Kaviyak wak Abunna Ta̱mu̱ta̱dde̱no̱ eher Joni 6:38 - Tennet

³⁸ Ka̱kku̱ni̱ la̱du̱n ta̱mu̱-kenga iróng kokko kogonni gi̱i̱ ci korongi anna, abarik kokko kogonni gi̱i̱ ci orong Baatanni bali i̱tto̱na̱na̱ ke̱.

Kaviyak wak Abunna Ta̱mu̱ta̱dde̱no̱ eher Joni 6:38 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Kaviyak wak Abunna Ta̱mu̱ta̱dde̱no̱ eher Joni 3:13

Ngen e̱e̱ti̱ imma kuk ta̱mu̱-kenga kize Ngerrti E̱e̱to̱ do̱ niko bali a̱kku̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 3:17

Iróng Ta̱mu̱ta̱dde̱n i̱tto̱na̱k Ngerinne lo̱o̱c, kar ki̱ki̱ya̱ ketted lo̱ki̱ko̱ ci ollu, i̱tto̱na̱ abarik kar ki̱ki̱ya̱ kuruguz ol.

Kaviyak wak Abunna Ta̱mu̱ta̱dde̱no̱ eher Joni 3:31

Emena Joni zoza dee, kar bo̱do̱k kize ne, “Imma enne e̱e̱ti̱ wa a̱kku̱ ta̱dde̱na̱ ta̱mu̱-kenga, nonno ci a̱ddi̱ki̱rne̱ ol do̱o̱k veelek, okko e̱e̱ti̱ ci aave lo̱o̱ta̱ een enne ci lo̱o̱tu̱, ma̱i̱je̱ e̱e̱ti̱ ci a̱kku̱ ta̱mu̱-kenga, ommog ol do̱o̱k.

Kaviyak wak Abunna Ta̱mu̱ta̱dde̱no̱ eher Joni 4:34

Ize Ye̱su̱ ne, “Een da̱i̱ne̱t cigannik li̱ngli̱ngo̱n ci e̱e̱t bali i̱tto̱na̱na̱ ke̱, kar ku̱tu̱gu̱ bak kedeca.

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 5:30

Iróng wo̱ye̱ anna kogonni gi̱i̱ imma do̱ komize cinanni, kettedike e̱e̱t lo̱ki̱ko̱ ming kiziya zoz ngati Baba. Kettedi lo̱ki̱ko̱ cinanni ju̱rru̱m. Iróng kogonni gi̱i̱ ci orong zinin cinanni, abarik kogonni gi̱i̱ ci orong e̱e̱ti̱ bali i̱tto̱na̱na̱ ke̱.

Kaviyak wak Abunna Ta̱mu̱ta̱dde̱no̱ eher Joni 6:29

O̱bo̱de̱k Ye̱su̱ nogo, a̱nne̱k ne, “Li̱ngli̱ngo̱n ci Ta̱mu̱ta̱dde̱no̱ icu: Abunna ming a̱tu̱we̱nu̱ ngati e̱e̱t bali o̱de̱ i̱tto̱na̱i̱ ke̱.”

Kaviyak wak Abunna Ta̱mu̱ta̱dde̱no̱ eher Joni 6:33

Eci da̱i̱ne̱t cik Ta̱mu̱ta̱dde̱no̱ een e̱e̱t ci a̱kku̱ ta̱mu̱-kenga, kar zin kanyik ol cik aavtte lo̱o̱ta̱ ko̱ ruget.”

Kaviyak wak Abunna Ta̱mu̱ta̱dde̱no̱ eher Joni 6:42

Izeto zin ne, “Iróng dim necu een Ye̱su̱ ngerrti Yosevo wa ka̱gga̱ naga do̱o̱k baatinne ki yaatinne ko̱? Azi wo̱ye̱ enne bo̱do̱k ne, ‘Ka̱kku̱na̱k lo̱o̱c ta̱mu̱-kenga ku̱ niko?’”

Kaviyak wak Abunna Ta̱mu̱ta̱dde̱no̱ eher Joni 6:57

Ogon ki i̱yo̱ko̱ ming i̱tto̱na̱ Baba wa aruge ta̱mu̱-kenga ko̱, karugi zin anna zo̱ze̱ cinne, okko zin e̱e̱ti̱ ci adakce ngatinanni ko̱ abak zo̱ze̱ cinanni.

Roma 15:3

Eci Ki̱ri̱sto̱ eliya ngen ku̱tu̱gu̱ kaal cik anyike nonno katalo do̱, ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne, “Eeh Ta̱mu̱ta̱dde̱n, dominet ci odomnyi ol i̱nne̱ta̱, i̱ta̱ha̱ annita bu̱k.”

Evesos 4:9

Ma i̱yo̱ko̱ ming azi ne, “Uk enne ta̱mu̱-kenga.” Azi keng ci zoz necu ne aave da̱ Ki̱ri̱sto̱ lo̱o̱ta̱ ecito todowai.

I̱bu̱ru̱ 5:8

Ming een Ye̱su̱ Ngerrti Ta̱mu̱ta̱dde̱no̱ nu̱nu̱n, edemez enne gool ci azunne ol zoz ci Ta̱mu̱ta̱dde̱no̱ gi̱de̱nte̱ bali apirnane enne ke̱.