Kaviyak wak Abunna Ta̱mu̱ta̱dde̱no̱ eher Joni 5:16 - Tennet

¹⁶ I̱gi̱dde̱t zin olli Ya̱u̱do̱ Ye̱su̱ ma̱rri̱t enne angaru e̱e̱t ci omori I̱i̱te̱ne̱ wa Yu̱bze̱nto̱.

Kaviyak wak Abunna Ta̱mu̱ta̱dde̱no̱ eher Joni 5:16 ပူးပေါင်းရင်းမြစ်များ

Ma̱te̱yo̱ 12:13

U̱du̱wa̱k zin Ye̱su̱ e̱e̱t ci ngooli a̱zzi̱ti̱ ko̱ ne, “Zolan da̱ a̱zzi̱t cunne ka̱vvu̱ ṯop.” Ozolan zin e̱e̱ti̱ neci a̱zzi̱t ka̱vvu̱ ṯop, kar zin kubunna ki a̱zzi̱ti̱ co̱de̱ ci abunna ko̱ niko.

Marko 3:6

Oot zin olli Varacis reena akate orongit ki olli alaan He̱ro̱di̱ gool ci kar ku̱ru̱kte̱ Ye̱su̱ ka̱da̱k.

Lu̱ka̱ 6:11

Abarik nege abure nong oroot kar kozozit nege do̱ ogonik wo̱ye̱ nege nya Ye̱su̱.

Kaviyak wak Abunna Ta̱mu̱ta̱dde̱no̱ eher Joni 1:19

Icu zoz ci Joni baling i̱tto̱nte̱k nonno ol cik een Ya̱u̱d Jerusalema ki bo̱do̱k ol wak wawaco ki ol boore ci Le̱vi̱. I̱jji̱nne̱t zin a̱nne̱k ne, “E̱e̱ni̱ i̱nna̱ ngene?”

Kaviyak wak Abunna Ta̱mu̱ta̱dde̱no̱ eher Joni 10:39

Orongit bo̱do̱k nege ka̱gga̱mi̱t Ye̱su̱, inik zin enne lo̱mu̱k utungek nogo lo̱o̱c.

Kaviyak wak Abunna Ta̱mu̱ta̱dde̱no̱ eher Joni 15:20

A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Kaviyak wak Abunna Ta̱mu̱ta̱dde̱no̱ eher Joni 5:10

kar zin bo̱do̱k olli Ya̱u̱do̱ izettek e̱e̱t neci ne, “Iróng i̱nna̱ a̱gga̱ ming azi lo̱ti̱nno̱wa̱ ne, ma odongi kwe̱e̱n cunne I̱i̱te̱ne̱ wa Yu̱bze̱nto̱?”

Kaviyak wak Abunna Ta̱mu̱ta̱dde̱no̱ eher Joni 5:13

Imma e̱e̱ti̱ ci umuda ngarrinet ko̱, iróng ngen a̱gga̱ e̱e̱t ci angaru nonno kubunna, eci Ye̱su̱ ito koole wainne a̱ppwe̱ ke̱ ne dakdak.

Kaviyak wak Abunna Ta̱mu̱ta̱dde̱no̱ eher Joni 5:15

Uk zin e̱e̱ti̱ neci kar ku̱du̱wa̱k ddi̱ki̱ryyo̱k cik Ya̱u̱do̱, a̱nne̱k ne, “Ye̱su̱ ci adimanna kubunna.”

Kaviyak wak Abunna Ta̱mu̱ta̱dde̱no̱ eher Joni 5:17

Izek zin abarik Ye̱su̱ nogo ne, “Ma̱rri̱t Baba a̱li̱ngli̱ngi̱ rok i̱yo̱ko̱, ka̱li̱ngli̱ngi̱ zin anna bu̱k.”

Kaviyak wak Abunna Ta̱mu̱ta̱dde̱no̱ eher Joni 5:18

Imma abarik zo̱ze̱ necu, utuburtek ol cik Ya̱u̱do̱ nonno nong oroot, bak odolta kar atin ku̱ru̱we̱t nonno ka̱da̱k. Orongit zin ku̱ru̱we̱t nonno zo̱ze̱ ci a̱li̱ngli̱nge̱ enne I̱i̱te̱ne̱ wa Yu̱bze̱nto̱ akaka, abarik zo̱ze̱ ci awenne enne Ta̱mu̱ta̱dde̱n kize Baatinne, kar zin go̱o̱le̱ necu, aanyik enne ele cinne kutubto ki Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 7:21

O̱bo̱de̱k bo̱do̱k Ye̱su̱ nogo, a̱nne̱k ne, “Ku̱tu̱gu̱ gi̱i̱ ci a̱vu̱la̱ co̱de̱, u̱ku̱ltte̱u̱ zin niga je̱e̱n.

Kaviyak wak Abunna Ta̱mu̱ta̱dde̱no̱ eher Joni 7:25

Imma i̱i̱te̱ne̱ neci, i̱jji̱nto̱ zin ol uggak Jerusalema, izeto ne, “Iróng dim i̱ye̱ necu een e̱e̱t wanai orong ol ku̱ru̱we̱t ka̱da̱k ko̱?