Kaviyak wak Abunna Ta̱mu̱ta̱dde̱no̱ eher Joni 5:22 - Tennet

²² Iróng zin Baba ettedike e̱e̱t imma lo̱ki̱ko̱, abarik aanya annit Ngerrti Ta̱mu̱ta̱dde̱no̱ ketted lo̱ki̱ko̱ ci ollu.

Kaviyak wak Abunna Ta̱mu̱ta̱dde̱no̱ eher Joni 5:22 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:35

Irez Be̱e̱ti̱ do̱le̱co̱ Ngerinne kar zin karik kaal do̱o̱k azzin ciginnek.

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 9:39

Ize zin Ye̱su̱ ne, “Ka̱kku̱ni̱ la̱du̱n anna lo̱o̱c kar ki̱ki̱ya̱ kapak zoz, kanyik ol wak ru̱be̱ni̱k kicinte, ovvo ol wak acine e̱e̱ggi̱n ru̱be̱ne̱.”

Buk wa To̱ni̱a̱u̱ 10:42

A̱du̱wa̱kke̱t agit Ta̱mu̱ta̱dde̱n kar kuwakteya ol ju̱rru̱m zoz ci een Ye̱su̱ Alaan ci etted zoz ci ol cik a̱da̱i̱to̱ ki ol wak ngen aruge.

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Roma 2:16

Ming okko atin Ta̱mu̱ta̱dde̱n ettedik ol lo̱ki̱ko̱, i̱tto̱na̱ atin enne Ye̱su̱ Ki̱ri̱sto̱ kettedik ol lo̱ki̱ko̱ kaale cik ogon nege lo̱mu̱k ki i̱yo̱ko̱ ming e̱he̱rye̱ warage cu ko̱.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

1 Peturu 4:5

Abarik zin nege ovvo atin abarizek Ta̱mu̱ta̱dde̱n wa apahek ol wak aruge ki ol wak a̱da̱i̱to̱ lo̱ki̱ko̱.