Kaviyak wak Abunna Ta̱mu̱ta̱dde̱no̱ eher Joni 18:33 - Tennet

³³ I̱tto̱ zin Pilato ce̱e̱z to, kar zin kutu Ye̱su̱ bu̱k kuk ki̱jji̱n kizek ne, “E̱e̱ni̱ i̱nna̱ de̱de̱ alaan ci Ya̱u̱do̱?”

Kaviyak wak Abunna Ta̱mu̱ta̱dde̱no̱ eher Joni 18:33 ပူးပေါင်းရင်းမြစ်များ

Ma̱te̱yo̱ 27:11

Ibil zin Ye̱su̱ ngati ddi̱ki̱ryo̱i̱t Pilato, i̱jji̱n zin enne Ye̱su̱, a̱nne̱k ne, “E̱e̱ni̱ i̱nna̱ alaan ci ol cik een Ya̱u̱d?” O̱bo̱de̱k zin Ye̱su̱ nonno, azi ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Ma̱te̱yo̱ 27:27

O̱o̱tte̱ zin aciiri cik Pilato Ye̱su̱ rok nginti abahe nege, kar aciiri do̱o̱k kuburuwet nonno.

Marko 15:2

I̱jji̱n zin alaani Pilato Ye̱su̱ izek ne, “E̱e̱ni̱ i̱nna̱ alaan ci Ya̱u̱do̱?” O̱bo̱de̱k zin Ye̱su̱ nonno, izek ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Lu̱ka̱ 23:2

Kar ka̱ka̱tte̱ kovolongte nonno, kizeto ne, “Karubanna e̱e̱t cu ming orong ki̱li̱b lo̱o̱c cinna. Adang enne zoz ci a̱ru̱we̱k ol mucuru alaan ci a̱ddi̱ki̱re̱ Romi, kar kize ne ke̱e̱ni̱ enne Ki̱ri̱sto̱, alaan.”

Kaviyak wak Abunna Ta̱mu̱ta̱dde̱no̱ eher Joni 1:49

Odola zin Nathanaeli ize ne, “De̱me̱zo̱i̱t, e̱e̱ni̱ i̱nna̱ Ngerrti Ta̱mu̱ta̱dde̱no̱, e̱e̱ni̱ bo̱do̱k Alaan ci Israilo.”

Kaviyak wak Abunna Ta̱mu̱ta̱dde̱no̱ eher Joni 12:13

Idimtta zin nege etelle, kar ku̱ru̱mtte̱k Ye̱su̱ gool, kar zin kegerenyit ngati atalnine, izeto ne, “Kinnatit Ta̱mu̱ta̱dde̱n!” “U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi.” “U̱mu̱yu̱k Ta̱mu̱ta̱dde̱n Alaan wa Israilo!”

Kaviyak wak Abunna Ta̱mu̱ta̱dde̱no̱ eher Joni 12:15

“Ma o̱ngo̱o̱li̱nnu̱ ol cik Zioni, icinnet alaan cunno̱ng ming a̱kku̱ aave mo̱o̱lte̱ ci zi̱gi̱ro̱.”

Kaviyak wak Abunna Ta̱mu̱ta̱dde̱no̱ eher Joni 18:34

I̱jji̱n bo̱do̱k Ye̱su̱ nonno izek ne, “A̱kku̱ zoz cu zinine cunne yo, icima u̱du̱kta̱i̱ da̱ ette ol uggak zoz ci obod ki annita?”

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Kaviyak wak Abunna Ta̱mu̱ta̱dde̱no̱ eher Joni 18:38

I̱jji̱n zin Pilato Ye̱su̱, izek ne, “Nya ci een de̱de̱?” Kar zin kiyok kuk reena ngati aavtte ol cik Ya̱u̱do̱ ke̱, kar zin kize ne, “Kamuda i̱llo̱i̱ gi̱i̱ imma ci abaci e̱e̱ti̱ cu kar kettedek nonno lo̱ki̱ko̱.”

Kaviyak wak Abunna Ta̱mu̱ta̱dde̱no̱ eher Joni 19:12

Orong da̱ nginatu Pilato kooga Ye̱su̱, ma̱i̱je̱ abarik ol cik e̱e̱ggi̱n Ya̱u̱d ko̱ egereny dee, azi ne, “Ming ooga i̱nna̱ e̱e̱t necu kuk, iróng i̱yo̱ko̱ i̱nna̱ e̱e̱ni̱ gooni alaan ci a̱ddi̱ki̱re̱ Romi.”

Kaviyak wak Abunna Ta̱mu̱ta̱dde̱no̱ eher Joni 19:3

kar zin kotozzo ki̱mi̱rto̱zi̱k lak cik meelek giir ngati aziwe ne, “Rug a̱vvu̱ to, alaan ci Ya̱u̱do̱!” Kar zin gon kapannit nonno ngu̱m.

Kaviyak wak Abunna Ta̱mu̱ta̱dde̱no̱ eher Joni 19:4

Obodak bo̱do̱k Pilato ol ne̱k e̱e̱ggi̱n Ya̱u̱d ke̱ reena kar zin kizek ne, “Izikttang di̱, kanyahakung nonno re̱e̱nu̱n kar a̱gga̱c ming i̱llo̱i̱ gi̱i̱ imma ci kamuda ette abaci e̱e̱ti̱ cu. Kar kettedik lo̱ki̱ko̱.”

Kaviyak wak Abunna Ta̱mu̱ta̱dde̱no̱ eher Joni 19:9

kar zin ki̱tto̱ ce̱e̱z to. Uk i̱jji̱n Ye̱su̱ izek ne, “E̱e̱ni̱ dim i̱nna̱ ci orog jang?” Ijjak enne Ye̱su̱ nonno li̱i̱m niko.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,