Kaviyak wak Abunna Ta̱mu̱ta̱dde̱no̱ eher Joni 5:34 - Tennet

³⁴ Iróng kelemi zoz ci a̱du̱wa̱ ol zo̱ze̱ cinanni, abarik, ka̱du̱wa̱kku̱ng zoz necu kar wo̱ye̱ niga urubta ti̱ri̱ze̱ne̱t.

Kaviyak wak Abunna Ta̱mu̱ta̱dde̱no̱ eher Joni 5:34 ပူးပေါင်းရင်းမြစ်များ

Lu̱ka̱ 13:34

“Olli Jerusalemi, olli Jerusalemi, niga ol wak i̱di̱tta̱ a̱ri̱tto̱k cik zoz ci Ta̱mu̱ta̱dde̱no̱, kar kovoccit biyene ol wak i̱tto̱na̱kku̱ng Ta̱mu̱ta̱dde̱n i̱ge̱ta̱, korongi gon anna kuluta dooli ciggo̱k ngi̱nto̱de̱, ki ming alutak tuulici jooro ṯaaba ciginnek, abarik niga aburnnu!

Lu̱ka̱ 19:10

Eci Ngerrti E̱e̱to̱ a̱kku̱ ki̱ki̱ya̱ koronga kar ki̱ti̱ri̱z ol balik i̱ti̱yye̱t tu̱.”

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 5:32

Aave e̱e̱ti̱ imma ci ibbac zoz cinanni, ka̱gga̱ niko ming een zoz ci a̱du̱wa̱ enne obod ki annit ko̱ een de̱de̱.

Kaviyak wak Abunna Ta̱mu̱ta̱dde̱no̱ eher Joni 5:41

Ozoz Ye̱su̱ dee, azi ne, “Iróng anna korongi e̱e̱t ci diiri ki̱di̱ngdi̱nga̱na̱n.

Kaviyak wak Abunna Ta̱mu̱ta̱dde̱no̱ eher Joni 8:54

O̱bo̱de̱k Ye̱su̱ nogo, a̱nne̱k ne, “Ming ka̱di̱ngdi̱nga̱ni̱ anna ele cinanni, i̱llo̱i̱ gi̱i̱ imma. Baatanni ci a̱di̱ngdi̱nga̱na̱n ci awuyyu niga kize Ta̱mu̱ta̱dde̱n cunno̱ng ko̱.

Roma 10:1

Gotonogga ki ngonogga tu̱we̱nta̱, orong zinin cinanni kar kalawek olli Israilo Ta̱mu̱ta̱dde̱n kar nege kurubta ti̱ri̱ze̱ne̱t.

Roma 10:21

Ma̱i̱je̱ zo̱ze̱ ci olli Israilo, ize enne bo̱do̱k ne, “Kabanyik anna Ta̱mu̱ta̱dde̱n azzin cigannik ol wak adite iina abure iróng o̱ngo̱o̱le̱ gi̱i̱ imma.”

Roma 12:21

Ma anyikku zoz ci gerze mu̱nye̱nu̱ kukuwaung, abarik ommogit zoz ci gerze zo̱ze̱ ci abunna.

Roma 3:3

“Anyak ol u̱gge̱ cik meelek ngatinne̱ng wak iróng a̱tu̱ kaviyak ne̱ke̱. Azi ungec ci zoz necu ne iróng zin ngen karike zi̱nze̱tti̱ Ta̱mu̱ta̱dde̱n, iróng zin Ta̱mu̱ta̱dde̱n ngen azunne zoz bali u̱du̱wa̱ enne ke̱?

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

1 Ti̱mo̱te̱yo̱ 4:16

Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

1 Jon 5:9

Kelemna zin naga zoz ci ibbac ol do̱o̱k, abarik zoz ci ibbac Ta̱mu̱ta̱dde̱n ommog veelek, eci een necu zoz ci ibbace Ta̱mu̱ta̱dde̱n zoz ci Ngerinne.