Kaviyak wak Abunna Ta̱mu̱ta̱dde̱no̱ eher Joni 6:27 - Tennet

²⁷ Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Kaviyak wak Abunna Ta̱mu̱ta̱dde̱no̱ eher Joni 6:27 ပူးပေါင်းရင်းမြစ်များ

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Ma̱te̱yo̱ 6:19

“Ma adazekku e̱le̱tti̱ kaal lo̱o̱ta̱ ngatu, eci i̱to̱kze̱t ci lo̱o̱tu̱ ngatu ovvo adak todowa ki zizac, ovvo bo̱do̱k ogoryaha ogorozi.

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Marko 1:11

I̱ki̱ya̱ zin mului ci a̱kku̱ ta̱mu̱-kenga, azi ne, “E̱e̱ni̱ i̱nna̱ Ngeranni wa kirezi, katalne anna zo̱ze̱ cinne.”

Marko 9:7

I̱ki̱ya̱ zin di̱i̱zo̱ci̱ imma kar ku̱bu̱ng nogo, iyowa zin mului di̱i̱zo̱ca̱: “Een necu Ngeranni wa kirezi. Iziyyet zoz cinne!”

Lu̱ka̱ 3:22

kar zin Vongizi ci A̱li̱le̱ kulucak nonno kiwagon lo̱be̱rru̱i̱. Iyowa zin mului ta̱mu̱-kenga ci azi ne, “E̱e̱ni̱ i̱nna̱ Ngeranni wa kirezi anna; katalne anna zo̱ze̱ cunne oroot.”

Lu̱ka̱ 9:35

Iyowa zin mului di̱i̱za̱ ci azi ne, “Een necu Ngeranni, nonno ci katahala anna; iziyyet zoz cinne.”

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Kaviyak wak Abunna Ta̱mu̱ta̱dde̱no̱ eher Joni 11:42

Ka̱gga̱ gon niko ming aziknan, ka̱du̱wa̱ zin zoz necu kar kiziyet ol cik abile ngatu ko̱, kar kelemtta ming een i̱nne̱t ci i̱tto̱na̱na̱n.”

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 15:24

Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:15

ming anyak ol u̱gge̱ cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:33

Ma e̱e̱ti̱ ci elemi zoz cinne, i̱ye̱la̱ zoz ci azi ne een Ta̱mu̱ta̱dde̱n de̱de̱.

Kaviyak wak Abunna Ta̱mu̱ta̱dde̱no̱ eher Joni 6:40

Eci gi̱i̱ ci orong Baba icu, ming acin e̱e̱ti̱ imma Ngerinne, kar zin ku̱tu̱ zoz cinne, amuda ruget wa aave udut, kar atin anna kitingawe nonno i̱i̱te̱n ci okko looci aṯurneke.”

Kaviyak wak Abunna Ta̱mu̱ta̱dde̱no̱ eher Joni 6:47

Ka̱du̱wa̱kku̱ng zin zoz ci een de̱de̱, ming a̱tu̱we̱ e̱e̱ti̱, anyak ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 6:53

Izek zin Ye̱su̱ nogo ne, “Ka̱du̱wa̱kku̱ng anna zoz ci een de̱de̱, ming iróng niga adakku ele ci Ngerrti E̱e̱to̱ kar bo̱do̱k uudet bi̱ye̱ ciginnek, i̱llo̱i̱ ruget ngatinno̱ng udut.

Kaviyak wak Abunna Ta̱mu̱ta̱dde̱no̱ eher Joni 6:54

Ming adak e̱e̱ti̱ ele cinanni kar kuud bi̱ye̱ wagannik, anyak enne ruget ci aave udut, ming okko aṯurneke looci, kingane atin anna nonno daiza.

Kaviyak wak Abunna Ta̱mu̱ta̱dde̱no̱ eher Joni 6:58

Ke̱e̱ni̱ anna da̱i̱ne̱t cik kalucai ta̱mu̱-kenga. Adait ba̱li̱ye̱ ji̱ji̱tu̱ggo̱k balala da̱i̱ne̱t cik een maana ci aluccai ta̱mu̱-kenga bak a̱da̱i̱to̱, imma e̱e̱ti̱ ci adak da̱i̱ne̱t cik kanyaha anna ko̱, iróng atin enne bo̱do̱k a̱da̱i̱, abak atin udut.”

