Kaviyak wak Abunna Ta̱mu̱ta̱dde̱no̱ eher Joni 17:6 - Tennet

⁶ “I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.

Kaviyak wak Abunna Ta̱mu̱ta̱dde̱no̱ eher Joni 17:6 ပူးပေါင်းရင်းမြစ်များ

Lu̱ge̱z 9:16

Abarik anna kidimani i̱nne̱t ize alaan kar doiz cinanni ki̱ye̱le̱i̱ kar ol ko̱to̱ngo̱o̱lte̱ya̱ annit lo̱o̱co̱we̱ do̱o̱k.

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 12:28

Baba, di̱ngdi̱nga̱n zar cigunnek!” I̱ki̱ya̱ zin mului ta̱mu̱-kenga azi ne, “Ki̱di̱ngdi̱nga̱nna̱ anna zar ne̱ke̱, kar atin bo̱do̱k ki̱di̱ngdi̱nga̱n dee.”

Kaviyak wak Abunna Ta̱mu̱ta̱dde̱no̱ eher Joni 15:19

Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.

Kaviyak wak Abunna Ta̱mu̱ta̱dde̱no̱ eher Joni 15:3

Ubunntau zin niga zo̱ze̱ bali ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 17:12

Baling ngen kaavtiya bu̱k, kebei ba̱li̱ye̱ nogo doize bali aanya ke̱. Ngen zin e̱e̱ti̱ imma ngatinne̱ng ki̱zzi̱, kize Judas do̱ bali u̱du̱ya̱i̱ kize gerza ci atin edez Ta̱mu̱ta̱dde̱n nonno, kar zoz cu kakat mo̱o̱le̱t Warage ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 17:14

Ku̱du̱wa̱ha̱ nogo zoz cunne abarik zin ol wak iróng a̱tu̱we̱ lo̱o̱ta̱ ngatu, amartoi nogo, ma̱rri̱t nege e̱e̱ggi̱n ol wak a̱tu̱we̱, iróng ngen e̱e̱ggi̱n olli lo̱o̱tu̱, ki i̱yo̱ko̱ anna ming iróng ngen ke̱e̱ni̱ ci lo̱o̱tu̱ ko̱.

Kaviyak wak Abunna Ta̱mu̱ta̱dde̱no̱ eher Joni 17:16

Iróng bo̱do̱k nege ngen e̱e̱ggi̱n olli lo̱o̱tu̱ ki i̱yo̱ko̱ anna ming iróng ngen ke̱e̱ni̱ e̱e̱t ci lo̱o̱tu̱ ko̱.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 17:24

“Baba, korongi ol ne̱k aanya ko̱ koot ka̱vvu̱to̱ nginati kokko kaave anna ke̱, kar kicinnet bu̱le̱ne̱t cinanni bali aanya i̱nna̱ ke̱ ma̱rri̱t ireza i̱nna̱ annit baling ngen keteehenyai looci.”

Kaviyak wak Abunna Ta̱mu̱ta̱dde̱no̱ eher Joni 17:26

Ku̱du̱wa̱ha̱ anna zar cigunnek nogo ka̱gga̱c, kemenna kanyik, ka̱du̱wa̱i̱ ka̱gga̱yi̱ kar rezinet wa ireza i̱nna̱ annit ka̱vvu̱ ngatinne̱ng bu̱k kar zin anna bu̱k ko̱do̱ye̱wa̱ ki nogo.”

Kaviyak wak Abunna Ta̱mu̱ta̱dde̱no̱ eher Joni 17:7

A̱gga̱c i̱yo̱ko̱ kaal cik aanya i̱nna̱ annit ko̱ do̱o̱k, ming e̱e̱ggi̱n kaal cigunnek.

Kaviyak wak Abunna Ta̱mu̱ta̱dde̱no̱ eher Joni 18:9

Ming i̱i̱ta̱ zoz cu kar zo̱zo̱wa̱ balik u̱du̱wa̱ enne ke̱ kakat mo̱o̱le̱t: Ize zin enne ne, “Ngen zin kokoloz olle balik aanya ke̱ imma, Baba.”

Kaviyak wak Abunna Ta̱mu̱ta̱dde̱no̱ eher Joni 6:37

A̱vvu̱na̱ka̱ atin ol wak aanya Baatanni annita, ma̱i̱je̱ ming a̱kku̱nna̱ka̱ e̱e̱ti̱ imma iróng anna ka̱bu̱ri̱.

Kaviyak wak Abunna Ta̱mu̱ta̱dde̱no̱ eher Joni 6:39

Een necu gi̱i̱ ci orong e̱e̱ti̱ ci i̱tto̱na̱na̱ ko̱ kar ku̱tu̱gu̱, iróng atin anna kokolozi e̱e̱t co̱de̱ olle wak anyaha enne annit ko̱, abarik kingane atin nogo daiza i̱i̱te̱ne̱ ci okko aṯurneke looci.

Kaviyak wak Abunna Ta̱mu̱ta̱dde̱no̱ eher Joni 8:51

Ka̱du̱wa̱kku̱ng zoz wa een de̱de̱, ming azunne e̱e̱ti̱ zoz cinanni, iróng atin acin daiz udut.”

Kaviyak wak Abunna Ta̱mu̱ta̱dde̱no̱ eher Joni 8:52

Baling iziyyet ol cik e̱e̱ggi̱n Ya̱u̱d zoz neci a̱du̱wa̱ Ye̱su̱ ke̱, u̱ku̱lte̱k je̱e̱n, kar zin kizettek nonno ne, “I̱yo̱ko̱, ka̱gga̱yi̱ niko ming anyai i̱nna̱ kuuloc ci lo̱rye̱nto̱! A̱da̱i̱to̱ ba̱li̱ye̱ ciko Aburaham ki a̱ri̱tto̱k wak zoz ci Ta̱mu̱ta̱dde̱no̱, kar zin abarik i̱nna̱ azi ne ‘Ming azunne e̱e̱ti̱ zoz cunne, iróng atin atari daiz udut?’

Buk wa To̱ni̱a̱u̱ 13:48

Baling iziyyet ol cik iróng e̱e̱ggi̱n Ya̱u̱d zoz necu, ataltto oroot kar zin ki̱di̱ngdi̱nga̱ni̱t zoz ci Manyi; kar ol do̱o̱k wak atahalak Ta̱mu̱ta̱dde̱n kurubta baiz ci aave udut ko̱, ku̱tu̱we̱t.

Roma 11:2

Ngen zin Ta̱mu̱ta̱dde̱n kutubur ol ciginnek balik atahala enne ke̱. A̱gga̱yyu̱ niga zoz ci eher a̱ri̱to̱i̱ti̱ ci Waraga ci Ta̱mu̱ta̱dde̱no̱ wa een zara E̱li̱ja̱ ngati a̱jji̱nne̱ Ta̱mu̱ta̱dde̱n zo̱ze̱ ci olli Israilo, a̱nne̱k ne,

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

2 Ti̱mo̱te̱yo̱ 1:13

Gga̱m zo̱zo̱nno̱k balik een de̱de̱ iziyu ngatinanni ke̱, nyak tu̱we̱ne̱t ki rezinet ngati Ye̱su̱ Ki̱ri̱sto̱.

I̱bu̱ru̱ 2:12

Eci enne a̱nne̱k Ta̱mu̱ta̱dde̱n ne, “Kokko atin kuwahek zoz cunne gotonogga; Imma ngati aavtte ol cik ke̱le̱ci̱a̱k do̱o̱k, kinnati atin anna i̱nne̱ta̱ lo̱nga̱.”

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:8

Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.