Kaviyak wak Abunna Ta̱mu̱ta̱dde̱no̱ eher Joni 5:39 - Tennet

³⁹ Abarik niga ikebju Waraga ci Ta̱mu̱ta̱dde̱no̱ oroot, a̱nnu̱ ne, amudannu ruget ci aave udut. Oob Waraga ci Ta̱mu̱ta̱dde̱no̱ zoz cinanni ele.

Kaviyak wak Abunna Ta̱mu̱ta̱dde̱no̱ eher Joni 5:39 ပူးပေါင်းရင်းမြစ်များ

Ma̱te̱yo̱ 22:29

O̱bo̱de̱k zin Ye̱su̱ nogo, “Abaccu niga oroot eci iróng niga a̱gga̱yyu̱ Waraga ci Ta̱mu̱ta̱dde̱no̱, icima komiz cinne.

Marko 10:3

O̱bo̱de̱k zin enne nogo, “Azi lo̱ti̱nno̱wa̱ cik eher Musesi ko̱ ne zo̱ze̱ ci engerone e̱e̱ti̱ ki ngaa cinne?”

Marko 12:10

Ngen i̱i̱te̱n imma niga ikebit zoz cu Warage ci Ta̱mu̱ta̱dde̱no̱ wa azi ne: “‘Okko bee bali abure ol wak eenyce ko̱ ize bee ci abilne ce̱e̱z kommog veelek;

Lu̱ka̱ 16:29

“Abariz zin bo̱do̱k Aburahami, ‘Anyak nege nginati Muses ki a̱ri̱tto̱k; anyik nogo kiziyet zoz cinne̱ng.’

Lu̱ka̱ 16:31

“A̱nne̱k zin enne nonno ne, ‘Ming iróng nege aziye zoz ci Musesi ki a̱ri̱tto̱k, iróng atin nege elemi zoz ci e̱e̱t imma ci ingazi daiza.’”

Lu̱ka̱ 24:25

Izek zin Ye̱su̱ nogo ne, “E̱e̱ggi̱nnu̱ niga tarbale de̱de̱, kar odoi i̱ge̱t zi̱nze̱tti̱ ngati a̱tu̱yyu̱ zo̱zzo̱k cik u̱du̱kta̱ a̱ri̱tto̱wa̱!

Lu̱ka̱ 24:27

Akane ngati Musesi ki a̱ri̱tto̱k do̱o̱k, oobek zin enne nogo zoz bali obod ki nonno u̱du̱ya̱i̱ e̱he̱rye̱ Waraganyai cik Ta̱mu̱ta̱dde̱no̱ ko̱ do̱o̱k.

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Kaviyak wak Abunna Ta̱mu̱ta̱dde̱no̱ eher Joni 1:45

Uruba Vilipi Nathanael kar zin kizek ne, “Ku̱mu̱dda̱ e̱e̱t bali eher Musesi zoz ci obod ki nonno lo̱ti̱nno̱we̱ wak Ta̱mu̱ta̱dde̱no̱ ke̱, kar bo̱do̱k a̱ri̱tto̱wa̱ cik Zoz ci Ta̱mu̱ta̱dde̱no̱ keteherit zoz neci, een enne Ye̱su̱ wa orog ci een Nazeret, ngerrti Yosevo.”

Kaviyak wak Abunna Ta̱mu̱ta̱dde̱no̱ eher Joni 5:32

Aave e̱e̱ti̱ imma ci ibbac zoz cinanni, ka̱gga̱ niko ming een zoz ci a̱du̱wa̱ enne obod ki annit ko̱ een de̱de̱.

Kaviyak wak Abunna Ta̱mu̱ta̱dde̱no̱ eher Joni 5:36

Ize zin bo̱do̱k Ye̱su̱ ne, “Ke̱e̱ni̱ anna bba̱co̱i̱t ci a̱ddi̱ki̱re̱ kommogi Jon. Aanya Baba li̱ngli̱ngo̱n ci a̱ddi̱ki̱re̱ kar kedecak lo̱o̱ta̱ ngatu, een li̱ngli̱ngo̱n ci kogonni anna ko̱, ci i̱ye̱la̱ zoz ci een de̱de̱ da̱ i̱tto̱na̱na̱ Baba.

Kaviyak wak Abunna Ta̱mu̱ta̱dde̱no̱ eher Joni 5:40

Abarik niga aburnnu iróng a̱vvu̱na̱kka̱ng kar urubta ruget.”

Kaviyak wak Abunna Ta̱mu̱ta̱dde̱no̱ eher Joni 5:46

Ming elemnyyu niga de̱de̱ lo̱ti̱nno̱k wak Musesi, a̱tu̱yya̱ng weete annit bu̱k, ma̱rri̱t Musesi ba̱li̱ye̱ eteher zoz ci obod ki annita.

Kaviyak wak Abunna Ta̱mu̱ta̱dde̱no̱ eher Joni 7:52

O̱bo̱dde̱k zin nege nonno, a̱nne̱k ne, “E̱e̱ni̱ i̱nna̱ e̱e̱t ci Ga̱li̱li̱? Cin ju̱rru̱m, amuda atidic iróng a̱ri̱to̱i̱ti̱ a̱kku̱ o̱rge̱ ci Ga̱li̱li̱.”

Buk wa To̱ni̱a̱u̱ 13:27

Imma zin olli Jerusalemi ki lo̱ddi̱ki̱re̱ cigge̱k iróng elemna Ye̱su̱, abarik abure nonno, akat zin zoz bali u̱du̱kta̱ a̱rri̱tto̱wa̱ ikeb ol odohize I̱i̱te̱ne̱ wa Yu̱bze̱nto̱ ko̱ mo̱o̱le̱t.

Buk wa To̱ni̱a̱u̱ 17:11

Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.

Buk wa To̱ni̱a̱u̱ 26:27

Alaan Agirippa, a̱tu̱ i̱nna̱ a̱ri̱tto̱k? Ka̱gga̱ anna a̱tu̱ i̱nna̱.”

Roma 1:2

I̱ye̱la̱ Ta̱mu̱ta̱dde̱n ba̱li̱ye̱ kaviyak ne̱k abunna ke̱, go̱o̱le̱ ci anyike a̱ri̱tto̱k cik zoz cinne keteherttek waraga wainne a̱li̱le̱.

Roma 3:2

Ming ize e̱e̱ti̱ Ya̱u̱do̱c, riile nege go̱o̱lo̱we̱ cik meelek giir: Arrak oowa, a̱du̱wa̱k Ta̱mu̱ta̱dde̱n kaviyak ciginnek wak abunna ol utuge ci ol cik een Ya̱u̱d.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 11:35

Imma bali gi̱i̱ye̱ neci, icinnet ngaai uggak wak a̱tu̱we̱ ol cigge̱k ming obodai Manyi daiza. Ma̱i̱je̱ ngatu, i̱gi̱dde̱ ol uggak, abure ngati odotik zoz ci Ta̱mu̱ta̱dde̱no̱ lo̱o̱c, kar ol ne̱ke̱ koogtta nogo. Aartik nege zi̱nze̱tti̱ baiz ci abunna oroot a̱kku̱ atin vu̱rrta̱ ngati itingazze ol daiza.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”