Kaviyak wak Abunna Ta̱mu̱ta̱dde̱no̱ eher Joni 18:37 - Tennet

³⁷ Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Kaviyak wak Abunna Ta̱mu̱ta̱dde̱no̱ eher Joni 18:37 ပူးပေါင်းရင်းမြစ်များ

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Ma̱te̱yo̱ 27:11

Ibil zin Ye̱su̱ ngati ddi̱ki̱ryo̱i̱t Pilato, i̱jji̱n zin enne Ye̱su̱, a̱nne̱k ne, “E̱e̱ni̱ i̱nna̱ alaan ci ol cik een Ya̱u̱d?” O̱bo̱de̱k zin Ye̱su̱ nonno, azi ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Marko 15:2

I̱jji̱n zin alaani Pilato Ye̱su̱ izek ne, “E̱e̱ni̱ i̱nna̱ alaan ci Ya̱u̱do̱?” O̱bo̱de̱k zin Ye̱su̱ nonno, izek ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Lu̱ka̱ 22:70

I̱jji̱nto̱ zin nege do̱o̱k, “E̱e̱ni̱ zin i̱nna̱ Ngerrti Ta̱mu̱ta̱dde̱no̱?” O̱bo̱de̱k enne nogo, “Ilemnyyu niga ming a̱du̱wa̱nnu̱ ke̱e̱ni̱ anna ngene.”

Lu̱ka̱ 23:3

I̱jji̱n zin Pilato Ye̱su̱, “E̱e̱ni̱ i̱nna̱ alaan wa Ya̱u̱do̱?” O̱bo̱de̱k Ye̱su̱ nonno, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 3:32

A̱du̱wa̱ kaal cik icin enne ki wak izik enne, abarik i̱llo̱i̱ e̱e̱t ci elemi zoz cinne.

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Kaviyak wak Abunna Ta̱mu̱ta̱dde̱no̱ eher Joni 8:14

O̱bo̱de̱k Ye̱su̱ nogo, a̱nne̱k ne, “Ming nu̱nu̱n kozozi zoz ci obod ki ele cinanni do̱, een zoz neci de̱de̱, eci ka̱gga̱ nginti ka̱kku̱ne̱ ki ci kokkoye. Ma abarik niga iróng a̱gga̱yyu̱ nginti ka̱kku̱ne̱ anna icima nginti kokkoye.

Kaviyak wak Abunna Ta̱mu̱ta̱dde̱no̱ eher Joni 8:45

Abarik ming ka̱du̱wa̱kku̱ng zoz ci een de̱de̱, iróng niga a̱tu̱yya̱ng.

Kaviyak wak Abunna Ta̱mu̱ta̱dde̱no̱ eher Joni 8:46

I̱llo̱i̱ wo̱ye̱ e̱e̱t imma ngatinno̱ng ci azi ne kanyai anna mu̱nye̱n. Ming ka̱du̱wa̱kku̱ng zoz ci een de̱de̱, elemtta zoz neci.

Kaviyak wak Abunna Ta̱mu̱ta̱dde̱no̱ eher Joni 8:47

Aziye ol cik Ta̱mu̱ta̱dde̱no̱ zoz ci a̱du̱wa̱ enne. Iróng niga aziknnu zoz ci Ta̱mu̱ta̱dde̱no̱ eci niga iróng e̱e̱ggi̱nnu̱ ol ciginnek.”

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Jon 2:21

Keherakkung zin anna zoz cu, iróng een zo̱ze̱ ci ibbezzu niga zoz ci een de̱de̱, abarik eci niga a̱gga̱yyu̱ zoz ci een volong, i̱llo̱i̱ zoz ci een de̱de̱ ci a̱kku̱ nginati.

1 Jon 3:14

Ka̱gga̱ kiyokta naga daiza, kar ki̱vi̱ta̱k ruget wa aave udut, eci kirez naga gotonogget tu̱we̱nta̱. Imma e̱e̱ti̱ ci iróng irez ol, ngen enne erahek daiza.

1 Jon 3:19

Ming kirez naga ol u̱gge̱, ka̱gga̱ naga niko kaavtte naga zo̱ze̱ ci een de̱de̱, kar zi̱nze̱tti̱ cigga̱c ka̱vvu̱to̱ lo̱o̱ta̱ ki nonno,

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.