Kaviyak wak Abunna Ta̱mu̱ta̱dde̱no̱ eher Joni 4:46 - Tennet

⁴⁶ I̱mi̱ro̱zi̱k zin bo̱do̱k Ye̱su̱ orog bali een Kana ngati ingane lo̱o̱ce̱ ci een Ga̱li̱li̱, kar kutuhu maam ba̱li̱ye̱ kize merte. Aave da̱ ba̱li̱ye̱ ddi̱ki̱ryo̱i̱ti̱ ci a̱li̱ngli̱ngngo̱ni̱k alaan bu̱k nginati, anyak ngerinne ci omori o̱rge̱ ci een Kapernaum.

Kaviyak wak Abunna Ta̱mu̱ta̱dde̱no̱ eher Joni 4:46 ပူးပေါင်းရင်းမြစ်များ

Ma̱te̱yo̱ 15:22

I̱ki̱ya̱k zin ngaa ci iróng een Ya̱u̱d ko̱ Ye̱su̱, een enne olli Kanaani, abak enne o̱rge̱ neci, egereny zin je̱e̱na̱, “Manyi, Ngerrti Da̱vi̱de̱, eelawan! Apirna buweenyanni, anyak kuulo cik lo̱rye̱nta̱k.”

Ma̱te̱yo̱ 4:13

Utungek orog ci een Nazeret lo̱o̱c, uk abak o̱rge̱ ci een zara Kapernaum, orog ci ojongzo ki nyatapar ci een Ga̱li̱li̱ nginti ojongzo ki lo̱o̱cco̱k cik Zebulun ki Naphtali.

Ma̱te̱yo̱ 9:18

Baling ngen Ye̱su̱ ozoz niko, i̱ki̱ya̱ zin ddi̱ki̱ryo̱i̱ti̱ ci Ce̱e̱z wa Lawinto, kar zin kakatek nonno u̱zu̱ngti̱nne̱, kar kize ne, “A̱da̱k buweenyanni i̱yo̱ko̱ niko. I̱jja̱ tadek nonno a̱zzi̱t kar atin enne kurug.”

Lu̱ka̱ 4:23

A̱nne̱k zin Ye̱su̱ nogo ne, “Ka̱gga̱ anna ming a̱jji̱nna̱ng atidic yabzinet cu: ‘Di̱kto̱r, ngaru ele cunne! Tu̱gu̱ ngatu o̱rge̱ cunne kaal balik kazikna u̱tu̱gu̱ i̱nna̱ Kapernauma ke̱.’”

Lu̱ka̱ 7:2

Anyak da̱ ddi̱ki̱ryo̱i̱ti̱ ci aciiru Romi du̱ca̱i̱t ci irez enne oroot, odoyai kize daizoit.

Lu̱ka̱ 8:42

eci buweenyinne ci o̱de̱ ṯok, een e̱rki̱nya̱ omoto ki ram, ize daizoit. Baling okko Ye̱su̱ goola, orongit abarik koole kiyotit nonno.

Kaviyak wak Abunna Ta̱mu̱ta̱dde̱no̱ eher Joni 2:12

Ma baling edeccai rucenet neci, uluce zin Ye̱su̱ oot ki ciko yaatinne ki gotonoggi ki nuyak waginnek o̱rge̱ ci een zara Kapernaum, kar zin komonit nginati i̱i̱nya̱ cik kidik.

Kaviyak wak Abunna Ta̱mu̱ta̱dde̱no̱ eher Joni 21:2

Aavtte ol ciko to Si̱mo̱ne̱ wa een Peturu, Tomas wa een cuudenit, Nathanael wa a̱kku̱ o̱rge̱ ci een Kana, Ga̱li̱li̱ya̱, ki logoz cik Zebedee, ki nuyak u̱gge̱ rama, arume nege do̱o̱k nga̱to̱de̱.