Kaviyak wak Abunna Ta̱mu̱ta̱dde̱no̱ eher Joni 5:10 - Tennet

¹⁰ kar zin bo̱do̱k olli Ya̱u̱do̱ izettek e̱e̱t neci ne, “Iróng i̱nna̱ a̱gga̱ ming azi lo̱ti̱nno̱wa̱ ne, ma odongi kwe̱e̱n cunne I̱i̱te̱ne̱ wa Yu̱bze̱nto̱?”

Kaviyak wak Abunna Ta̱mu̱ta̱dde̱no̱ eher Joni 5:10 ပူးပေါင်းရင်းမြစ်များ

Ma̱te̱yo̱ 12:10

Ma̱i̱je̱ da̱ nginati anyak e̱e̱t ci ngooli a̱zzi̱ti̱ ci a̱zzo̱. Orong olli Varacisi gool ci kar kecebte Ye̱su̱, i̱jji̱nne̱t zin nege nonno, “Iróng akaka ming angaru i̱nna̱ e̱e̱t I̱i̱te̱ne̱ wa Yu̱bze̱nto̱?”

Marko 2:24

Izektek zin Varacisi Ye̱su̱ ne, “Cin di̱ nuyak cigunnek ko̱, nya ming ogon nege gi̱i̱ ci akaka I̱i̱te̱ne̱ wa Yu̱bze̱nto̱?”

Marko 3:4

I̱jji̱n zin Ye̱su̱ nogo izek ne, “Gi̱i̱ jang ci a̱du̱wa̱ lo̱ti̱nno̱wa̱ cik abunna I̱i̱te̱ne̱ wa Yu̱bze̱nto̱: Ku̱tu̱gu̱ gi̱i̱ ci abunna yo icima ku̱tu̱gu̱ mu̱nye̱n, ka̱ti̱ri̱z ol kuruget icima kanyike ol ka̱da̱i̱to̱ I̱i̱te̱ne̱ wa Yu̱bze̱nto̱?” Abarik ijakce nege li̱i̱m.

Lu̱ka̱ 13:14

Imma ddi̱ki̱ryo̱i̱ti̱ wa Ce̱e̱ze̱ wa Lawinto omoze oroot, eci Ye̱su̱ angaru ngaa wa ngooli ko̱ I̱i̱te̱ne̱ wa Yu̱bze̱nto̱, kar kizek ol ne, “Anyak i̱i̱nya̱ torkonom cik li̱ngli̱ngo̱nta̱k. I̱vi̱ta̱ zin kar abunna ovvo e̱le̱tti̱ cuggo̱k adimane i̱i̱te̱ne̱ ci a̱li̱ngli̱nge̱ ol, iróng een I̱i̱te̱ne̱ wa Yu̱bze̱nto̱.”

Lu̱ka̱ 23:56

I̱mi̱rtte̱ zin nege oot ce̱e̱za̱ kar u̱tu̱gu̱zzo̱ keer cinne̱ng ngati adimane maal ci ongooli. Ma̱i̱je̱ zin nege omonit I̱i̱te̱ne̱ wa Yu̱bze̱nto̱ eci nege o̱ngo̱o̱le̱ lo̱ti̱nno̱k.

Lu̱ka̱ 6:2

I̱jji̱nto̱ zin olli Varacisi uggak izeto ne, “Nya niga ming ogonnu gi̱i̱ ci akaka I̱i̱te̱ne̱ wa Yu̱bze̱nto̱ ko̱?”

Kaviyak wak Abunna Ta̱mu̱ta̱dde̱no̱ eher Joni 1:19

Icu zoz ci Joni baling i̱tto̱nte̱k nonno ol cik een Ya̱u̱d Jerusalema ki bo̱do̱k ol wak wawaco ki ol boore ci Le̱vi̱. I̱jji̱nne̱t zin a̱nne̱k ne, “E̱e̱ni̱ i̱nna̱ ngene?”

Kaviyak wak Abunna Ta̱mu̱ta̱dde̱no̱ eher Joni 5:11

O̱bo̱de̱k enne nogo a̱nne̱k ne, “Abarik e̱e̱ti̱ wa aanya kubunna ko̱ ci a̱nne̱ka̱ ne, dong kwe̱e̱n cunne kar zin bito.”

Kaviyak wak Abunna Ta̱mu̱ta̱dde̱no̱ eher Joni 5:15

Uk zin e̱e̱ti̱ neci kar ku̱du̱wa̱k ddi̱ki̱ryyo̱k cik Ya̱u̱do̱, a̱nne̱k ne, “Ye̱su̱ ci adimanna kubunna.”

Kaviyak wak Abunna Ta̱mu̱ta̱dde̱no̱ eher Joni 5:16

I̱gi̱dde̱t zin olli Ya̱u̱do̱ Ye̱su̱ ma̱rri̱t enne angaru e̱e̱t ci omori I̱i̱te̱ne̱ wa Yu̱bze̱nto̱.

Kaviyak wak Abunna Ta̱mu̱ta̱dde̱no̱ eher Joni 7:23

Ming ettede wucic vi̱ca̱vi̱ca̱ ci do̱le̱co̱ I̱i̱te̱ne̱ wa Yu̱bze̱nto̱, iróng zin lo̱ti̱nno̱wa̱ wak Musesi a̱du̱le̱, nya zin ming omozinnu niga ngatinanni niko ko̱ ming kangaru anna e̱e̱t ci diiri I̱i̱te̱ne̱ wa Yu̱bze̱nto̱?

Kaviyak wak Abunna Ta̱mu̱ta̱dde̱no̱ eher Joni 9:16

Izeto ol ne̱k e̱e̱ggi̱n Varacis uggak ne, “Iróng e̱e̱ti̱ ci a̱ti̱ri̱z ol ko̱ a̱kku̱ Ta̱mu̱ta̱dde̱na̱, ma̱rri̱t enne ming iróng azunne I̱i̱te̱ne̱ wa Yu̱bze̱nto̱.” Ma̱i̱je̱ uggak i̱jji̱nto̱ izeto ne, “Ogon wo̱ye̱ e̱e̱ti̱ ci mu̱nye̱nu̱ kaal cik a̱vu̱la̱ ki ne̱ko̱ ku̱?” Engertto ol ne̱k e̱e̱ggi̱n Varacis ke̱ orgena.