Kaviyak wak Abunna Ta̱mu̱ta̱dde̱no̱ eher Joni 6:44 - Tennet

⁴⁴ Emena Ye̱su̱ zoza dee, azi ne, “Iróng e̱e̱ti̱ imma a̱kku̱nna̱ka̱, Baba do̱ niko wa i̱tto̱na̱na̱ ko̱ ci a̱gu̱ra̱ nonno, kingane atin anna nonno daiza i̱i̱te̱ne̱ ci okko looci aṯurneke.

Kaviyak wak Abunna Ta̱mu̱ta̱dde̱no̱ eher Joni 6:44 ပူးပေါင်းရင်းမြစ်များ

Ma̱te̱yo̱ 12:34

Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Kaviyak wak Abunna Ta̱mu̱ta̱dde̱no̱ eher Joni 12:32

Ma̱i̱je̱ anna ming kodonge lo̱o̱ta̱ ngatu kuwa ta̱mu̱-kenga, kanyahak atin ol do̱o̱k ele cinanni.”

Kaviyak wak Abunna Ta̱mu̱ta̱dde̱no̱ eher Joni 5:44

Elemnyyu wo̱ye̱ ku̱ ming a̱di̱ngdi̱nga̱nnu̱ niga e̱le̱tti̱ ciggo̱k ko̱, iróng abarik ngen orongnyu urubta di̱ngdi̱nga̱ni̱ne̱t wa a̱kku̱ ngati Ta̱mu̱ta̱dde̱n, wa o̱de̱ ṯok.

Kaviyak wak Abunna Ta̱mu̱ta̱dde̱no̱ eher Joni 6:43

O̱bo̱de̱k Ye̱su̱ nogo a̱nne̱k ne, “Ma angongonnu zo̱ze̱ ci kozozi anna ko̱ gaganiko.”

Kaviyak wak Abunna Ta̱mu̱ta̱dde̱no̱ eher Joni 6:45

Eher a̱ri̱tto̱wa̱ zoz ci azi ne, ‘Edemez atin Ta̱mu̱ta̱dde̱n nogo do̱o̱k.’ Imma ol do̱o̱k wak aziye zoz ci Baba kar bo̱do̱k kelemtta de̱mzi̱ne̱t cinne, a̱vvu̱na̱ka̱ atin annita.

Kaviyak wak Abunna Ta̱mu̱ta̱dde̱no̱ eher Joni 6:65

Oobek zin Ye̱su̱ nogo zoz ci azi ne, “Zoz zin bali ka̱du̱wa̱kku̱ng kazi ne i̱llo̱i̱ e̱e̱t imma ci a̱kku̱nna̱ka̱ ming ngen Baba kaanyik gool.”

Kaviyak wak Abunna Ta̱mu̱ta̱dde̱no̱ eher Joni 8:43

Nya ming iróng zoz ci kozozi anna ko̱ i̱i̱zo̱ iin cuggo̱k? Ma̱rri̱t iróng niga aziknnu zoz ci kozozi anna ko̱.

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

Kolosiya 2:12

Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.