Kaviyak wak Abunna Ta̱mu̱ta̱dde̱no̱ eher Joni 3:27 - Tennet

²⁷ O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”

Kaviyak wak Abunna Ta̱mu̱ta̱dde̱no̱ eher Joni 3:27 ပူးပေါင်းရင်းမြစ်များ

Ma̱te̱yo̱ 21:25

A̱kku̱ ba̱ti̱ti̱mo̱ wa a̱gga̱me̱k Joni ol ko̱ nga? A̱kku̱ ta̱mu̱-kenga yo, icima anyaha e̱e̱ti̱ ci diiri?” Ozozzit zin ol ne̱ke̱ e̱le̱tti̱ne̱ cigge̱k do̱. Anno ne, “Ming kizetta naga ne, ‘A̱kku̱ ba̱ti̱ti̱mo̱ ci Joni ta̱mu̱-kenga,’ a̱jji̱nne̱t atidic enne azi ne, ‘Nya ming iróng niga elemnyyu zoz cinne ko̱?’

Ma̱te̱yo̱ 25:15

Aanyik du̱ca̱i̱t co̱de̱ lodet tu̱r cik dhahabo, okko bo̱do̱k co̱de̱ anyike lodet rama cik dhahabo, kar bo̱do̱k ci vu̱rrto̱ kanyik lo̱do̱ co̱de̱ ci dhahabo. Anyik enne e̱e̱t go̱o̱le̱ ci uule e̱e̱ti̱. Kar zin enne kuk eroni cinne.

Marko 13:34

Atubo zoz necu ki e̱e̱t ci eroni: Ungnek enne kaal ce̱e̱z cinne kar kaanyik du̱cca̱k u̱gge̱ kebeit, ngen ngene ki li̱ngli̱ngo̱n cinne, kar ku̱du̱wa̱k e̱e̱t ci aave arana ko̱ kere manyi ce̱e̱z.

Kaviyak wak Abunna Ta̱mu̱ta̱dde̱no̱ eher Joni 10:41

I̱vi̱tta̱k zin ol cik meelek nonno, kar kizeto ne, “Ngen Joni ku̱tu̱gu̱ kaal cik a̱vu̱la̱, imma zoz ci a̱du̱wa̱ enne obod ki e̱e̱t cu een de̱de̱.”

Kaviyak wak Abunna Ta̱mu̱ta̱dde̱no̱ eher Joni 6:65

Oobek zin Ye̱su̱ nogo zoz ci azi ne, “Zoz zin bali ka̱du̱wa̱kku̱ng kazi ne i̱llo̱i̱ e̱e̱t imma ci a̱kku̱nna̱ka̱ ming ngen Baba kaanyik gool.”

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 12:6

Aanyyet zin Ta̱mu̱ta̱dde̱n arizet ci aave do̱ do̱, aanyyet Ta̱mu̱ta̱dde̱n de̱ti̱ne̱t cinne. Ming anyak e̱e̱ti̱ arizet ci a̱du̱wa̱ne̱ kaviyak cik Ta̱mu̱ta̱dde̱no̱, anyik nonno ki̱li̱ngli̱nge̱ tu̱we̱nte̱ cinne.

1 Ko̱ri̱nto̱ 1:1

Annita Pa̱u̱lo̱ wa bali atahala Ta̱mu̱ta̱dde̱n zo̱ze̱ cinne kize to̱ni̱a̱t ci Ye̱su̱ Ki̱ri̱sto̱ ki gotonet tu̱we̱nta̱ wa een zara Sosthenes ci keherakkung waraga necu i̱ge̱t olli Ta̱mu̱ta̱dde̱no̱.

1 Ko̱ri̱nto̱ 12:11

E̱e̱ggi̱n ne̱ko̱ do̱o̱k li̱ngli̱ngo̱n ci e̱e̱t co̱de̱ ki Vongiz neci ele, aanyik enne nogo do̱o̱k e̱co̱de̱ e̱co̱de̱ ki ci orong enne.

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

Ga̱la̱ti̱a̱ 1:1

Keheri anna Pa̱u̱lo̱ waraga cu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n cinne, ke̱e̱ni̱ to̱ni̱a̱t ci kuwahek ol zoz ci Ye̱su̱. Iróng ahalana e̱e̱ti̱ ci diiri, icima zu̱we̱ cik ahalanan. I̱tto̱na̱na̱ annit Ye̱su̱ Ki̱ri̱sto̱ ele ki Ta̱mu̱ta̱dde̱n wa een Be̱e̱ti̱nna̱ bali ingane Ye̱su̱ daiza ke̱.

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.