Kaviyak wak Abunna Ta̱mu̱ta̱dde̱no̱ eher Joni 5:25 - Tennet

²⁵ Ka̱du̱wa̱kku̱ng zoz ci een de̱de̱, a̱kku̱ i̱i̱te̱ni̱, abarik i̱ki̱ya̱, aziye atin ol wak a̱da̱i̱to̱ muluk ci Ngerrti Ta̱mu̱ta̱dde̱no̱, kar ol ne̱k iziyyet ke̱ ingazi daiza.

Kaviyak wak Abunna Ta̱mu̱ta̱dde̱no̱ eher Joni 5:25 ပူးပေါင်းရင်းမြစ်များ

Lu̱ka̱ 15:24

Eci ngeranni cu a̱da̱k ba̱li̱ye̱; imma i̱yo̱ko̱ urug bo̱do̱k.’ A̱ka̱tte̱ zin nege kwo̱o̱r.

Lu̱ka̱ 15:32

Abarik abunna kadak naga kwo̱o̱r kar katalit, eci gotonnu icu a̱da̱k ba̱li̱ye̱ kar i̱yo̱ko̱ urug bo̱do̱k; i̱zzi̱ enne ba̱li̱ye̱ umudai zin.’”

Lu̱ka̱ 9:60

A̱nne̱k Ye̱su̱ nonno ne, “Anyik ol wak e̱e̱ggi̱n daizzok ka̱da̱c e̱e̱t cinne̱ng, ma̱i̱je̱ i̱nna̱ bit uwahek ol ba̱a̱li̱ne̱t ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 13:1

Ma baling ize ojon I̱i̱te̱ni̱ wa Va̱rda̱ngi̱nto̱, a̱gga̱ Ye̱su̱ niko ming i̱ki̱ya̱ i̱i̱ ci okko enne okko ta̱mu̱-kenga ngati Baatinne. Irez enne odohize ol waginnek lo̱o̱ta̱ ko̱, i̱ye̱le̱k zin enne nogo rezinet cinne oroot.

Kaviyak wak Abunna Ta̱mu̱ta̱dde̱no̱ eher Joni 17:1

Baling u̱du̱wa̱ Ye̱su̱ zoz necu, icin ta̱mu̱-keng kar kalawo, ize ne: “Baba, i̱ki̱ya̱ i̱i̱te̱ni̱ wa ovvo ol ododoya annit ta̱la̱ke̱ca̱, kar ku̱bu̱lte̱ zara cik Ngerunne kar zin bo̱do̱k Ngerunne kanyik zar cigunnek ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 4:21

Odola zin Ye̱su̱ izek nonno ne, “Ziyan, ngaa cu, a̱kku̱ atin wazini ci iróng ol ngen a̱di̱ngdi̱nga̱n Baba biye cu, icima Jerusalema.

Kaviyak wak Abunna Ta̱mu̱ta̱dde̱no̱ eher Joni 4:23

I̱ki̱ya̱ wazini ci ovvo ol cik a̱di̱ngdi̱nga̱n Baba de̱de̱ Vongiza. Orong Baba ol cik ogon ki i̱yo̱ko̱.

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Kaviyak wak Abunna Ta̱mu̱ta̱dde̱no̱ eher Joni 5:28

“Ma zin a̱ku̱le̱kku̱ je̱e̱n zo̱ze̱ necu, a̱kku̱ atin i̱i̱te̱ni̱ ci ovvo ol wak a̱da̱i̱to̱ aziye muluk cinne,

Kaviyak wak Abunna Ta̱mu̱ta̱dde̱no̱ eher Joni 6:60

Baling iziyyet nuyaha cik Ye̱su̱ zoz neci, izeto ne, “Okkomi de̱mzi̱ne̱t icu. Ngene wo̱ye̱ ci elemi?”

Kaviyak wak Abunna Ta̱mu̱ta̱dde̱no̱ eher Joni 8:43

Nya ming iróng zoz ci kozozi anna ko̱ i̱i̱zo̱ iin cuggo̱k? Ma̱rri̱t iróng niga aziknnu zoz ci kozozi anna ko̱.

Kaviyak wak Abunna Ta̱mu̱ta̱dde̱no̱ eher Joni 8:47

Aziye ol cik Ta̱mu̱ta̱dde̱no̱ zoz ci a̱du̱wa̱ enne. Iróng niga aziknnu zoz ci Ta̱mu̱ta̱dde̱no̱ eci niga iróng e̱e̱ggi̱nnu̱ ol ciginnek.”

Kaviyak wak Abunna Ta̱mu̱ta̱dde̱no̱ eher Joni 9:27

O̱bo̱de̱k enne nogo, izek ne, “Ku̱du̱wa̱u̱ng wanai anna i̱ge̱t zoz neci, iróng zin bu̱k ngen aziknnang. Orongnyu bo̱do̱k iziyyet nya? Orong ol uggak ngatinno̱ng kizeto nuyak cik e̱e̱t neci?”

Roma 6:4

Baling ka̱gga̱mi̱t naga ba̱ti̱ti̱mo̱, ka̱da̱i̱to̱ ki Ki̱ri̱sto̱ bu̱k iloma, kar atin naga bu̱k kabait baiz ci een jor, ki bali ming ingane baatinne nonno daiza komize cinne ke̱.

Evesos 2:1

Ogonnu niga ba̱li̱ye̱ ki i̱yo̱ko̱ ol cik a̱da̱i̱to̱ eci niga u̱tu̱gu̱zzu̱ mu̱nye̱n kar utuburet zoz ci Ta̱mu̱ta̱dde̱no̱.

Evesos 5:14

Eci vooriteni aanyik kaal do̱o̱k ki̱ye̱lta̱i̱. Zoz zin ci u̱du̱ya̱i̱ azi ne: “Tinga je̱e̱na̱ i̱nna̱ e̱e̱ti̱ ci adungi ko̱, tinga daiza, kar atin vooriten ci Ki̱ri̱sto̱ kataranin.”

Kolosiya 2:13

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k.

O̱no̱zzo̱k 3:1

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Sardis waraga cu: E̱e̱ggi̱n ne̱ko̱ zo̱zzo̱k cik E̱e̱t ci anyak vongizzok cik e̱e̱ggi̱n turgerem Ta̱mu̱ta̱dde̱no̱ ki munyuny cik e̱e̱ggi̱n turgerem. Ka̱gga̱ anna li̱ngli̱ngo̱n cunno̱ng. I̱no̱nnu̱ niga a̱nnu̱ ne arugnu, abarik a̱da̱kttu̱.