Kaviyak wak Abunna Ta̱mu̱ta̱dde̱no̱ eher Joni 5:23 - Tennet

²³ Kar zin ol do̱o̱k ko̱to̱ngo̱o̱ltte̱ Ngerinne ki i̱yo̱ko̱ ming o̱ngo̱o̱le̱ nege Baba ko̱. Ming iróng e̱e̱ti̱ o̱ngo̱o̱le̱ Ngerinne, iróng o̱ngo̱o̱le̱ Baba bali i̱tto̱na̱na̱ ke̱.”

Kaviyak wak Abunna Ta̱mu̱ta̱dde̱no̱ eher Joni 5:23 ပူးပေါင်းရင်းမြစ်များ

Ma̱te̱yo̱ 10:37

“Ming irez e̱e̱ti̱ imma baatinne icima yaatinne oroot kommoga annita, iróng enne agano kize nuyait cinanni; kar bo̱do̱k ming irez e̱e̱ti̱ ngerinne icima buweenyinne oroot kommoga annita, iróng enne agano kize nuyait cinanni;

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 12:21

Ovvo atin ol lo̱o̱co̱we̱ do̱o̱k arike zar ciginnek zi̱nze̱tti̱ cigge̱k.”

Ma̱te̱yo̱ 15:8

“‘Ireza ol ne̱ke̱ annit u̱tu̱ge̱tti̱ne̱ do̱, ma̱i̱je̱ zi̱nze̱tti̱nne̱ cigge̱k aavtte reena ngatinanni.

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Kaviyak wak Abunna Ta̱mu̱ta̱dde̱no̱ eher Joni 14:1

Izek Ye̱su̱ demezyak waginnek ne, “Ma anyikku zi̱nze̱tti̱ cuggo̱k ku̱u̱ce̱t, abarik aartik zi̱nze̱tti̱ Ta̱mu̱ta̱dde̱n, kar bo̱do̱k aartik zi̱nze̱tti̱ annita.

Kaviyak wak Abunna Ta̱mu̱ta̱dde̱no̱ eher Joni 16:14

Okko atin a̱di̱ngdi̱nga̱n zar cigannik ngati a̱du̱wa̱kku̱ng kaal wak ke̱de̱me̱zi̱ anna a̱gga̱c.

Kaviyak wak Abunna Ta̱mu̱ta̱dde̱no̱ eher Joni 17:10

E̱e̱ggi̱n ol cik kanyai anna ko̱ do̱o̱k cigunnek, ovvo ne̱k anyai i̱nna̱ ko̱ do̱o̱k cigannik. A̱bu̱le̱ zin zara cigannik zo̱ze̱ necu.

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 15:12

Eher bo̱do̱k a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Isaya, azi ne, “Ingazi atin Egeroci ci e̱e̱t ci een Jesse, kar ki̱ki̱ya̱ kize alaan ci abal lo̱o̱cco̱k do̱o̱k; kar atin ol cik iróng een Ya̱u̱d do̱o̱k kartik zi̱nze̱tti̱ nonno.”

Roma 6:22

I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

1 Ko̱ri̱nto̱ 1:3

Abunna bai Ta̱mu̱ta̱dde̱n wa een Be̱e̱ti̱nna̱ ki Manyi Ye̱su̱ Ki̱ri̱sto̱ ming a̱a̱nyu̱ng deten ki gano.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

1 Ko̱ri̱nto̱ 6:19

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

2 Ko̱ri̱nto̱ 1:9

Abarik kizetta ne ko̱o̱tta̱ daiza. Iróng zin ngen ka̱tu̱yya̱ e̱le̱tti̱ cigga̱k, abarik kaartiyya zi̱nze̱tti̱ Ta̱mu̱ta̱dde̱n wa ingane ol daiza.

2 Ko̱ri̱nto̱ 13:14

Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.

2 Ko̱ri̱nto̱ 5:14

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.

2 Ko̱ri̱nto̱ 5:19

Een zin necu zoz ci gon kuwakka naga baling a̱da̱k Ki̱ri̱sto̱ ko̱ necu. Anyike Ta̱mu̱ta̱dde̱n ol do̱o̱k lo̱o̱ta̱ ngatu abunna ming anyak gano ki nonno. Iróng enne ngen azunne ba̱ci̱nno̱k balik ogon ol wak a̱tu̱we̱ ke̱. Aanyyet enne kaviyak cik kabahe naga labak ki nonno.

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

I̱bu̱ru̱ 1:6

Baling i̱tto̱na̱k Ta̱mu̱ta̱dde̱n Ngerinne wa o̱de̱ ṯok lo̱o̱c, “I̱lo̱te̱k anjilonya waginnek do̱o̱k abunna ming a̱di̱ngdi̱nga̱n nonno.”

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

1 Jon 2:23

Ming abure e̱e̱ti̱ Ngerinne, abure enne Baatinne bu̱k. Ming elemi e̱e̱ti̱ Ngerinne, elemi enne Baatinne bu̱k.

2 Jon 1:9

Ma ukce kar bo̱do̱k tungek lo̱o̱c zoz bali edemezi ol i̱nne̱t obod ki Ki̱ri̱sto̱ ke̱, icima atin Ta̱mu̱ta̱dde̱n iróng ngen aave ngatunne. Imma e̱e̱ti̱ ci azunne de̱mzi̱ne̱t bali edemze ol nonno ke̱, aave Baba ki Ngerinne ngatinne.