Kaviyak wak Abunna Ta̱mu̱ta̱dde̱no̱ eher Joni 19:4 - Tennet

⁴ Obodak bo̱do̱k Pilato ol ne̱k e̱e̱ggi̱n Ya̱u̱d ke̱ reena kar zin kizek ne, “Izikttang di̱, kanyahakung nonno re̱e̱nu̱n kar a̱gga̱c ming i̱llo̱i̱ gi̱i̱ imma ci kamuda ette abaci e̱e̱ti̱ cu. Kar kettedik lo̱ki̱ko̱.”

Kaviyak wak Abunna Ta̱mu̱ta̱dde̱no̱ eher Joni 19:4 ပူးပေါင်းရင်းမြစ်များ

Ma̱te̱yo̱ 27:19

Baling ngen aave Pilato lecere cinne lo̱ki̱ka̱, i̱tto̱na̱ zin ngaa cinne zoz cu: “Ma ogonik gi̱i̱ ci gerze e̱e̱t ci abunna eceb ol gaganiko ko̱, eci anna kipira o̱no̱zo̱we̱ cik a̱vvu̱na̱ka̱ zo̱ze̱ cinne.”

Ma̱te̱yo̱ 27:24

Baling icin Pilato okkom zoz ci oogane enne Ye̱su̱, abarik orong nyi̱li̱ kitinga, idima zin enne maam uduca kar kutuny azzin ciginnek ngati acine ol do̱o̱k. Kar kizek ne, “Kabunna anna, iróng atin bi̱ye̱ta̱ cik e̱e̱t necu adaka annita. Ize necu zoz cunno̱ng!”

Ma̱te̱yo̱ 27:4

A̱nne̱k nogo ne, “Kabaca anna, ku̱tu̱gu̱ mu̱nye̱n, eci kadawa e̱e̱t ci abunna.” O̱bo̱dde̱k zin nege, a̱nne̱k ne, “Iróng naga kedeconika zoz necu, een necu zoz cunne.”

Ma̱te̱yo̱ 27:54

Baling icin ddi̱ki̱ryo̱i̱ti̱ ci aciiru ki aciir balik ebek Ye̱su̱ ko̱ ki̱rki̱ri̱k ki kaal ne̱k ogone ke̱ do̱o̱k, o̱to̱ngo̱o̱ltte̱ nege lo̱o̱c oroot, kar kizeto ne, “Een ette enne de̱de̱ Ngerrti Ta̱mu̱ta̱dde̱no̱.”

Lu̱ka̱ 23:4

Izek zin Pilato alaat cik olli wawaco ki koole do̱o̱k ne, “I̱llo̱i̱ gi̱i̱ ci gerze karuba anna ci u̱tu̱gu̱ e̱e̱ti̱ cu.”

Lu̱ka̱ 23:41

Edezet zin Ta̱mu̱ta̱dde̱n de̱de̱, eci kamuda naga de̱zi̱ne̱t go̱o̱le̱ ci kogonne naga kaal. Ma̱i̱je̱ e̱e̱ti̱ cu ngen ku̱tu̱gu̱ gi̱i̱ imma ci gerze.”

Lu̱ka̱ 23:47

Ma̱i̱je̱ ddi̱ki̱ryo̱i̱ti̱ ci aciiru da̱ aave nginati, icin kaal ne̱ko̱ do̱o̱k zee, kar zin kinnat Ta̱mu̱ta̱dde̱n kar kize ne, “De̱de̱ zin, een da̱ e̱e̱ti̱ necu e̱e̱t ci abunna.”

Kaviyak wak Abunna Ta̱mu̱ta̱dde̱no̱ eher Joni 18:33

I̱tto̱ zin Pilato ce̱e̱z to, kar zin kutu Ye̱su̱ bu̱k kuk ki̱jji̱n kizek ne, “E̱e̱ni̱ i̱nna̱ de̱de̱ alaan ci Ya̱u̱do̱?”

Kaviyak wak Abunna Ta̱mu̱ta̱dde̱no̱ eher Joni 18:38

I̱jji̱n zin Pilato Ye̱su̱, izek ne, “Nya ci een de̱de̱?” Kar zin kiyok kuk reena ngati aavtte ol cik Ya̱u̱do̱ ke̱, kar zin kize ne, “Kamuda i̱llo̱i̱ gi̱i̱ imma ci abaci e̱e̱ti̱ cu kar kettedek nonno lo̱ki̱ko̱.”

Kaviyak wak Abunna Ta̱mu̱ta̱dde̱no̱ eher Joni 19:6

Baling icinnet alaata cik olli wawaco ki lo̱ddi̱ki̱re̱ wak a̱li̱ngli̱ng ki nogo Ye̱su̱, egerenyit izeto ne, “Otoddoc nonno! Otodoyyek nonno ta̱la̱ke̱c!” Ma̱i̱je̱ Pilato obodehe nogo, izek ne, “O̱o̱tte̱ kar oot otoddoc, ma̱i̱je̱ anna ngen kumuda gi̱i̱ imma ci abaci e̱e̱ti̱ necu kar wo̱ye̱ ette kettedik nonno lo̱ki̱ko̱.”

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

1 Peturu 1:19

abarik a̱ti̱ri̱zu̱ng bi̱ye̱te̱ cik Ki̱ri̱sto̱, ogon enne ki nyoon ci iróng anyak gi̱i̱ ci gerze eliya.

1 Peturu 2:22

“Ngen enne ku̱tu̱gu̱ mu̱nye̱n icima kamuda zoz ci een volong utuge cinne.”

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.