Kaviyak wak Abunna Ta̱mu̱ta̱dde̱no̱ eher Joni 4:14 - Tennet

¹⁴ Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 4:14 ပူးပေါင်းရင်းမြစ်များ

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Ma̱te̱yo̱ 5:6

U̱mu̱yu̱k Ta̱mu̱ta̱dde̱n ol wak a̱jji̱n zi̱nze̱tti̱ cigge̱k zoz ci Ta̱mu̱ta̱dde̱no̱ ki bunnat cinne, aruba atin zi̱nze̱tti̱ cigge̱k gi̱i̱ ci orong nege.

Kaviyak wak Abunna Ta̱mu̱ta̱dde̱no̱ eher Joni 10:10

A̱kku̱ gon la̱du̱n ogoryaiti ogor ki ru̱we̱ne̱t e̱e̱t ka̱da̱k kar bo̱do̱k kegerzan lo̱o̱c. Imma anna ka̱kku̱ni̱ ko̱ kanyahakung ruget wa aave udut, abunna ming anyakku ruget do̱o̱k.”

Kaviyak wak Abunna Ta̱mu̱ta̱dde̱no̱ eher Joni 11:26

Ming aruge e̱e̱ti̱ kar ku̱tu̱ zoz cinanni, iróng atin a̱da̱i̱ udut. A̱tu̱yyu̱ zoz necu de̱de̱?”

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Kaviyak wak Abunna Ta̱mu̱ta̱dde̱no̱ eher Joni 4:11

Iizek zin ngaa neci Ye̱su̱ ne, “Ddi̱ki̱ryo̱i̱t, i̱llo̱i̱ rok ibala ci kaṯilane maam more ci u̱u̱ni̱ ko̱. Amudak wo̱ye̱ i̱nna̱ maam ne̱k aanyik ol ruget ko̱ i̱ni̱n?

Kaviyak wak Abunna Ta̱mu̱ta̱dde̱no̱ eher Joni 4:13

O̱bo̱de̱k Ye̱su̱ nonno, izek ne, “Ming aud e̱e̱ti̱ imma maam cik iit cu, ngen atin a̱ru̱k koor dee.

Kaviyak wak Abunna Ta̱mu̱ta̱dde̱no̱ eher Joni 4:36

A̱ru̱we̱k ol o̱ro̱bi̱ya̱ ol cik aciryanne kar kulutet kize cik ruget wa aave udut; kar ol wak arire ki ol wak aciryanne katalit nege do̱o̱k.

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Kaviyak wak Abunna Ta̱mu̱ta̱dde̱no̱ eher Joni 6:35

Izek zin Ye̱su̱ nogo ne, “Ke̱e̱ni̱ anna da̱i̱ne̱t cik rugeto. Ming a̱kku̱nna̱ka̱ e̱e̱ti̱, iróng bo̱do̱k adak magiz udut, kar bo̱do̱k ming elemna e̱e̱ti̱, iróng koor a̱ru̱k nonno udut.

Kaviyak wak Abunna Ta̱mu̱ta̱dde̱no̱ eher Joni 6:58

Ke̱e̱ni̱ anna da̱i̱ne̱t cik kalucai ta̱mu̱-kenga. Adait ba̱li̱ye̱ ji̱ji̱tu̱ggo̱k balala da̱i̱ne̱t cik een maana ci aluccai ta̱mu̱-kenga bak a̱da̱i̱to̱, imma e̱e̱ti̱ ci adak da̱i̱ne̱t cik kanyaha anna ko̱, iróng atin enne bo̱do̱k a̱da̱i̱, abak atin udut.”

Kaviyak wak Abunna Ta̱mu̱ta̱dde̱no̱ eher Joni 7:37

Baling okko een i̱i̱te̱n ci a̱ddi̱ki̱re̱ kar kedecai kwo̱o̱r, ibil Ye̱su̱ je̱e̱na̱ kar kozoz muluwe ci a̱bu̱le̱, azi ne, “Ming anyak e̱e̱t ci a̱ru̱k koor, anyik ki̱ki̱ya̱n kar kuude.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 7:16

Iróng atin nogo adak magiz udut; iróng atin koor a̱ru̱k nogo udut. Iróng atin koor ngen atuz nogo, icima tabbal ci atuz nogo.

O̱no̱zzo̱k 7:17

Okko Nyoon ci aave lecera orgena ko̱ een atin tuwayoit cinne̱ng; okkoye atin enne nogo rok e̱be̱re̱c ci maam cik rugetak. Kar atin Ta̱mu̱ta̱dde̱n ki̱ti̱vi̱l ti̱la̱lo̱ eberene cigge̱k do̱o̱k ne lai.”