Kaviyak wak Abunna Ta̱mu̱ta̱dde̱no̱ eher Joni 3:35 - Tennet

³⁵ Irez Be̱e̱ti̱ do̱le̱co̱ Ngerinne kar zin karik kaal do̱o̱k azzin ciginnek.

Kaviyak wak Abunna Ta̱mu̱ta̱dde̱no̱ eher Joni 3:35 ပူးပေါင်းရင်းမြစ်များ

Kananet 41:44

Izek zin alaani Yosevo ne, “Ke̱e̱ni̱ anna alaan, ma̱i̱je̱ ming ngen i̱nna̱ du̱wa̱ zoz cunne, i̱llo̱i̱ e̱e̱t imma ci odong a̱zzi̱t icima zoc Masire do̱o̱k.”

Kananet 41:55

Baling adak magiz lo̱o̱c ci Masiro do̱o̱k, u̱tu̱lu̱ze̱k ol alaan orongit da̱i̱ne̱t. U̱du̱wa̱k zin enne olli Masiro do̱o̱k zoz cu, “Oot ngati Yosevo kar u̱tu̱gu̱z gi̱i̱ ci a̱du̱wa̱kku̱ng enne.”

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Lu̱ka̱ 10:22

“Anyoziya annita kaala do̱o̱k ngati Baba. I̱llo̱i̱ e̱e̱t co̱de̱ ci a̱gga̱ Ngerinne, Baba do̱ ci a̱gga̱, kar bo̱do̱k i̱llo̱i̱ e̱e̱t co̱de̱ ci a̱gga̱ Baba, Ngerinne do̱ ci a̱gga̱ ki ol wak atahala enne, kar ki̱ye̱le̱k nogo zoz ci Baba.”

Kaviyak wak Abunna Ta̱mu̱ta̱dde̱no̱ eher Joni 13:3

A̱gga̱ Ye̱su̱ niko ming aarik Baatinne kaal do̱o̱k azzin ciginnek, a̱gga̱ bo̱do̱k a̱kku̱ enne ba̱li̱ye̱ ngati Ta̱mu̱ta̱dde̱no̱, kar bo̱do̱k ki̱mi̱re̱ kuk ngati Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 15:9

“Ki i̱yo̱ko̱ ming ireza Baba annit ko̱, kirezzung anna i̱ge̱t bu̱k, iraktek zin rezinte cinanni.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 17:23

Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”

Kaviyak wak Abunna Ta̱mu̱ta̱dde̱no̱ eher Joni 17:26

Ku̱du̱wa̱ha̱ anna zar cigunnek nogo ka̱gga̱c, kemenna kanyik, ka̱du̱wa̱i̱ ka̱gga̱yi̱ kar rezinet wa ireza i̱nna̱ annit ka̱vvu̱ ngatinne̱ng bu̱k kar zin anna bu̱k ko̱do̱ye̱wa̱ ki nogo.”

Kaviyak wak Abunna Ta̱mu̱ta̱dde̱no̱ eher Joni 5:20

Ireza annit Baba Ngerinne kar zin ki̱ye̱le̱ya̱ kaal ne̱k ogon enne ke̱ do̱o̱k. I̱ye̱le̱ka̱ atin enne annit kaal cik ommog ne̱ko̱.

Kaviyak wak Abunna Ta̱mu̱ta̱dde̱no̱ eher Joni 5:22

Iróng zin Baba ettedike e̱e̱t imma lo̱ki̱ko̱, abarik aanya annit Ngerrti Ta̱mu̱ta̱dde̱no̱ ketted lo̱ki̱ko̱ ci ollu.

1 Ko̱ri̱nto̱ 15:27

Azi Warage ci Ta̱mu̱ta̱dde̱no̱ ne, “Aanyik Ta̱mu̱ta̱dde̱n Ngerinne kabal kaal do̱o̱k.” Imma zin zo̱ze̱ necu ka̱gga̱ naga niko abal atin Ye̱su̱ Ki̱ri̱sto̱ kaal do̱o̱k. Iróng zin zoz necu ci azi ne, kar atin Ye̱su̱ kabal Ta̱mu̱ta̱dde̱n, een abarik Ta̱mu̱ta̱dde̱n ci anyik nonno kabal kaal ne̱k lo̱o̱tu̱ ko̱ do̱o̱k.

Evesos 1:22

Aanyik Ta̱mu̱ta̱dde̱n Ki̱ri̱sto̱ kabal kaal do̱o̱k, adima zin Ye̱su̱ kize alaan ci a̱ddi̱ki̱re̱ ngati ol wak ke̱le̱ci̱a̱k a̱tu̱ nonno do̱o̱k.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.