Kaviyak wak Abunna Ta̱mu̱ta̱dde̱no̱ eher Joni 5:44 - Tennet

⁴⁴ Elemnyyu wo̱ye̱ ku̱ ming a̱di̱ngdi̱nga̱nnu̱ niga e̱le̱tti̱ ciggo̱k ko̱, iróng abarik ngen orongnyu urubta di̱ngdi̱nga̱ni̱ne̱t wa a̱kku̱ ngati Ta̱mu̱ta̱dde̱n, wa o̱de̱ ṯok.

Kaviyak wak Abunna Ta̱mu̱ta̱dde̱no̱ eher Joni 5:44 ပူးပေါင်းရင်းမြစ်များ

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Lu̱ka̱ 19:17

“Ize zin alaani ne, ‘U̱tu̱gu̱ i̱nna̱ gi̱i̱ ci abunna! Eci i̱nna̱ e̱e̱ni̱ du̱ca̱i̱t ci abunna azunne kaal cikidik ko̱, i̱yo̱ko̱ zin katahalai anna i̱nne̱ta̱ ize ddi̱ki̱ryo̱i̱t ci o̱ro̱gjo̱k omoto.’

Kaviyak wak Abunna Ta̱mu̱ta̱dde̱no̱ eher Joni 12:43

Orong nege rezinet ci ol cik diirik oroot, iróng orong rezinet ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 3:20

Abure ol ne̱k ogon mu̱nye̱n ko̱ tukulec, iróng orong ki̱vi̱ta̱k tukulec, eci o̱ngo̱o̱le̱ i̱ye̱la̱ atin mu̱nye̱n cigge̱k.

Kaviyak wak Abunna Ta̱mu̱ta̱dde̱no̱ eher Joni 5:41

Ozoz Ye̱su̱ dee, azi ne, “Iróng anna korongi e̱e̱t ci diiri ki̱di̱ngdi̱nga̱na̱n.

Kaviyak wak Abunna Ta̱mu̱ta̱dde̱no̱ eher Joni 8:43

Nya ming iróng zoz ci kozozi anna ko̱ i̱i̱zo̱ iin cuggo̱k? Ma̱rri̱t iróng niga aziknnu zoz ci kozozi anna ko̱.

Roma 2:10

Ma̱i̱je̱ ol wak ogon kaal cik abunna, amuc atin Ta̱mu̱ta̱dde̱n nogo, aanyik di̱ngdi̱ngo̱n, ki gano, ming e̱e̱ggi̱n nege Ya̱u̱d icima ol cik iróng een Ya̱u̱d.

Roma 2:29

Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 10:18

Iróng een ol ne̱ke̱ cik odong e̱le̱tti̱ azi ne kabunanna, iróng een nogo cik elemi Manyi azi ne abunna, abarik ol cik elemi Manyi abunna, nogo do̱ niko cik abunna.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

1 Te̱se̱lo̱ni̱ka̱ 2:6

Iróng ba̱li̱ye̱ naga korongnya ol u̱gge̱ icima i̱ge̱t kecebtet ceremi. Ming nu̱nu̱n ke̱e̱ggi̱nna̱ to̱ni̱a̱k cik Ki̱ri̱sto̱, iróng korongnya kaanycung nga̱bo̱lo̱ ci e̱le̱me̱tti̱ cigga̱k.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

Je̱mi̱s 2:1

Gotonogga ki Ngonogga tu̱we̱nta̱, ki i̱yo̱ko̱ ming ke̱e̱ggi̱n naga ol wak ka̱tu̱ Manyitinna Ye̱su̱ Ki̱ri̱sto̱, ma ahali ol.

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.

Ju̱da̱ 1:25

Een enne Ta̱mu̱ta̱dde̱n co̱de̱ ṯok Ti̱ri̱zo̱i̱t cinna, anyak enne di̱ngdi̱ngo̱n, ki ddi̱ki̱rze̱t, ki doiz, ki alaanzet ngati Manyitinna Ye̱su̱ Ki̱ri̱sto̱ wa bali aave arrak oowa bu̱u̱llo̱we̱ do̱o̱k, ki i̱yo̱ko̱ udut. Nonno nenen.