Kaviyak wak Abunna Ta̱mu̱ta̱dde̱no̱ eher Joni 6:11 - Tennet

¹¹ Idima zin Ye̱su̱ umunet ne̱ke̱ kar kaanyik Ta̱mu̱ta̱dde̱n zany kar kengerek ol, idima bo̱do̱k u̱lu̱g ne̱ke̱ kar ku̱tu̱gu̱ ki wanai, aanyik Ta̱mu̱ta̱dde̱n zany kar kengerek ol ne̱ke̱ veelek.

Kaviyak wak Abunna Ta̱mu̱ta̱dde̱no̱ eher Joni 6:11 ပူးပေါင်းရင်းမြစ်များ

Ma̱te̱yo̱ 15:36

Idima zin enne umunet turgerem ki u̱lu̱gi̱t, baling aanyik enne Ta̱mu̱ta̱dde̱n zany, u̱du̱l umunet ne̱ke̱ ki u̱lu̱gi̱t kizeto idice, kar kaanyik nuyak, engerttek zin nege ol do̱o̱k.

Lu̱ka̱ 24:30

Baling okko enne aave ki nogo ngati da̱i̱nto̱, idima enne umune, aanyik Ta̱mu̱ta̱dde̱n zany, engera kar kaanyik nogo.

Kaviyak wak Abunna Ta̱mu̱ta̱dde̱no̱ eher Joni 21:10

Izek zin Ye̱su̱ nogo ne, “Anyaktta u̱lu̱g u̱gge̱ ne̱k a̱gga̱ma̱nnu̱ ko̱.”

Kaviyak wak Abunna Ta̱mu̱ta̱dde̱no̱ eher Joni 21:13

I̱ki̱ya̱ Ye̱su̱ idima umune ki u̱lu̱gi̱t kar zin kanyik nogo kadait.

Kaviyak wak Abunna Ta̱mu̱ta̱dde̱no̱ eher Joni 21:9

Baling uluccak nege liil ti̱ti̱m, edenyca gwo̱o̱ ci alanyit zolomone anyak u̱lu̱gi̱t ci ivade ki umunet.

Kaviyak wak Abunna Ta̱mu̱ta̱dde̱no̱ eher Joni 6:23

Ma̱i̱je̱ bo̱do̱k i̱vi̱tta̱k i̱be̱tta̱ uggak ti̱ti̱m, a̱vvu̱ o̱rge̱ ci een Tiberias, a̱vvu̱na̱k ti̱ti̱m bali adahe ol da̱i̱ne̱t ngati aanyik Manyi Ye̱su̱ Ta̱mu̱ta̱dde̱n zany.

Kaviyak wak Abunna Ta̱mu̱ta̱dde̱no̱ eher Joni 6:9

“Anyak logozit imma ngatu ci anyak umunet tu̱r, ki u̱lu̱g ram, iróng zin atidic iddera ol ne̱ko̱ veelek.”

Buk wa To̱ni̱a̱u̱ 27:35

Baling u̱du̱wa̱ Pa̱u̱lo̱ zoz necu, idima zin enne umune kar zin kaanyik Ta̱mu̱ta̱dde̱n zany ngu̱me̱ cinne̱ng do̱o̱k ngati alawine kiziyet nege do̱o̱k, u̱bu̱nya̱n umune neci, kar kadaho.

Roma 14:6

Imma e̱e̱ti̱ ci a̱tu̱we̱ ci aanyik i̱i̱te̱n co̱de̱ kize ci riili, ogon Manyi bu̱k niko. Imma e̱e̱ti̱ ci adak i̱di̱ng, adahek enne Manyi, eci enne adahek Ta̱mu̱ta̱dde̱n go̱o̱le̱ necu. Imma e̱e̱ti̱ ci iróng adak i̱di̱ng, ogonik enne Manyi kar kaanyik Ta̱mu̱ta̱dde̱n zany kaale cik aanyik nonno kadak ko̱.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.

1 Te̱se̱lo̱ni̱ka̱ 5:18

aanycik Ta̱mu̱ta̱dde̱n odohize zany kaale do̱o̱k, eci een necu zoz ci odola Manyi kize cunno̱ng ngati a̱tu̱yyu̱ Ye̱su̱ Ki̱ri̱sto̱ wa atahalai.