Kaviyak wak Abunna Ta̱mu̱ta̱dde̱no̱ eher Joni 20:1 - Tennet

¹ Ma̱i̱je̱ nge̱rre̱t ri̱ri̱wo̱na̱ i̱i̱te̱ne̱ wa een Dominika, uk da̱ Ma̱ri̱ya̱ Madalina ngi̱lo̱me̱ ci Ye̱su̱, kar zin kuk kumuda bee bali tatuge ci ngi̱lo̱mo̱ ke̱ i̱zzi̱ to.

Kaviyak wak Abunna Ta̱mu̱ta̱dde̱no̱ eher Joni 20:1 ပူးပေါင်းရင်းမြစ်များ

Ma̱te̱yo̱ 27:56

Imma ngaane ne̱ke̱ owoye ciko, Ma̱ri̱ya̱ Madalina ki Ma̱ri̱ya̱ e̱e̱ti̱ Je̱mi̱si̱ ki Yosevo, ki bo̱do̱k ngaa ci Zebedee, e̱e̱ti̱ Je̱mi̱si̱ ki Jon.

Ma̱te̱yo̱ 27:60

kar zin kaarik ilomi ci een jor adiman da̱ enne ngi̱lo̱ma̱, kar kiyotek bee ci a̱ddi̱ki̱re̱ ku̱bu̱ng ilomi kar kuk.

Ma̱te̱yo̱ 27:64

I̱yo̱ko̱ anyik ol kebeit ilomi kedecca i̱i̱nya̱ cik een i̱i̱yo̱ balik u̱du̱wa̱ enne ke̱, icima a̱vvu̱ atin nuyaha ciginnek ki̱vi̱ta̱ kogorozit ilomi ko̱o̱tte̱ ele cinne, kar kizettek ol ne itinga enne daiza. Okko atin volong cinne̱ng a̱ppwa̱ oroot kommog bali u̱du̱wa̱ enne ke̱.”

Ma̱te̱yo̱ 27:66

Kar koot kidimanit ilomi necu ju̱rru̱m, a̱di̱l nege kar kutungttek ol kebeit.

Ma̱te̱yo̱ 28:1

Baling edeccai I̱i̱te̱ni̱ wa Yu̱bze̱nto̱, oot zin Ma̱ri̱ya̱ Madalina ki Ma̱ri̱ya̱ imma bo̱do̱k gooni rok ilomi ci Ye̱su̱ munyata i̱i̱te̱ne̱ wa een Dominika.

Ma̱te̱yo̱ 28:2

Ataman niko otomowe ki̱rki̱ryi̱ lo̱o̱c, ulucak zin anjilo ci Manyi ta̱mu̱-kenga lo̱o̱c. Iyot zin bee bali anyuge ol ilomi ci Ye̱su̱ ke̱ kar ka̱vvu̱ biye neci.

Marko 15:46

Utuwa zin Yosevo ru̱u̱m, aara ele ci Ye̱su̱ kar ku̱lu̱ce̱k ru̱u̱m neci, kar kaarik ilomi ci aave ngi̱lo̱ma̱. Kar koborboranek bee tatug ci ngi̱lo̱mo̱.

Marko 16:9

Baling okko Ye̱su̱ ingazi daiza i̱i̱te̱ne̱ wa een oo biranoca, i̱ye̱le̱k zin enne ele cinne arrak Ma̱ri̱ya̱ Madalina, wa bali ottowe enne ngatinne kuulo cik lo̱rye̱nta̱k een turgerem ke̱.

Kaviyak wak Abunna Ta̱mu̱ta̱dde̱no̱ eher Joni 11:38

U̱u̱c zin bo̱do̱k Ye̱su̱ zinin oroot kar zin kuk ngi̱lo̱ma̱, a̱ri̱ta̱ne̱k da̱ ol ngi̱lo̱m neci bee utug ku̱bu̱ng.

Kaviyak wak Abunna Ta̱mu̱ta̱dde̱no̱ eher Joni 11:41

I̱pi̱ktta̱ zin ol bee neci ngi̱lo̱ma̱ utuga ke̱, icin zin Ye̱su̱ ta̱mu̱-keng, kar zin kize ne, “Baba kaanyi zany, iziyu i̱nna̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 19:25

Abile da̱ e̱e̱ti̱ Ye̱su̱ keete ci een ta̱la̱ke̱c abanyca ki ngooni ki Ma̱ri̱ya̱ ngaa ci e̱e̱t ci een zara Klopas. Abile da̱ Ma̱ri̱ya̱ Madalina bu̱k ojonun nginati ododine Ye̱su̱ ke̱.

Kaviyak wak Abunna Ta̱mu̱ta̱dde̱no̱ eher Joni 20:26

Baling edeccai i̱i̱nya̱ cik e̱e̱ggi̱n turgerem, a̱vvu̱to̱ nuyaha ce̱e̱za̱ ecito, aavtte da̱ Tomasi ki nogo. Anyuge ba̱li̱ye̱ tatugeta, abarik Ye̱su̱ i̱tto̱ orgen cinne̱ng ca̱a̱to̱ kibil kar zin kizek nogo ne, “A̱vvu̱t labak!”

Buk wa To̱ni̱a̱u̱ 20:7

Imma i̱i̱te̱ne̱ wa een Dominika, ka̱vvu̱ta̱ naga do̱o̱k nga̱to̱de̱ kar kadakta umune wa ka̱a̱da̱nna̱ daiz bali Ye̱su̱ ke̱. Uwak Pa̱u̱lo̱ zee kize ba̱a̱li̱n keng, eci bali orong kar koto nge̱rre̱ti̱n ci reng.

1 Ko̱ri̱nto̱ 16:2

Imma i̱i̱te̱ne̱ wa een Dominika, abunna e̱e̱ti̱ ming aarik o̱ro̱bi̱ya̱ u̱gge̱ cik agano ki nonno, kar karik abanyit kize ja̱mi̱te̱n, adaz zee ming kokko anna ka̱kku̱ni̱, karuba o̱ro̱bi̱ya̱ ne̱ko̱ ulutai, i̱llo̱i̱ o̱ro̱bi̱ya̱ u̱gge̱ bo̱do̱k cik oowanu niga.

O̱no̱zzo̱k 1:10

Imma i̱i̱te̱ne̱ ci alawe ol cik a̱tu̱we̱ Manyi Ye̱su̱, i̱ki̱ya̱ha̱ Vongizi ci Ta̱mu̱ta̱dde̱no̱ o̱no̱zo̱we̱, kar anna kizik vu̱rrte̱ cinanni muluk ci a̱ppwe̱ oroi ki ture ci abuwe,