Kaviyak wak Abunna Ta̱mu̱ta̱dde̱no̱ eher Joni 5:28 - Tennet

²⁸ “Ma zin a̱ku̱le̱kku̱ je̱e̱n zo̱ze̱ necu, a̱kku̱ atin i̱i̱te̱ni̱ ci ovvo ol wak a̱da̱i̱to̱ aziye muluk cinne,

Kaviyak wak Abunna Ta̱mu̱ta̱dde̱no̱ eher Joni 5:28 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 3:7

Ma zin a̱ku̱le̱k je̱e̱n zo̱ze̱ ci ka̱du̱wa̱ki̱ ko̱, ‘Abunna bo̱do̱k ming a̱ri̱ta̱nnu̱ng Ta̱mu̱ta̱dde̱n i̱ge̱t jor.’

Kaviyak wak Abunna Ta̱mu̱ta̱dde̱no̱ eher Joni 4:21

Odola zin Ye̱su̱ izek nonno ne, “Ziyan, ngaa cu, a̱kku̱ atin wazini ci iróng ol ngen a̱di̱ngdi̱nga̱n Baba biye cu, icima Jerusalema.

Kaviyak wak Abunna Ta̱mu̱ta̱dde̱no̱ eher Joni 4:23

I̱ki̱ya̱ wazini ci ovvo ol cik a̱di̱ngdi̱nga̱n Baba de̱de̱ Vongiza. Orong Baba ol cik ogon ki i̱yo̱ko̱.

Kaviyak wak Abunna Ta̱mu̱ta̱dde̱no̱ eher Joni 5:20

Ireza annit Baba Ngerinne kar zin ki̱ye̱le̱ya̱ kaal ne̱k ogon enne ke̱ do̱o̱k. I̱ye̱le̱ka̱ atin enne annit kaal cik ommog ne̱ko̱.

Kaviyak wak Abunna Ta̱mu̱ta̱dde̱no̱ eher Joni 5:25

Ka̱du̱wa̱kku̱ng zoz ci een de̱de̱, a̱kku̱ i̱i̱te̱ni̱, abarik i̱ki̱ya̱, aziye atin ol wak a̱da̱i̱to̱ muluk ci Ngerrti Ta̱mu̱ta̱dde̱no̱, kar ol ne̱k iziyyet ke̱ ingazi daiza.

Buk wa To̱ni̱a̱u̱ 24:15

karik anna zinin cinanni Ta̱mu̱ta̱dde̱n ki i̱yo̱ko̱ ol ciko, zoz wa azi ne, ingazi atin ol do̱o̱k wak abunna ki wak gerzek daiza.

Buk wa To̱ni̱a̱u̱ 3:12

Baling icin Peturu ol u̱tu̱gu̱zzo̱ niko, uwahek zin enne nogo zoz ci Ta̱mu̱ta̱dde̱no̱, azi ne, “Olli Israilo, nya ming a̱ku̱le̱kku̱ zoz necu ko̱? Nya ming acinnetu ki ci een agit cik kanyakka doiz icima ka̱gga̱yya̱ Ta̱mu̱ta̱dde̱n, kar kanyikka e̱e̱t necu koto ko̱?

1 Ko̱ri̱nto̱ 15:22

Anyahak e̱e̱ti̱ ci een Adam daiz ol do̱o̱k, kar zin zo̱ze̱ ci Ki̱ri̱sto̱ adiman atin ol do̱o̱k kuruget.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

O̱no̱zzo̱k 20:12

Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.