Kaviyak wak Abunna Ta̱mu̱ta̱dde̱no̱ eher Joni 5:36 - Tennet

³⁶ Ize zin bo̱do̱k Ye̱su̱ ne, “Ke̱e̱ni̱ anna bba̱co̱i̱t ci a̱ddi̱ki̱re̱ kommogi Jon. Aanya Baba li̱ngli̱ngo̱n ci a̱ddi̱ki̱re̱ kar kedecak lo̱o̱ta̱ ngatu, een li̱ngli̱ngo̱n ci kogonni anna ko̱, ci i̱ye̱la̱ zoz ci een de̱de̱ da̱ i̱tto̱na̱na̱ Baba.

Kaviyak wak Abunna Ta̱mu̱ta̱dde̱no̱ eher Joni 5:36 ပူးပေါင်းရင်းမြစ်များ

Ma̱te̱yo̱ 11:4

O̱bo̱de̱k zin Ye̱su̱ nogo, “I̱mi̱rrte̱, oot u̱du̱kta̱k Jon kaal cik izziktu ki bo̱do̱k kaal cik icinntu niga eberene.

Lu̱ka̱ 2:49

I̱jji̱n zin enne yaatinne, “Nya ming orongnyang niga annit ko̱? Iróng niga a̱gga̱yyu̱ ming kaave anna Ce̱e̱ze̱ ci Baatanni?”

Kaviyak wak Abunna Ta̱mu̱ta̱dde̱no̱ eher Joni 10:25

O̱bo̱de̱k zin Ye̱su̱ nogo, a̱nne̱k ne, “Ku̱du̱wa̱u̱ng zoz necu ba̱li̱ye̱, abarik iróng niga elemnyyu zoz cinanni. Ozoz kaala cik a̱vu̱la̱ ku̱tu̱gu̱ zare cik Baba ko̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 11:37

Abarik uggak ngatinne̱ng azi ne, “Iróng weda e̱e̱ti̱ ci oo ol ebere kicinte ko̱, abiliz daiz ci a̱ru̱k Lazaru ko̱ nya?”

Kaviyak wak Abunna Ta̱mu̱ta̱dde̱no̱ eher Joni 15:24

Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.

Kaviyak wak Abunna Ta̱mu̱ta̱dde̱no̱ eher Joni 17:4

Kanyiya zar cigunnek ku̱bu̱lte̱ lo̱o̱ta̱ ngati kedecai li̱ngli̱ngo̱n bali aanya i̱nna̱ ku̱tu̱gu̱ ke̱.

Kaviyak wak Abunna Ta̱mu̱ta̱dde̱no̱ eher Joni 2:23

Ma baling ngen Ye̱su̱ aave Jerusalema ke̱, ngati adahe I̱i̱te̱n wa Va̱rda̱ngi̱nto̱, icinnet ol cik meelek kaal cik a̱vu̱la̱ ogon Ye̱su̱, kar zin ol ne̱ke̱ ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 3:17

Iróng Ta̱mu̱ta̱dde̱n i̱tto̱na̱k Ngerinne lo̱o̱c, kar ki̱ki̱ya̱ ketted lo̱ki̱ko̱ ci ollu, i̱tto̱na̱ abarik kar ki̱ki̱ya̱ kuruguz ol.

Kaviyak wak Abunna Ta̱mu̱ta̱dde̱no̱ eher Joni 3:2

I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 4:34

Ize Ye̱su̱ ne, “Een da̱i̱ne̱t cigannik li̱ngli̱ngo̱n ci e̱e̱t bali i̱tto̱na̱na̱ ke̱, kar ku̱tu̱gu̱ bak kedeca.

Kaviyak wak Abunna Ta̱mu̱ta̱dde̱no̱ eher Joni 5:32

Aave e̱e̱ti̱ imma ci ibbac zoz cinanni, ka̱gga̱ niko ming een zoz ci a̱du̱wa̱ enne obod ki annit ko̱ een de̱de̱.

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

1 Jon 5:9

Kelemna zin naga zoz ci ibbac ol do̱o̱k, abarik zoz ci ibbac Ta̱mu̱ta̱dde̱n ommog veelek, eci een necu zoz ci ibbace Ta̱mu̱ta̱dde̱n zoz ci Ngerinne.