Kaviyak wak Abunna Ta̱mu̱ta̱dde̱no̱ eher Joni 5:19 - Tennet

¹⁹ O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 5:19 ပူးပေါင်းရင်းမြစ်များ

Kananet 1:1

Bali oowa kananta eenyca Ta̱mu̱ta̱dde̱n ta̱mu̱-keng ki lo̱o̱c.

Kananet 1:26

Ize zin bo̱do̱k Ta̱mu̱ta̱dde̱n ne, “Keteheenyca zin e̱e̱t ci diiri kudukto ki agita kar kabal u̱lu̱g cik nyatapar ci a̱ddi̱ki̱re̱ ki iballi ki elegje ki kaal cik lo̱o̱ta̱ ko̱ do̱o̱k.”

Lu̱ge̱z 4:11

A̱nne̱k zin Manyi nonno ne, “Ngene ci aanyik e̱e̱t ci diiri utug? Ngene ci aanyik e̱e̱t ci diiri kidite iina icima okkomnek zoz? Ngene ci aanyik e̱e̱t ci diiri kicino icima kize ru̱be̱n? Iróng een Annita, Manyi?

Ma̱te̱yo̱ 26:39

Uk zin enne reena idic niko, kar ku̱lu̱le̱ kicin lo̱o̱c, ala Ta̱mu̱ta̱dde̱n, azi ne, “Baba! Ming elema i̱nna̱ aara uduc ci piryanzeto ngatinanni. Korongi anna zoz cunne ku̱tu̱gu̱we̱ iróng een cinanni.”

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

Kaviyak wak Abunna Ta̱mu̱ta̱dde̱no̱ eher Joni 10:18

I̱llo̱i̱ e̱e̱t ci okkoye ruget ngatinanni. Annit do̱ ci kanyike ele cinanni daiz. Kanyike anna ele daiz zinine cinanni. Kanyai doiz ci kanyike ele cinanni, kanyai doiz ci ka̱mi̱re̱ne̱ ele cinanni. Een zin icu zoz ci erecaneka Baba annit kar ku̱tu̱gu̱.”

Kaviyak wak Abunna Ta̱mu̱ta̱dde̱no̱ eher Joni 12:49

Een zin zoz necu de̱de̱, eci iróng anna kozozi oowe cinanni do̱, abarik Baba wa i̱tto̱na̱na̱ ci i̱lo̱ti̱ka̱ zoz ci ka̱du̱wa̱ ko̱ ki gool ci ka̱du̱wa̱ne̱.

Kaviyak wak Abunna Ta̱mu̱ta̱dde̱no̱ eher Joni 12:50

Ka̱gga̱ niko okkoye ti̱lo̱wi̱ne̱t cinne ol baize ci aave udut. Een zoz ci ka̱du̱wa̱ ko̱, een zoz ci aanya Baba ku̱du̱wa̱.”

Kaviyak wak Abunna Ta̱mu̱ta̱dde̱no̱ eher Joni 14:10

Vilip iróng i̱nna̱ elemna a̱tu̱ zoz ci azi ne kaave anna ngati Baba, okko Baba aave ngatinanni? Okko zoz ci ka̱du̱wa̱ki̱ ko̱ iróng ci kocoma anna, a̱kku̱ doize ci Baba ci abak ngatinanni ko̱ ci ogon li̱ngli̱ngo̱n cinne.

Kaviyak wak Abunna Ta̱mu̱ta̱dde̱no̱ eher Joni 2:19

O̱bo̱de̱k zin Ye̱su̱ nogo, a̱nne̱k ne, “I̱li̱bbe̱t Ce̱e̱z wa Ta̱mu̱ta̱dde̱no̱, kar zin anna keteny bo̱do̱k i̱i̱nya̱we̱ cik een i̱i̱yo̱.”

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Kaviyak wak Abunna Ta̱mu̱ta̱dde̱no̱ eher Joni 6:38

Ka̱kku̱ni̱ la̱du̱n ta̱mu̱-kenga iróng kokko kogonni gi̱i̱ ci korongi anna, abarik kokko kogonni gi̱i̱ ci orong Baatanni bali i̱tto̱na̱na̱ ke̱.

Kaviyak wak Abunna Ta̱mu̱ta̱dde̱no̱ eher Joni 8:28

Izek zin nogo ne, “Ming odongteu Ngerrti E̱e̱to̱ ta̱dde̱n, a̱gga̱yyu̱ atin ke̱e̱ni̱ anna nonno, kar bo̱do̱k a̱gga̱c iróng anna kogonni gi̱i̱ imma doize cinanni. Abarik kozozi ki bali ming edemeza Baba ke̱.

Kaviyak wak Abunna Ta̱mu̱ta̱dde̱no̱ eher Joni 9:4

Abunna ka̱li̱ngli̱ng li̱ngli̱ngo̱n ci e̱e̱t bali i̱tto̱na̱na̱ ke̱ ming een looci wazin ko̱, ming okko ba̱a̱li̱ni̱ a̱kku̱, iróng e̱e̱ti̱ imma ngen a̱li̱ngli̱ngi̱.

Buk wa To̱ni̱a̱u̱ 2:24

Abarik zin Ta̱mu̱ta̱dde̱n itingai nonno daiza, aara wu̱ce̱z ci daizo ngatinne, eci daizi iróng anyak doiz ci a̱gga̱me̱ nonno.

Roma 6:4

Baling ka̱gga̱mi̱t naga ba̱ti̱ti̱mo̱, ka̱da̱i̱to̱ ki Ki̱ri̱sto̱ bu̱k iloma, kar atin naga bu̱k kabait baiz ci een jor, ki bali ming ingane baatinne nonno daiza komize cinne ke̱.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

1 Ko̱ri̱nto̱ 15:12

Ming kuwahek naga ol zoz ci ingane Ki̱ri̱sto̱ daiza, nya ming azi ol uggak ngatinno̱ng ne iróng atin ol wak a̱da̱i̱to̱ ingazi daiza ko̱?

2 Ko̱ri̱nto̱ 4:14

eci naga ka̱gga̱yya̱ niko Ta̱mu̱ta̱dde̱n ele ci bali ingane Manyi Ye̱su̱ daiza kurug, okko atin enne ingannet daiza ki Ye̱su̱, anyahannet atin enne agit ki i̱ge̱t kar ka̱vvu̱t ki nonno nga̱to̱de̱.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

1 Te̱se̱lo̱ni̱ka̱ 4:14

Ming kelemi naga zoz ci a̱da̱kne̱ Ye̱su̱ kar zin kitinga daiza, obodane atin Ta̱mu̱ta̱dde̱n ol ne̱ke̱ daiza kuruget bu̱k ki Ye̱su̱ nga̱to̱de̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.