Kaviyak wak Abunna Ta̱mu̱ta̱dde̱no̱ eher Joni 5:46 - Tennet

⁴⁶ Ming elemnyyu niga de̱de̱ lo̱ti̱nno̱k wak Musesi, a̱tu̱yya̱ng weete annit bu̱k, ma̱rri̱t Musesi ba̱li̱ye̱ eteher zoz ci obod ki annita.

Kaviyak wak Abunna Ta̱mu̱ta̱dde̱no̱ eher Joni 5:46 ပူးပေါင်းရင်းမြစ်များ

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Lu̱ka̱ 24:27

Akane ngati Musesi ki a̱ri̱tto̱k do̱o̱k, oobek zin enne nogo zoz bali obod ki nonno u̱du̱ya̱i̱ e̱he̱rye̱ Waraganyai cik Ta̱mu̱ta̱dde̱no̱ ko̱ do̱o̱k.

Kaviyak wak Abunna Ta̱mu̱ta̱dde̱no̱ eher Joni 1:45

Uruba Vilipi Nathanael kar zin kizek ne, “Ku̱mu̱dda̱ e̱e̱t bali eher Musesi zoz ci obod ki nonno lo̱ti̱nno̱we̱ wak Ta̱mu̱ta̱dde̱no̱ ke̱, kar bo̱do̱k a̱ri̱tto̱wa̱ cik Zoz ci Ta̱mu̱ta̱dde̱no̱ keteherit zoz neci, een enne Ye̱su̱ wa orog ci een Nazeret, ngerrti Yosevo.”

Kaviyak wak Abunna Ta̱mu̱ta̱dde̱no̱ eher Joni 5:47

Ming iróng niga elemnyyu zoz ci Musesi, a̱tu̱yyu̱ wo̱ye̱ zoz ci ka̱du̱wa̱kku̱ng anna i̱ge̱t ko̱ ku̱?”

Buk wa To̱ni̱a̱u̱ 26:22

Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t,

Roma 10:4

Aṯurneke lo̱ti̱nno̱wa̱ baling i̱ki̱ya̱ Ki̱ri̱sto̱, kar ol do̱o̱k kurubta bunnat ci Ta̱mu̱ta̱dde̱no̱ eleme enne ol cik a̱tu̱we̱.

Ga̱la̱ti̱a̱ 2:19

Eci ming korongi kuzute keer neci, egerzan baiz cinanni. Imma i̱yo̱ko̱, kutunga lo̱ti̱nno̱k cik Musesi, koronga baiz ci Ta̱mu̱ta̱dde̱no̱ de̱de̱.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Ga̱la̱ti̱a̱ 3:24

Ebekket lo̱ti̱nno̱wa̱ zee ki̱ki̱ya̱ Ki̱ri̱sto̱; azunnet lo̱ti̱nno̱wa̱ zee ki̱ki̱ya̱ Ye̱su̱ kidimanet kubunnta ngu̱me̱ ci Ta̱mu̱ta̱dde̱no̱ tu̱we̱nta̱.