Kaviyak wak Abunna Ta̱mu̱ta̱dde̱no̱ eher Joni 21:17 - Tennet

¹⁷ I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

Kaviyak wak Abunna Ta̱mu̱ta̱dde̱no̱ eher Joni 21:17 ပူးပေါင်းရင်းမြစ်များ

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Marko 14:72

Ataman niko ogok bo̱do̱k tuulici lak rama. A̱a̱da̱ zin Peturu zoz bali u̱du̱wa̱k Ye̱su̱ nonno ke̱, a̱nne̱k ne, “Ming ngen tuulici kogok lak rama, amikzena atin i̱nna̱ annit lak i̱i̱yo̱.” Kar zin enne ka̱vvu̱ lo̱o̱ta̱ ku̱tu̱lu̱.

Kaviyak wak Abunna Ta̱mu̱ta̱dde̱no̱ eher Joni 12:8

Anyakku atin gon odohize ol wak amati orgene cunno̱ng, abarik zin iróng atin anna kaave orgene cunno̱ng odohize.”

Kaviyak wak Abunna Ta̱mu̱ta̱dde̱no̱ eher Joni 13:38

O̱bo̱de̱k zin Ye̱su̱ nonno, “A̱da̱i̱ wo̱ye̱ atin i̱nna̱ de̱de̱ zo̱ze̱ cinanni? Ka̱du̱wa̱ki̱ zoz ci een de̱de̱, ming a̱jji̱nni̱ atin ol i̱nne̱ta̱ zoz cinanni amikzena atin i̱nna̱ annit lak i̱i̱yo̱ ming ngen tuulici korok!”

Kaviyak wak Abunna Ta̱mu̱ta̱dde̱no̱ eher Joni 14:15

Izek zin bo̱do̱k Ye̱su̱ nogo ne, “Ming irezang niga annit, elemnyyu zoz ci ka̱du̱wa̱ anna.

Kaviyak wak Abunna Ta̱mu̱ta̱dde̱no̱ eher Joni 15:10

Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.

Kaviyak wak Abunna Ta̱mu̱ta̱dde̱no̱ eher Joni 16:30

Ka̱gga̱yya̱ i̱yo̱ko̱ ming a̱gga̱ i̱nna̱ kaal do̱o̱k kar bo̱do̱k iróng kanyak ji̱ne̱ne̱t imma ci ka̱jji̱nni̱ i̱nne̱ta̱. Aanyyet zoz necu agita kelemtta de̱de̱ ming a̱kku̱nni̱ i̱nna̱ ngati Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 18:27

Etezo bo̱do̱k Peturu dee, ma̱i̱je̱ tuulici ogowa.

Kaviyak wak Abunna Ta̱mu̱ta̱dde̱no̱ eher Joni 18:4

Baling a̱gga̱ Ye̱su̱ kaal cik ovvo i̱i̱na̱k nonno ke̱ do̱o̱k, iyok uk u̱ru̱me̱k nogo re̱e̱nu̱n kar zin ki̱jji̱n kizek ne, “Ngene dim ette ci orongnyu niga ko̱?”

Kaviyak wak Abunna Ta̱mu̱ta̱dde̱no̱ eher Joni 21:18

Ka̱du̱wa̱ki̱ anna i̱nne̱t zoz ci een de̱de̱: Baling ngen e̱e̱ni̱ i̱nna̱ idica, aburcek i̱nna̱ ele ru̱u̱m kar bit ngati orongi i̱nna̱. Imma i̱yo̱ko̱ ming ize ma̱ti̱yo̱c, a̱gga̱m ol azzin cigunnek. Aburceki e̱e̱ti̱ imma i̱nne̱t ru̱u̱ma̱ni̱, kar zin kuwuyi ngati iróng i̱nna̱ orongi bite.”

Kaviyak wak Abunna Ta̱mu̱ta̱dde̱no̱ eher Joni 4:16

Izek zin Ye̱su̱ nonno ne, “Bit tuwa mac cunne, kar zin i̱vi̱ta̱ bu̱k rok ngintu.”

Buk wa To̱ni̱a̱u̱ 1:24

Kar zin nege kalayo, kizeto ne, “Manyi, a̱gga̱ i̱nna̱ zi̱nze̱tti̱ cik ollu do̱o̱k. Ngene olle cik een rama ko̱ ci atahala i̱nna̱,

Buk wa To̱ni̱a̱u̱ 11:10

I̱nna̱ka̱ zoz necu annit lak i̱i̱yo̱, kar zin ki̱mi̱re̱ kuk ta̱mu̱-kenga dee.

Buk wa To̱ni̱a̱u̱ 15:8

Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

1 Peturu 1:6

Imma zin zo̱ze̱ necu, atalninnu niga oroot, kar zin i̱yo̱ko̱ ovvo niga apirnannu do̱yo̱i̱t kaale do̱o̱k cik atimannung ol.

2 Peturu 3:1

Gotonogga ki ngonogga tu̱we̱nta̱, i̱yo̱ko̱ keherakkung bo̱do̱k waraga necu kar kunu gooni bali arrak keherakkung oowa ke̱. Imma zin waraganyai ne̱ko̱ do̱o̱k, korongi ka̱a̱da̱u̱ng i̱ge̱t zo̱zzo̱k ne̱ke̱ kar i̱no̱ni̱t nogo do̱o̱k.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.

O̱no̱zzo̱k 3:19

Ovvo ol cik kirezi anna kegerenyek kar ki̱ti̱lo̱ nogo. Izet zin ol cik a̱du̱wa̱nnu̱ zoz ci een de̱de̱, kar etteddo ki ba̱ci̱nno̱k zo̱o̱.