Kaviyak wak Abunna Ta̱mu̱ta̱dde̱no̱ eher Joni 3:14 - Tennet

¹⁴ I̱i̱ri̱m ba̱li̱ye̱ Musesi balala keeta uwat ci adimanai zu̱rte̱nta̱, okko atin Ngerrti E̱e̱to̱ i̱i̱ri̱mze̱ keeta niko bu̱k,

Kaviyak wak Abunna Ta̱mu̱ta̱dde̱no̱ eher Joni 3:14 ပူးပေါင်းရင်းမြစ်များ

Ma̱te̱yo̱ 26:54

Ming ku̱tu̱gu̱ anna niko, akati wo̱ye̱ zoz ci Ta̱mu̱ta̱dde̱no̱ e̱he̱rye̱ Warage cinne azi ne, ogonika ol annit ko̱ mo̱o̱le̱t ku̱?”

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Lu̱ka̱ 24:20

A̱gga̱mi̱t zin alaata cik olli wawaco ko̱ nonno kar kaanycik kuk ku̱ru̱we̱ ka̱da̱k, kar kotodoyyek nonno keet ci een ta̱la̱ke̱c;

Kaviyak wak Abunna Ta̱mu̱ta̱dde̱no̱ eher Joni 18:32

I̱i̱na̱ zoz necu ki i̱yo̱ko̱ kar ki̱ye̱la̱i̱ zoz wa ozoze Ye̱su̱ gool ci okko enne a̱da̱kne̱.

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 8:28

Izek zin nogo ne, “Ming odongteu Ngerrti E̱e̱to̱ ta̱dde̱n, a̱gga̱yyu̱ atin ke̱e̱ni̱ anna nonno, kar bo̱do̱k a̱gga̱c iróng anna kogonni gi̱i̱ imma doize cinanni. Abarik kozozi ki bali ming edemeza Baba ke̱.

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.