Kaviyak wak Abunna Ta̱mu̱ta̱dde̱no̱ eher Joni 18:11 - Tennet

¹¹ Izek Ye̱su̱ Peturu ne, “Bilo, bodek nya̱tu̱ba̱t cunne ko̱! Azi bong i̱nna̱ ne ko̱ngo̱o̱le̱ i̱yo̱ko̱ anna pirnanet ci aanya Baba kar kuk kipira ko̱?”

Kaviyak wak Abunna Ta̱mu̱ta̱dde̱no̱ eher Joni 18:11 ပူးပေါင်းရင်းမြစ်များ

Ma̱te̱yo̱ 20:22

U̱du̱wa̱k zin Ye̱su̱ nogo, “Iróng niga a̱gga̱yyu̱ zoz ci a̱jji̱nnu̱ ko̱. Auddu wo̱ye̱ atin de̱de̱ niga piryanzet ci kokko atin anna karuba ko̱?” Abarizet zin nege, azi ne, “I̱i̱ny, kanimnya!”

Ma̱te̱yo̱ 26:39

Uk zin enne reena idic niko, kar ku̱lu̱le̱ kicin lo̱o̱c, ala Ta̱mu̱ta̱dde̱n, azi ne, “Baba! Ming elema i̱nna̱ aara uduc ci piryanzeto ngatinanni. Korongi anna zoz cunne ku̱tu̱gu̱we̱ iróng een cinanni.”

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Lu̱ka̱ 12:30

Eci ol cik iróng a̱gga̱ zoz ci Ta̱mu̱ta̱dde̱no̱ a̱vi̱r nege vu̱rrte̱ ci kaal ne̱ko̱, a̱gga̱ Be̱e̱ti̱nno̱ng wa aave ta̱mu̱-kenga ming orongnyu niga kaal ne̱ko̱.

Lu̱ka̱ 22:42

“Baba, ming elemi i̱nna̱, dima uduc ci piryanzeto ko̱ ngatinanni; iróng zoz cinanni abarik aanyik zoz cunne ku̱tu̱gu̱we̱.”

Kaviyak wak Abunna Ta̱mu̱ta̱dde̱no̱ eher Joni 15:10

Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.

Kaviyak wak Abunna Ta̱mu̱ta̱dde̱no̱ eher Joni 17:24

“Baba, korongi ol ne̱k aanya ko̱ koot ka̱vvu̱to̱ nginati kokko kaave anna ke̱, kar kicinnet bu̱le̱ne̱t cinanni bali aanya i̱nna̱ ke̱ ma̱rri̱t ireza i̱nna̱ annit baling ngen keteehenyai looci.”

Kaviyak wak Abunna Ta̱mu̱ta̱dde̱no̱ eher Joni 18:36

Izek zin Ye̱su̱ Pilato ne, “Iróng alaanzet cinanni een ci lo̱o̱c cu, wo̱ye̱ ette ming kize anna alaan ci lo̱o̱tu̱, oorto wo̱ye̱ ette du̱cca̱ha̱ cigannik ki ol balik e̱e̱ggi̱n Ya̱u̱d a̱gga̱mnya̱ annit ke̱. Imma zin i̱yo̱ko̱ iróng alaanzet cinanni een ci lo̱o̱c cu.”

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

2 Ko̱ri̱nto̱ 10:4

Iróng koyoi ol kiwagon aciiri ming oor illa turete lo̱o̱ta̱ ngatu. Abarik, kooryya ol wak adang zoz ci Ta̱mu̱ta̱dde̱no̱ go̱o̱le̱ ci aave do̱, iróng ne̱ke̱ e̱e̱ggi̱n turet cik lo̱o̱tu̱. Abarik kanyak komiz ci zoz ci Ta̱mu̱ta̱dde̱no̱ ci ommog modden do̱o̱k, kidita zin zoz ci adawanet nege agita,

2 Ko̱ri̱nto̱ 6:7

Kar go̱o̱le̱ ci kozoze zoz ci een de̱de̱ ki doiz ci Ta̱mu̱ta̱dde̱no̱; ki doiz ci bunnat ci Ta̱mu̱ta̱dde̱no̱ baize cinna.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.