Kaviyak wak Abunna Ta̱mu̱ta̱dde̱no̱ eher Joni 3:2 - Tennet

² I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 3:2 ပူးပေါင်းရင်းမြစ်များ

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Ma̱te̱yo̱ 23:7

Atali nege ming irez ol nogo ngati izzawe nogo cuwa, atali bo̱do̱k ming awu ol nogo azi ne, ‘De̱me̱zo̱i̱t.’

Ma̱te̱yo̱ 23:8

“Abarik ma anyikku e̱e̱t imma kutuwung kize ne, ‘De̱me̱zo̱i̱t’ eci niga anyakku Manyi co̱de̱ ṯok, e̱e̱ggi̱nnu̱ niga do̱o̱k gotonet ki ngonogget.

Marko 12:14

I̱vi̱tta̱k zin nege nonno kar zin kizettek ne, “De̱me̱zo̱i̱t, ka̱gga̱yi̱ gon naga e̱e̱ni̱ i̱nna̱ e̱e̱t ci abunna. Iróng e̱e̱ti̱ imma alabanin, eci i̱nna̱ irezi ol do̱o̱k. Abarik edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ ci een de̱de̱. Abunna zin ming ka̱ru̱we̱ka̱ mucuru alaan ci a̱ddi̱ki̱re̱ Romi yo, gerza da̱?

Kaviyak wak Abunna Ta̱mu̱ta̱dde̱no̱ eher Joni 1:38

Ma baling utuhuwe Ye̱su̱ icin nogo ming annu nonno, kar enne ki̱jji̱n nogo, “Orongnyu niga nya?” O̱bo̱dde̱k nege nonno a̱nne̱k ne, “Rabbi” (wa azi keng cinne ne de̱me̱zo̱i̱t), “abai dim i̱nna̱ nga?”

Kaviyak wak Abunna Ta̱mu̱ta̱dde̱no̱ eher Joni 10:38

Abarik ming kogonni zoz ci Baba, ming iróng a̱tu̱yyu̱ nu̱nu̱n, elemtta zin kaal cik a̱vu̱la̱ kogonni anna ko̱, kar abunna ming a̱gga̱yyu̱ ming kodowina anna ki Baba nga̱to̱de̱.”

Kaviyak wak Abunna Ta̱mu̱ta̱dde̱no̱ eher Joni 12:37

Baling u̱tu̱gu̱ Ye̱su̱ kaal cik a̱vu̱la̱ nu̱nu̱n kicinnet olli Ya̱u̱do̱ niko, iróng nege a̱tu̱we̱ dee.

Kaviyak wak Abunna Ta̱mu̱ta̱dde̱no̱ eher Joni 14:10

Vilip iróng i̱nna̱ elemna a̱tu̱ zoz ci azi ne kaave anna ngati Baba, okko Baba aave ngatinanni? Okko zoz ci ka̱du̱wa̱ki̱ ko̱ iróng ci kocoma anna, a̱kku̱ doize ci Baba ci abak ngatinanni ko̱ ci ogon li̱ngli̱ngo̱n cinne.

Kaviyak wak Abunna Ta̱mu̱ta̱dde̱no̱ eher Joni 15:24

Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.

Kaviyak wak Abunna Ta̱mu̱ta̱dde̱no̱ eher Joni 2:11

Een zin ba̱li̱ye̱ necu gool ci i̱ye̱la̱ Ye̱su̱ gi̱i̱ ci a̱vu̱la̱ een oo o̱rge̱ ci een Kana lo̱o̱ce̱ ci Ga̱li̱li̱. I̱ye̱la̱ zin enne komiz wainne kar zin nuyaha waginnek ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 20:16

Izek zin Ye̱su̱ nonno ne, “Ma̱ri̱ya̱!” Utuhuwek zin Ma̱ri̱ya̱ nonno kar zin kegereny zo̱ze̱ ci ol cik e̱e̱ggi̱n Aramaik kize ne, “Rabboni” Azi keng cinne ne, “De̱me̱zo̱i̱t!”

Kaviyak wak Abunna Ta̱mu̱ta̱dde̱no̱ eher Joni 3:26

I̱vi̱tta̱k zin Jon, kar kizeto ne, “De̱me̱zo̱i̱t, okko e̱e̱t bali aavtiyyu ki i̱nne̱t more ci Jordani ti̱ti̱me̱ ci golla ke̱, e̱e̱t bali ibbaci i̱nna̱ zoz cinne ke̱, a̱gga̱me̱k enne ol ba̱ti̱ti̱mo̱, kar ol do̱o̱k ki̱vi̱rte̱k nonno.”

Kaviyak wak Abunna Ta̱mu̱ta̱dde̱no̱ eher Joni 4:31

Ma̱i̱je̱ ngatu nuyaha waginnek ilalttek nonno, “De̱me̱zo̱i̱t, dak gi̱i̱ imma.”

Kaviyak wak Abunna Ta̱mu̱ta̱dde̱no̱ eher Joni 5:36

Ize zin bo̱do̱k Ye̱su̱ ne, “Ke̱e̱ni̱ anna bba̱co̱i̱t ci a̱ddi̱ki̱re̱ kommogi Jon. Aanya Baba li̱ngli̱ngo̱n ci a̱ddi̱ki̱re̱ kar kedecak lo̱o̱ta̱ ngatu, een li̱ngli̱ngo̱n ci kogonni anna ko̱, ci i̱ye̱la̱ zoz ci een de̱de̱ da̱ i̱tto̱na̱na̱ Baba.

Kaviyak wak Abunna Ta̱mu̱ta̱dde̱no̱ eher Joni 6:2

kar zin koole ci a̱ppwe̱ kunuwet nonno eci acin nege kaal cik a̱vu̱la̱ u̱tu̱gu̱we̱k enne ol wak omori.

Kaviyak wak Abunna Ta̱mu̱ta̱dde̱no̱ eher Joni 7:31

Ma̱i̱je̱ bo̱do̱k ngatu, anyak ol cik meelek ngen a̱tu̱ nonno dee, kar kizeto ne, “Ming okko Ki̱ri̱sto̱ wa een ti̱ri̱zo̱i̱ti̱ a̱kku̱, okko atin enne ogon kaal cik meelek a̱vu̱la̱ kommog cik ogon e̱e̱ti̱ necu?”

Kaviyak wak Abunna Ta̱mu̱ta̱dde̱no̱ eher Joni 9:16

Izeto ol ne̱k e̱e̱ggi̱n Varacis uggak ne, “Iróng e̱e̱ti̱ ci a̱ti̱ri̱z ol ko̱ a̱kku̱ Ta̱mu̱ta̱dde̱na̱, ma̱rri̱t enne ming iróng azunne I̱i̱te̱ne̱ wa Yu̱bze̱nto̱.” Ma̱i̱je̱ uggak i̱jji̱nto̱ izeto ne, “Ogon wo̱ye̱ e̱e̱ti̱ ci mu̱nye̱nu̱ kaal cik a̱vu̱la̱ ki ne̱ko̱ ku̱?” Engertto ol ne̱k e̱e̱ggi̱n Varacis ke̱ orgena.

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

Vilipia 1:14

Eci zo̱ze̱ ci kecebine anna ko̱, aanyik zoz necu komiz gotonogget cik meelek a̱tu̱ Manyi kuwaktek ol zoz ci Ta̱mu̱ta̱dde̱no̱ oroot kodoit zi̱nze̱tti̱ kak, iróng nege ngen o̱ngo̱o̱le̱ gi̱i̱ imma.