Kaviyak wak Abunna Ta̱mu̱ta̱dde̱no̱ eher Joni 19:6 - Tennet

⁶ Baling icinnet alaata cik olli wawaco ki lo̱ddi̱ki̱re̱ wak a̱li̱ngli̱ng ki nogo Ye̱su̱, egerenyit izeto ne, “Otoddoc nonno! Otodoyyek nonno ta̱la̱ke̱c!” Ma̱i̱je̱ Pilato obodehe nogo, izek ne, “O̱o̱tte̱ kar oot otoddoc, ma̱i̱je̱ anna ngen kumuda gi̱i̱ imma ci abaci e̱e̱ti̱ necu kar wo̱ye̱ ette kettedik nonno lo̱ki̱ko̱.”

Kaviyak wak Abunna Ta̱mu̱ta̱dde̱no̱ eher Joni 19:6 ပူးပေါင်းရင်းမြစ်များ

Ma̱te̱yo̱ 26:58

Abarik Peturu unu nonno vu̱rrta̱ zee rok ce̱e̱z ci alaan ci a̱ddi̱ki̱re̱ wawaco. I̱tto̱ enne uk a̱vvu̱ lo̱o̱ta̱ orong kicin gi̱i̱ ci ogonik ol Ye̱su̱.

Ma̱te̱yo̱ 27:22

I̱jji̱n zin bo̱do̱k Pilato nogo, a̱nne̱k ne, “Ming kaara anna Barabas do̱, ku̱tu̱gu̱we̱k Ye̱su̱ wa een Ki̱ri̱sto̱ ko̱ nya?” Egerenyit nege do̱o̱k, “Otodoyyek nonno keet wa een ta̱la̱ke̱c!”

Ma̱te̱yo̱ 27:24

Baling icin Pilato okkom zoz ci oogane enne Ye̱su̱, abarik orong nyi̱li̱ kitinga, idima zin enne maam uduca kar kutuny azzin ciginnek ngati acine ol do̱o̱k. Kar kizek ne, “Kabunna anna, iróng atin bi̱ye̱ta̱ cik e̱e̱t necu adaka annita. Ize necu zoz cunno̱ng!”

Lu̱ka̱ 23:4

Izek zin Pilato alaat cik olli wawaco ki koole do̱o̱k ne, “I̱llo̱i̱ gi̱i̱ ci gerze karuba anna ci u̱tu̱gu̱ e̱e̱ti̱ cu.”

Kaviyak wak Abunna Ta̱mu̱ta̱dde̱no̱ eher Joni 18:3

Odola Judasi ngati adawane Ye̱su̱, i̱vi̱ta̱ zin ki aciir cik Romi ki ddi̱ki̱ryyo̱k cik i̱tto̱na̱ alaata cik olli wawaco ki olli Varacisi. Anyak da̱ ol ne̱ke̱ urezwa ki ilanya ki i̱jjo̱ cik jo̱o̱ra̱k.

Kaviyak wak Abunna Ta̱mu̱ta̱dde̱no̱ eher Joni 18:31

Izek Pilato ne, “O̱o̱tte̱ kar oot etteddek ba̱ci̱ cinne go̱o̱le̱ ci lo̱ti̱nno̱k cuggo̱k e̱le̱tti̱ne̱.” O̱bo̱dde̱k ol ne̱k e̱e̱ggi̱n Ya̱u̱d ke̱ nonno izettek ne, “Iróng naga kanyaka komiz ci wo̱ye̱ kettedika e̱e̱t imma daiz.”

Kaviyak wak Abunna Ta̱mu̱ta̱dde̱no̱ eher Joni 18:38

I̱jji̱n zin Pilato Ye̱su̱, izek ne, “Nya ci een de̱de̱?” Kar zin kiyok kuk reena ngati aavtte ol cik Ya̱u̱do̱ ke̱, kar zin kize ne, “Kamuda i̱llo̱i̱ gi̱i̱ imma ci abaci e̱e̱ti̱ cu kar kettedek nonno lo̱ki̱ko̱.”

Kaviyak wak Abunna Ta̱mu̱ta̱dde̱no̱ eher Joni 19:15

Egerenyit nege izeto ne, “Bite nonno ngati! Bite nonno ngati! Todo nonno ta̱la̱ke̱ca̱ ka̱da̱k!” I̱jji̱n zin Pilato nogo, izek ne, “Kotoddo alaan cunno̱ng ko̱?” O̱bo̱dde̱k alaata cik olli wawaco nonno, izettek ne, “Iróng naga kanyaka alaan imma kize alaan ci a̱ddi̱ki̱re̱ Romi do̱ niko.”

Kaviyak wak Abunna Ta̱mu̱ta̱dde̱no̱ eher Joni 19:4

Obodak bo̱do̱k Pilato ol ne̱k e̱e̱ggi̱n Ya̱u̱d ke̱ reena kar zin kizek ne, “Izikttang di̱, kanyahakung nonno re̱e̱nu̱n kar a̱gga̱c ming i̱llo̱i̱ gi̱i̱ imma ci kamuda ette abaci e̱e̱ti̱ cu. Kar kettedik lo̱ki̱ko̱.”

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

Buk wa To̱ni̱a̱u̱ 7:52

Anyak de̱de̱ da̱ a̱ri̱to̱i̱t ci ngen ji̱ji̱tu̱ggo̱k ki̱gi̱de̱t? U̱ru̱we̱t abarik nege a̱ri̱tto̱k wak a̱du̱wa̱ zoz ci a̱kku̱nne̱ E̱e̱ti̱ wa Abunna O̱de̱ ṯok. I̱yo̱ko̱ zin adayau niga nonno kar bo̱do̱k u̱ru̱we̱t nonno ka̱da̱k,