Kaviyak wak Abunna Ta̱mu̱ta̱dde̱no̱ eher Joni 3:25 - Tennet

²⁵ I̱yo̱ko̱, adangto nuyaha cik Joni ki ollik Ya̱u̱do̱ u̱gge̱, zo̱ze̱ ci uunyenne nege e̱le̱tti̱ maame kizeto caale.

Kaviyak wak Abunna Ta̱mu̱ta̱dde̱no̱ eher Joni 3:25 ပူးပေါင်းရင်းမြစ်များ

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Marko 7:8

Utunget nege ti̱lo̱wi̱ne̱t ci Ta̱mu̱ta̱dde̱no̱, u̱zu̱tte̱ abarik keerani cik ol cik diirik.”

Kaviyak wak Abunna Ta̱mu̱ta̱dde̱no̱ eher Joni 2:6

Imma abanyce cinne̱ng, aavtte i̱jjo̱nyya̱ cik maamu e̱e̱ggi̱n torkonom, i̱jjo̱nyya̱ wak gon da̱ ogone olli Ya̱u̱do̱ keer cinne̱ng tunyento. Okkoye ucca i̱jjo̱ co̱de̱ coviyanya tu̱r icima torkonom bu̱k.

I̱bu̱ru̱ 6:2

ka̱gga̱ naga zoz ci a̱gga̱me̱ ol ba̱ti̱ti̱mo̱ ki azzin cik a̱ta̱dde̱k o̱o̱tti̱ cik ollu alawek Ta̱mu̱ta̱dde̱n ka̱mu̱yu̱k nogo, ki zoz ci ingane enne ol daiza, kar bo̱do̱k enne kettedek ol lo̱ki̱ko̱ ci aave udut.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.

I̱bu̱ru̱ 9:23

Imma zin Ce̱e̱z wa Ta̱mu̱ta̱dde̱no̱ aave lo̱o̱ta̱ ko̱ i̱ya̱kzo̱ni̱k Ce̱e̱z ci aave ta̱mu̱-kenga, abunna zin oroot ming apahek ol kaal cik kazace ngin neci bi̱ye̱te̱ cik e̱le̱gje̱nnu̱ kar ki̱ti̱vi̱la̱ mu̱nye̱n cik ollu. Imma Ce̱e̱z wa Ta̱mu̱ta̱dde̱no̱ wa een de̱de̱, aave ta̱mu̱-kenga ko̱, anyak gi̱i̱ ci kapahek kazace ol, ommog bi̱ye̱ cik e̱le̱gje̱nnu̱.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.