Kaviyak wak Abunna Ta̱mu̱ta̱dde̱no̱ eher Joni 4:15 - Tennet

¹⁵ Izek zin ngaa neci nonno ne, “Ddi̱ki̱ryo̱i̱t, inya maam ne̱ko̱ u̱gge̱ kar kalal udut, kar bo̱do̱k kuk ka̱vvu̱ lo̱o̱ta̱ ci iróng bo̱do̱k ka̱kku̱na̱i̱ maam u̱gge̱.”

Kaviyak wak Abunna Ta̱mu̱ta̱dde̱no̱ eher Joni 4:15 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 4:16

Izek zin Ye̱su̱ nonno ne, “Bit tuwa mac cunne, kar zin i̱vi̱ta̱ bu̱k rok ngintu.”

Kaviyak wak Abunna Ta̱mu̱ta̱dde̱no̱ eher Joni 6:26

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, iróng niga orongnyang ma̱rri̱t ming ku̱tu̱gu̱ anna kaal cik a̱vu̱la̱. Orongnyang, eci niga adakttu da̱i̱ne̱t atanyarttu.

Kaviyak wak Abunna Ta̱mu̱ta̱dde̱no̱ eher Joni 6:34

Izettek ol ne̱ke̱ Ye̱su̱ ne, “Manyi, inyyet da̱i̱ne̱t ne̱ko̱ odohize.”

Kaviyak wak Abunna Ta̱mu̱ta̱dde̱no̱ eher Joni 6:35

Izek zin Ye̱su̱ nogo ne, “Ke̱e̱ni̱ anna da̱i̱ne̱t cik rugeto. Ming a̱kku̱nna̱ka̱ e̱e̱ti̱, iróng bo̱do̱k adak magiz udut, kar bo̱do̱k ming elemna e̱e̱ti̱, iróng koor a̱ru̱k nonno udut.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 8:5

I̱no̱n ol wak abak kaale cik orong zi̱nze̱tti̱ cigge̱k, kaal cik obod ki ele do̱ niko. Imma ol wak abak Vongize ci Ta̱mu̱ta̱dde̱no̱, i̱no̱n kaal cik obod ki Vongiz.

1 Ko̱ri̱nto̱ 2:14

Ming anyak e̱e̱t ci iróng anyak Vongiz ci Ta̱mu̱ta̱dde̱no̱, iróng enne elemi kaal cik a̱vvu̱ Vongize ci Ta̱mu̱ta̱dde̱no̱, e̱e̱ggi̱n kaala ne̱ke̱ darace ngatinne, iróng kaala ne̱ke̱ i̱i̱zo̱ oo cinne, eci e̱e̱ggi̱n kaal cik Vongizo.

Je̱mi̱s 4:3

Ming a̱jji̱nnu̱ niga Ta̱mu̱ta̱dde̱n, iróng niga amudannu, eci a̱jji̱nnu̱ niga zi̱nze̱tti̱nne̱ cik gerzek, icima ovvo atin niga ogonnu kaal ne̱ke̱ kaal cik amin zi̱nze̱tti̱ cuggo̱k.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.