Kaviyak wak Abunna Ta̱mu̱ta̱dde̱no̱ eher Joni 6:32 - Tennet

³² Izek zin Ye̱su̱ nogo ne, “Ka̱du̱wa̱kku̱ng zoz ci een de̱de̱. Iróng ba̱li̱ye̱ een Muses ci a̱a̱nyu̱ng da̱i̱ne̱t cik a̱vvu̱ ta̱mu̱-kenga, Baatanni ci a̱a̱nyu̱ng da̱i̱ne̱t wak een de̱de̱ a̱vvu̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 6:32 ပူးပေါင်းရင်းမြစ်များ

Lu̱ge̱z 16:4

Izek zin Manyi Muses ne, “Kanyike atin anna da̱i̱ne̱t ki̱ta̱zzo̱ ta̱mu̱-kenga kiwagon ta̱mu̱. Anyik ol koot keberta cik eleno ki nogo i̱i̱te̱n co̱de̱. Imma zin go̱o̱le̱ necu katimani atin anna nogo ming annu nege lo̱ti̱nno̱k cigannik.

Lu̱ge̱z 16:8

A̱nne̱k zin bo̱do̱k Musesi nogo ne, “Ovvo atin niga a̱gga̱yyu̱ Ta̱mu̱ta̱dde̱n ba̱li̱ye̱ ci a̱a̱nyu̱ng i̱di̱ng ci adakku yo̱mo̱na̱ ko̱, ki da̱i̱ne̱t cik nge̱rre̱ti̱nu̱ orongnyu niga ko̱, eci izik enne u̱lu̱wa̱ cunno̱ng a̱lu̱we̱kku̱ niga nonno. Ke̱e̱ggi̱nna̱ naga nya? Iróng niga a̱lu̱we̱ke̱ttu̱ agita, abarik u̱tu̱lu̱ze̱k Manyi.”

Kaviyak wak Abunna Ta̱mu̱ta̱dde̱no̱ eher Joni 1:9

Een neci ba̱li̱ye̱ vooriten wa een de̱de̱, a̱kku̱ kar ki̱ki̱ya̱ kutukul ol do̱o̱k lo̱o̱ta̱.

Kaviyak wak Abunna Ta̱mu̱ta̱dde̱no̱ eher Joni 15:1

“Kogonni anna ki keet wa een de̱de̱, kar Baba kize manyi keet.

Kaviyak wak Abunna Ta̱mu̱ta̱dde̱no̱ eher Joni 6:31

Adak ba̱li̱ye̱ ji̱ji̱ti̱gga̱c da̱i̱ne̱t cik een zara maana, aanyik Ta̱mu̱ta̱dde̱n balala, ki ming e̱he̱rye̱ zoz necu warage ci Ta̱mu̱ta̱dde̱no̱, azi ne, ‘Aanyik enne nogo da̱i̱ne̱t cik a̱vvu̱ ta̱mu̱-kenga kadait.’”

Kaviyak wak Abunna Ta̱mu̱ta̱dde̱no̱ eher Joni 6:33

Eci da̱i̱ne̱t cik Ta̱mu̱ta̱dde̱no̱ een e̱e̱t ci a̱kku̱ ta̱mu̱-kenga, kar zin kanyik ol cik aavtte lo̱o̱ta̱ ko̱ ruget.”

Kaviyak wak Abunna Ta̱mu̱ta̱dde̱no̱ eher Joni 6:35

Izek zin Ye̱su̱ nogo ne, “Ke̱e̱ni̱ anna da̱i̱ne̱t cik rugeto. Ming a̱kku̱nna̱ka̱ e̱e̱ti̱, iróng bo̱do̱k adak magiz udut, kar bo̱do̱k ming elemna e̱e̱ti̱, iróng koor a̱ru̱k nonno udut.

Kaviyak wak Abunna Ta̱mu̱ta̱dde̱no̱ eher Joni 6:41

Ongongonet ol wak e̱e̱ggi̱n Ya̱u̱d zo̱ze̱ ci Ye̱su̱, ma̱rri̱t enne azi ne, “Kogonni anna ki da̱i̱ne̱t cik a̱kku̱nna̱k lo̱o̱c ta̱mu̱-kenga.”

Kaviyak wak Abunna Ta̱mu̱ta̱dde̱no̱ eher Joni 6:50

Abarik icu zin da̱i̱ne̱t cik aluccai ta̱mu̱-kenga, ming wo̱ye̱ adak e̱e̱ti̱, iróng daizi a̱kku̱nna̱k nonno udut.

Kaviyak wak Abunna Ta̱mu̱ta̱dde̱no̱ eher Joni 6:55

Een ele cinanni da̱i̱ne̱t cik een de̱de̱ a̱vvu̱ ta̱mu̱-kenga, ovvo bi̱ye̱ta̱ e̱e̱ggi̱n kaal cik een udenet de̱de̱.

Kaviyak wak Abunna Ta̱mu̱ta̱dde̱no̱ eher Joni 6:58

Ke̱e̱ni̱ anna da̱i̱ne̱t cik kalucai ta̱mu̱-kenga. Adait ba̱li̱ye̱ ji̱ji̱tu̱ggo̱k balala da̱i̱ne̱t cik een maana ci aluccai ta̱mu̱-kenga bak a̱da̱i̱to̱, imma e̱e̱ti̱ ci adak da̱i̱ne̱t cik kanyaha anna ko̱, iróng atin enne bo̱do̱k a̱da̱i̱, abak atin udut.”

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.