Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kaviyak wak Abunna Ta̱mu̱ta̱dde̱no̱ eher Joni 6:33 - Tennet

33 Eci da̱i̱ne̱t cik Ta̱mu̱ta̱dde̱no̱ een e̱e̱t ci a̱kku̱ ta̱mu̱-kenga, kar zin kanyik ol cik aavtte lo̱o̱ta̱ ko̱ ruget.”

အခန်းကိုကြည့်ပါ။ ကော်ပီ




Kaviyak wak Abunna Ta̱mu̱ta̱dde̱no̱ eher Joni 6:33
13 ပူးပေါင်းရင်းမြစ်များ  

A̱gga̱ Ye̱su̱ niko ming aarik Baatinne kaal do̱o̱k azzin ciginnek, a̱gga̱ bo̱do̱k a̱kku̱ enne ba̱li̱ye̱ ngati Ta̱mu̱ta̱dde̱no̱, kar bo̱do̱k ki̱mi̱re̱ kuk ngati Ta̱mu̱ta̱dde̱no̱.


Ka̱kku̱ni̱ anna ngati Baba ka̱kku̱na̱k lo̱o̱c, abarik zin i̱yo̱ko̱ kutungeya lo̱o̱c ki̱mi̱re̱ kuwa ngati Baba.”


Ku̱du̱wa̱ha̱ nogo zo̱zzo̱k balik a̱du̱wa̱ka̱ i̱nna̱ annit ke̱, ma̱i̱je̱ nege elemtta no̱ngi̱tto̱n ne̱ke̱. A̱gga̱c nege la̱du̱n ka̱kku̱ni̱ anna ngatunne, kar zin ku̱tu̱we̱t ming een i̱nne̱t ci i̱tto̱na̱na̱n.


Ngen e̱e̱ti̱ imma kuk ta̱mu̱-kenga kize Ngerrti E̱e̱to̱ do̱ niko bali a̱kku̱ ta̱mu̱-kenga.


Izek zin Ye̱su̱ nogo ne, “Ka̱du̱wa̱kku̱ng zoz ci een de̱de̱. Iróng ba̱li̱ye̱ een Muses ci a̱a̱nyu̱ng da̱i̱ne̱t cik a̱vvu̱ ta̱mu̱-kenga, Baatanni ci a̱a̱nyu̱ng da̱i̱ne̱t wak een de̱de̱ a̱vvu̱ ta̱mu̱-kenga.


Ka̱kku̱ni̱ la̱du̱n ta̱mu̱-kenga iróng kokko kogonni gi̱i̱ ci korongi anna, abarik kokko kogonni gi̱i̱ ci orong Baatanni bali i̱tto̱na̱na̱ ke̱.


Ongongonet ol wak e̱e̱ggi̱n Ya̱u̱d zo̱ze̱ ci Ye̱su̱, ma̱rri̱t enne azi ne, “Kogonni anna ki da̱i̱ne̱t cik a̱kku̱nna̱k lo̱o̱c ta̱mu̱-kenga.”


Abarik icu zin da̱i̱ne̱t cik aluccai ta̱mu̱-kenga, ming wo̱ye̱ adak e̱e̱ti̱, iróng daizi a̱kku̱nna̱k nonno udut.


Ke̱e̱ni̱ anna da̱i̱ne̱t cik kalucai ta̱mu̱-kenga. Adait ba̱li̱ye̱ ji̱ji̱tu̱ggo̱k balala da̱i̱ne̱t cik een maana ci aluccai ta̱mu̱-kenga bak a̱da̱i̱to̱, imma e̱e̱ti̱ ci adak da̱i̱ne̱t cik kanyaha anna ko̱, iróng atin enne bo̱do̱k a̱da̱i̱, abak atin udut.”


Izek zin Ye̱su̱ nogo ne, “Ming een Ta̱mu̱ta̱dde̱n ci een Be̱e̱ti̱nno̱ng, irezang wo̱ye̱ ette niga annita, eci anna ka̱kku̱ni̱ ngati Ta̱mu̱ta̱dde̱no̱, i̱yo̱ko̱ ka̱vvu̱ ngatinno̱ng ngatu. Iróng anna ka̱kku̱ni̱ o̱o̱we̱ cinanni do̱, nonno ci i̱tto̱na̱na̱n.


Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