̱do̱k kicin vu̱rru̱t ci agano ki li̱ngli̱ngo̱n ci ba̱a̱li̱ne̱t ci Ta̱mu̱ta̱dde̱no̱.”
Ize bo̱do̱k Ye̱su̱ ne, “Abarik anyak ol u̱gge̱ orgene cunno̱ng cik iróng a̱tu̱we̱.” A̱gga̱ enne niko anyak ol cik iróng a̱tu̱we̱, ki e̱e̱t ci atin okko adawa nonno.
ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.
Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.