Kaviyak wak Abunna Ta̱mu̱ta̱dde̱no̱ eher Joni 18:1 - Tennet

¹ Baling edeca Ye̱su̱ lawinet itingazzo zin ki nuyak kar kettedit tolol ci een Kidron oot ti̱ti̱me̱ co̱de̱. Aave da̱ moro cidici nginati, anyak keen cik i̱ngi̱ro̱u̱ o̱to̱ne̱ co̱de̱ ke̱; kar zin enne ki nuyak ciginnek ki̱tto̱zo̱ ngin neci.

Kaviyak wak Abunna Ta̱mu̱ta̱dde̱no̱ eher Joni 18:1 ပူးပေါင်းရင်းမြစ်များ

Kananet 2:15

Aarik zin Manyi Ta̱mu̱ta̱dde̱n e̱e̱t ci diiri ko̱ ma̱na̱ ci een Eden kar keev kar bo̱do̱k kebek.

Kananet 3:23

Ottok zin Manyi Ta̱mu̱ta̱dde̱n Adam ki Eva ma̱ne̱ ci aave nyaate ci een Eden kar kuk ki̱li̱ngli̱ng todowai balik eenycane Ta̱mu̱ta̱dde̱n nonno ke̱.

Ma̱te̱yo̱ 26:30

Baling e̱be̱nni̱t nege tegel kar zin koot Biye ci I̱ngi̱ro̱u̱.

Ma̱te̱yo̱ 26:36

Oot zin Ye̱su̱ ki nuyak ciginnek rok nginti een Gethsemane, kar enne kizek nogo ne, “A̱vvu̱t ngatu, ming ngen anna kokko kala Ta̱mu̱ta̱dde̱n.”

Marko 14:26

Baling e̱be̱nni̱t nege lo̱ng, oot zin rok Bee ci I̱ngi̱ro̱u̱.

Marko 14:32

Baling oot nege o̱to̱ne̱ ci Gethsemane, izek zin Ye̱su̱ nuyak waginnek ne, “A̱vvu̱t lo̱o̱ta̱ ngatu ming ngen anna kokko lawinet Ta̱mu̱ta̱dde̱n.”

Marko 14:42

Itingaz je̱e̱na̱! Kotozzo! A̱vvu̱ e̱e̱ti̱ ci adawana annit ngatu!”

Kaviyak wak Abunna Ta̱mu̱ta̱dde̱no̱ eher Joni 14:31

abunna zin ming a̱gga̱ ol cik lo̱o̱ta̱ ko̱ ming kirezi anna Baba, kar bo̱do̱k ku̱tu̱gu̱ kaal wak i̱lo̱ti̱ka̱ Baba ku̱tu̱gu̱. “I̱vi̱ta̱ i̱yo̱ko̱ niko, kotozzo zin naga.

Kaviyak wak Abunna Ta̱mu̱ta̱dde̱no̱ eher Joni 18:26

Een da̱ du̱ca̱i̱ti̱ ci alaan ci a̱ddi̱ki̱re̱ wawaco Kaipas ko̱ boorit ci e̱e̱t bali etteda Peturu itat ke̱, adangek nonno zoz dee, izek ne, “Iróng i̱ye̱ ba̱li̱ye̱ anna kicini i̱nne̱t ming orkoryyu ki Ye̱su̱ aratawe ci i̱ngi̱ro̱u̱?”

Buk wa To̱ni̱a̱u̱ 21:11

Ma baling i̱ki̱ya̱ rok agita, idima nyakadingo ci Pa̱u̱lo̱ kar zin kecebe azzin ki zo̱o̱ ciginnek, kar zin kize ne, “Azi Vongizi ci A̱li̱le̱ ne, ‘Eceb atin Ya̱u̱di̱ cik Jerusalemo manyi nyakadingo cu ki i̱yo̱ko̱, kar zin kaanycik ol wak iróng een Ya̱u̱d.’”