Kaviyak wak Abunna Ta̱mu̱ta̱dde̱no̱ eher Joni 3:18 - Tennet

¹⁸ Ming a̱tu̱ e̱e̱ti̱ nonno, iróng enne etted lo̱ki̱ko̱ cinne gerzet, ma̱i̱je̱ ming anyak e̱e̱t ci iróng a̱tu̱ nonno, ettede lo̱ki̱ko̱ cinne la̱du̱n, ma̱rri̱t enne iróng a̱tu̱ zoz ci Ngerrti Ta̱mu̱ta̱dde̱no̱ wa o̱de̱ ṯok.

Kaviyak wak Abunna Ta̱mu̱ta̱dde̱no̱ eher Joni 3:18 ပူးပေါင်းရင်းမြစ်များ

Marko 16:16

Ming elemna e̱e̱ti̱ imma kar ka̱gga̱mo̱zi̱k nonno ba̱ti̱ti̱mo̱, a̱ti̱ri̱z atin Ta̱mu̱ta̱dde̱n nonno. Ma̱i̱je̱ e̱e̱ti̱ ci iróng elemi, ettedozik nonno lo̱ki̱ko̱.

Kaviyak wak Abunna Ta̱mu̱ta̱dde̱no̱ eher Joni 1:12

Ma̱i̱je̱ ol do̱o̱k wak elemtta nonno, ki wak a̱tu̱ zoz cinne, aanyik enne nogo do̱o̱k gool ci ovvo nege e̱e̱ggi̱nne̱ dooli cik Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:36

Ming anyak e̱e̱t ci a̱tu̱ Ngeranni, amuda atin enne ruget wa aave udut, imma e̱e̱ti̱ wa abure Ngeranni iróng acin ruget, eci Ta̱mu̱ta̱dde̱n aburnek nonno nong.”

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Kaviyak wak Abunna Ta̱mu̱ta̱dde̱no̱ eher Joni 6:40

Eci gi̱i̱ ci orong Baba icu, ming acin e̱e̱ti̱ imma Ngerinne, kar zin ku̱tu̱ zoz cinne, amuda ruget wa aave udut, kar atin anna kitingawe nonno i̱i̱te̱n ci okko looci aṯurneke.”

Kaviyak wak Abunna Ta̱mu̱ta̱dde̱no̱ eher Joni 6:47

Ka̱du̱wa̱kku̱ng zin zoz ci een de̱de̱, ming a̱tu̱we̱ e̱e̱ti̱, anyak ruget wa aave udut.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

I̱bu̱ru̱ 3:19

I̱yo̱ko̱ zin, iróng nege i̱i̱zo̱ lo̱o̱c cinne i̱ye̱be̱ze̱ enne, eci iróng nege a̱tu̱ Ta̱mu̱ta̱dde̱n.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 4:9

Een necu zin gool ci i̱ye̱le̱kke̱t Ta̱mu̱ta̱dde̱n rezinet cinne ngati i̱tto̱na̱ne̱ lo̱o̱c Ngerinne wa O̱de̱ Ṯok kar naga kurubta ruget zo̱ze̱ cinne.

1 Jon 5:10

I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.

1 Jon 5:12

Ming a̱tu̱ e̱e̱ti̱ Ngerinne, anyak enne ruget. Imma ming iróng e̱e̱ti̱ a̱tu̱ Ngerrti Ta̱mu̱ta̱dde̱no̱, iróng enne anyak ruget ci aave udut.