Kaviyak wak Abunna Ta̱mu̱ta̱dde̱no̱ eher Joni 6:62

Ogon wo̱ye̱ ku̱ ming acinnu Ngerrti E̱e̱to̱ ming a̱mi̱re̱ okko ngin bali a̱kku̱nne̱ ke̱, ta̱mu̱-kenga!

Kaviyak wak Abunna Ta̱mu̱ta̱dde̱no̱ eher Joni 6:68

O̱bo̱de̱k zin Si̱mo̱ne̱ wa een zara uggak Peturu ko̱ Ye̱su̱, a̱nne̱k ne, “Manyi, kovvoya wo̱ye̱ naga ngati ngene? Anyai i̱nna̱ zoz ci een ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 8:18

Kibbaci anna zoz cinanni, okko Baba wa i̱tto̱na̱na̱n ko̱ ibbac zoz cinanni.”

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

1 Ko̱ri̱nto̱ 9:2

Ma wo̱ye̱ nu̱nu̱n ming iróng ol uggak aanya annit kize to̱ni̱a̱t ci Manyi Ye̱su̱, ke̱e̱ni̱ zin anna to̱na̱i̱t de̱de̱ ngatinno̱ng. Ma̱i̱je̱ niga, ka̱gga̱ anna aanyang annit kize to̱na̱i̱t cinne, eci niga a̱tu̱yyu̱ Ye̱su̱ go̱o̱le̱ ci kedemezung anna ngati keene to̱na̱i̱t cinne.

2 Ko̱ri̱nto̱ 4:18

Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

Kolosiya 2:22

Ovvo kaala ne̱ko̱ do̱o̱k edeccai ngati a̱li̱ngli̱nge̱ ol, eci e̱e̱ggi̱n ne̱ko̱ do̱o̱k de̱mzi̱ne̱t ki lo̱ti̱nno̱k cik anyaha e̱e̱ti̱ ci diiri o̱o̱we̱ cinne.

Kolosiya 3:2

Aartik zi̱nze̱tti̱ cuggo̱k kaal cik aavtte ta̱mu̱-kenga, iróng een kaal cik aavtte lo̱o̱ta̱ ngatu.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

I̱bu̱ru̱ 12:16

Gerza ming aave e̱e̱ti̱ ci maci icima ngaa ci orooto ki ol orgene cunno̱ng, icima ogon ki bali I̱sa̱u̱ ming utene a̱bu̱ze̱t da̱i̱nte̱, iróng enne elemi zoz ci Ta̱mu̱ta̱dde̱no̱. Utuwoi enne a̱bu̱ze̱t utubur kaal cik atin aragiz ko̱.

I̱bu̱ru̱ 4:11

I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

Je̱mi̱s 1:11

Aara koor ci a̱bu̱re̱ ovoc vu̱rre̱n kodoit ne kak, ki̱ta̱za̱k lo̱o̱c bak iróng ngen a̱zi̱ze̱ dee. Ogon bu̱k niko, a̱da̱i̱ zin atin ol wak een i̱tto̱k bu̱k ngati a̱li̱ngli̱nge̱ nege.

1 Peturu 1:24

Azi Waraga ci Ta̱mu̱ta̱dde̱no̱ ne, “Ogon ol cik diirik do̱o̱k ki arte, kar di̱ngdi̱ngo̱ni̱ cinne̱ng do̱o̱k ogon ki vu̱rre̱na̱ zara; odoi artenti kar vu̱rre̱na̱ ki̱ta̱zzo̱.

2 Peturu 1:17

Eci enne amuda ngo̱li̱ne̱t ki di̱ngdi̱ngo̱n ngati Ta̱mu̱ta̱dde̱no̱ Be̱e̱ti̱nna̱ baling i̱tto̱na̱ enne muluk ci azi ne, “Een necu Ngeranni wa kirezi; katalne anna oroot ngatinne.”