Kaviyak wak Abunna Ta̱mu̱ta̱dde̱no̱ eher Joni 4:48 - Tennet

⁴⁸ Izek Ye̱su̱ nonno ne, “Ming ngen icinnet kaal cik a̱vu̱la̱ ki cik aninung, iróng wo̱ye̱ a̱tu̱we̱nu̱.”

Kaviyak wak Abunna Ta̱mu̱ta̱dde̱no̱ eher Joni 4:48 ပူးပေါင်းရင်းမြစ်များ

Ma̱te̱yo̱ 16:1

Anyak i̱i̱te̱n imma ci a̱vvu̱na̱k ol cik een Varacis ki Saddocis orongit kitimanit Ye̱su̱, zo̱ze̱ ci azi ne ye̱le̱kke̱t gi̱i̱ ci a̱vu̱la̱ ta̱mu̱-kenga.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 27:42

Izektek zin bo̱do̱k nonno ne, “Eela enne ol u̱gge̱, iróng enne eela ele cinne. Ming een enne alaan ci Israilo, anyik nonno kulucai ta̱la̱ke̱ca̱ kar atin naga kelemtta zoz cinne.

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Lu̱ka̱ 16:31

“A̱nne̱k zin enne nonno ne, ‘Ming iróng nege aziye zoz ci Musesi ki a̱ri̱tto̱k, iróng atin nege elemi zoz ci e̱e̱t imma ci ingazi daiza.’”

Kaviyak wak Abunna Ta̱mu̱ta̱dde̱no̱ eher Joni 12:37

Baling u̱tu̱gu̱ Ye̱su̱ kaal cik a̱vu̱la̱ nu̱nu̱n kicinnet olli Ya̱u̱do̱ niko, iróng nege a̱tu̱we̱ dee.

Kaviyak wak Abunna Ta̱mu̱ta̱dde̱no̱ eher Joni 15:24

Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.

Kaviyak wak Abunna Ta̱mu̱ta̱dde̱no̱ eher Joni 2:18

I̱jji̱nne̱t zin ol cik a̱ddi̱ki̱re̱ Ya̱u̱do̱ nonno, a̱nne̱k ne, “Ye̱le̱kke̱t gi̱i̱ imma ci a̱vu̱la̱ kar kicinnta de̱de̱ ming anyai i̱nna̱ komiz?”

Kaviyak wak Abunna Ta̱mu̱ta̱dde̱no̱ eher Joni 20:29

U̱du̱wa̱k zin Ye̱su̱ nonno zoz ci azi ne, “A̱tu̱we̱ i̱nna̱ ma̱rri̱t ming icinnan. U̱mu̱yu̱kte̱ ol cik ngen kicintan imma ngatu a̱tu̱we̱.”

Kaviyak wak Abunna Ta̱mu̱ta̱dde̱no̱ eher Joni 4:49

Izek ddi̱ki̱ryo̱i̱ti̱ ci a̱li̱ngli̱ng ki alaan ko̱ Ye̱su̱ ne, “Alaan, i̱jja̱ ataman ming ngen ngeranni ka̱da̱k.”

Buk wa To̱ni̱a̱u̱ 14:3

A̱vvu̱to̱ Pa̱u̱lo̱ ki Barnabas nginati i̱i̱nya̱ cik meelek, uwahek nege ol zoz ci Manyi Ye̱su̱, aanyik enne nogo ku̱tu̱gu̱zzo̱ kaal cik a̱vu̱la̱ meelek giir, i̱ye̱la̱ necu een kaviyaha ciginnek de̱de̱.

Buk wa To̱ni̱a̱u̱ 15:12

Ijjakte ol do̱o̱k li̱i̱m, ngati azzikne nege Pa̱u̱lo̱ ki Barnabas a̱du̱wa̱k nogo kaal cik a̱vu̱la̱ u̱tu̱gu̱we̱k Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱ne̱ ci u̱tu̱gu̱zzo̱ nege.

Buk wa To̱ni̱a̱u̱ 2:19

Ki̱ye̱la̱ atin anna kaal cik aanyik ol ka̱ma̱li̱ltte̱ o̱o̱tti̱ ta̱mu̱-kenga, ki kaal cik a̱vu̱la̱ lo̱o̱ta̱ ngatu todowai, oowa atin ol bi̱ye̱ ki gwo̱o̱ ci anyak bbu̱rre̱t ci gi̱da̱ngi̱.

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

Buk wa To̱ni̱a̱u̱ 2:43

Ogon to̱ni̱a̱ha̱ kaal cik a̱vu̱la̱ komize ci Vongiz ci A̱li̱le̱, ku̱ku̱lte̱k olli Jerusalemo do̱o̱k je̱e̱n.

Buk wa To̱ni̱a̱u̱ 4:30

I̱tto̱n a̱zzi̱t cunne kar kangaru kar tu̱gu̱ kaal cik a̱vu̱la̱ ki cik aanyik ol ku̱ku̱lte̱k je̱e̱n zare cik du̱ca̱i̱t cunne a̱li̱le̱ Ye̱su̱.”

Buk wa To̱ni̱a̱u̱ 5:12

U̱tu̱gu̱zzo̱ to̱ni̱a̱ha̱ kaal cik a̱vu̱la̱ meelek ki kaal cik aanyik ol ka̱ma̱li̱ltte̱ o̱o̱tti̱. Kar ol wak a̱tu̱we̱ do̱o̱k kurumto baale ci Solomoni ci aave reene ci Ce̱e̱z wa Ta̱mu̱ta̱dde̱no̱.

Buk wa To̱ni̱a̱u̱ 6:8

Een da̱ Stepheni e̱e̱t ci anyak deten ki komiz ci Ta̱mu̱ta̱dde̱no̱, u̱tu̱gu̱we̱k enne ol kaal cik aanyik o̱o̱tti̱ cik ollu ka̱ma̱li̱ltte̱ ki bo̱do̱k kaal cik a̱vu̱la̱.

Buk wa To̱ni̱a̱u̱ 7:36

U̱lu̱ga̱i̱ enne nogo Masira kar ku̱tu̱gu̱ kaal cik a̱ma̱li̱le̱ ol o̱o̱tti̱ ki kaal cik a̱vu̱la̱ Masire, kar bo̱do̱k Nyatapare ci Ma̱ri̱, kar balala e̱rki̱nya̱ cik een moten we̱c.

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

1 Ko̱ri̱nto̱ 1:22

Orong olli Ya̱u̱do̱ kaal cik a̱vu̱la̱, ovvo ol cik e̱e̱ggi̱n Gi̱ri̱k orong genyiz,

2 Ko̱ri̱nto̱ 12:12

Baling ngen kaavtte bu̱k, ku̱tu̱gu̱ kaal cik i̱ye̱la̱ ke̱e̱ni̱ anna to̱ni̱a̱t ci Ki̱ri̱sto̱ de̱de̱, go̱o̱le̱ ci ku̱tu̱gu̱ kaal cik meelek giir a̱vu̱la̱.

2 Te̱se̱lo̱ni̱ka̱ 2:9

A̱kku̱ atin e̱e̱ti̱ ci mu̱nye̱nu̱ ko̱ go̱o̱le̱ ci li̱ngli̱ngo̱n ci Sitano, i̱ye̱la̱i̱ kaale cik a̱vu̱la̱ iróng e̱e̱ggi̱n de̱de̱, ki baayen,

I̱bu̱ru̱ 2:4

I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.