Kaviyak wak Abunna Ta̱mu̱ta̱dde̱no̱ eher Joni 17:25 - Tennet

²⁵ “Baba wa abunna, ming iróng ol cik lo̱o̱tu̱ a̱gga̱yi̱ i̱nne̱t nu̱nu̱n, ka̱gga̱yi̱ anna, a̱gga̱ zin demezyaha cigannik niko ming i̱tto̱na̱na̱ i̱nna̱.

Kaviyak wak Abunna Ta̱mu̱ta̱dde̱no̱ eher Joni 17:25 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Lu̱ka̱ 10:22

“Anyoziya annita kaala do̱o̱k ngati Baba. I̱llo̱i̱ e̱e̱t co̱de̱ ci a̱gga̱ Ngerinne, Baba do̱ ci a̱gga̱, kar bo̱do̱k i̱llo̱i̱ e̱e̱t co̱de̱ ci a̱gga̱ Baba, Ngerinne do̱ ci a̱gga̱ ki ol wak atahala enne, kar ki̱ye̱le̱k nogo zoz ci Baba.”

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 10:15

Ki i̱yo̱ko̱ ming a̱gga̱ya̱ Baba annit ko̱, ka̱gga̱ anna bu̱k nonno. Ka̱da̱i̱ vu̱rrte̱ ci eeza cigannik.

Kaviyak wak Abunna Ta̱mu̱ta̱dde̱no̱ eher Joni 15:21

Ogonekku̱ng atin i̱ge̱t kaal cik gerzek eci a̱tu̱yyu̱ niga zar cigannik, iróng bo̱do̱k nege a̱gga̱ e̱e̱t wa i̱tto̱na̱na̱ annita.

Kaviyak wak Abunna Ta̱mu̱ta̱dde̱no̱ eher Joni 16:27

Irezung Baba enne eliya i̱ge̱ta̱, eci irezttang niga annita, kar zin bo̱do̱k elemttang annita, eci anna ka̱kku̱ni̱ ngati Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 16:3

Ogonekku̱ng atin kaal ne̱ko̱ eci nege iróng a̱gga̱ Baba, iróng a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 16:30

Ka̱gga̱yya̱ i̱yo̱ko̱ ming a̱gga̱ i̱nna̱ kaal do̱o̱k kar bo̱do̱k iróng kanyak ji̱ne̱ne̱t imma ci ka̱jji̱nni̱ i̱nne̱ta̱. Aanyyet zoz necu agita kelemtta de̱de̱ ming a̱kku̱nni̱ i̱nna̱ ngati Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 17:11

I̱yo̱ko̱ zin kobodaki i̱nne̱t ta̱mu̱-kenga, ngen zin ol wak a̱tu̱we̱ irahek lo̱o̱ta̱. Baba wa A̱li̱le̱, zuute nogo zare wagunnek a̱di̱ngdi̱nge̱, zar balik akanneka i̱nna̱ annit ke̱, kar ko̱do̱ye̱ nege, ki i̱yo̱ko̱ anna ki i̱nne̱ta̱.

Kaviyak wak Abunna Ta̱mu̱ta̱dde̱no̱ eher Joni 17:18

ki baling i̱tto̱na̱na̱ i̱nna̱ annit lo̱o̱c ki̱ki̱ya̱ ku̱du̱wa̱k ol zoz cunne ke̱, ki̱tto̱nni̱ bo̱do̱k anna nogo kar koot kuwaktek ol zoz cunne lo̱o̱co̱we̱.

Kaviyak wak Abunna Ta̱mu̱ta̱dde̱no̱ eher Joni 17:21

kar nege do̱o̱k kurumte ko̱do̱ye̱, Baba ki i̱yo̱ko̱ ming ko̱do̱ye̱ anna ki i̱nne̱t ko̱. Iróng ucca nege bu̱k o̱do̱ye̱ kar ol cik lo̱o̱tu̱ ko̱ kelemit ming een i̱nne̱t ci da̱ i̱tto̱na̱na̱ annit!

Kaviyak wak Abunna Ta̱mu̱ta̱dde̱no̱ eher Joni 17:23

Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 17:8

Ku̱du̱wa̱ha̱ nogo zo̱zzo̱k balik a̱du̱wa̱ka̱ i̱nna̱ annit ke̱, ma̱i̱je̱ nege elemtta no̱ngi̱tto̱n ne̱ke̱. A̱gga̱c nege la̱du̱n ka̱kku̱ni̱ anna ngatunne, kar zin ku̱tu̱we̱t ming een i̱nne̱t ci i̱tto̱na̱na̱n.

Kaviyak wak Abunna Ta̱mu̱ta̱dde̱no̱ eher Joni 3:17

Iróng Ta̱mu̱ta̱dde̱n i̱tto̱na̱k Ngerinne lo̱o̱c, kar ki̱ki̱ya̱ ketted lo̱ki̱ko̱ ci ollu, i̱tto̱na̱ abarik kar ki̱ki̱ya̱ kuruguz ol.

Kaviyak wak Abunna Ta̱mu̱ta̱dde̱no̱ eher Joni 6:19

Baling amacuccet nege i̱bo̱ mailnya i̱i̱yo̱ icima we̱c ka̱vvu̱to̱ liil orgena, edenycak Ye̱su̱ ming owo maame ta̱dde̱na̱ a̱kku̱nna̱k i̱bo̱, kar zin nege ko̱to̱ngo̱o̱ltte̱.

Kaviyak wak Abunna Ta̱mu̱ta̱dde̱no̱ eher Joni 7:29

Ka̱gga̱ zin abarik anna nonno eci ka̱kku̱ni̱ ngatinne, nonno ci i̱tto̱na̱na̱n.”

Kaviyak wak Abunna Ta̱mu̱ta̱dde̱no̱ eher Joni 8:19

I̱jji̱nne̱t zin nege nonno, a̱nne̱k ne, “Aave Baatunne nga?” O̱bo̱de̱k zin Ye̱su̱ nogo, ize ne, “Iróng niga a̱gga̱yya̱ng, iróng bo̱do̱k a̱gga̱yyu̱ Baba bu̱k, ming a̱gga̱yya̱ng, a̱gga̱yyu̱ Baba bu̱k.”

Kaviyak wak Abunna Ta̱mu̱ta̱dde̱no̱ eher Joni 8:55

Ming nu̱nu̱n iróng niga a̱gga̱yyu̱ nonno, ka̱gga̱ anna nonno. Ming kazi ne iróng anna ka̱gga̱, kiize volongnyoit ki i̱yo̱ko̱ niga ko̱; abarik ka̱gga̱ nonno kar bo̱do̱k kuzute zoz cinne.

Buk wa To̱ni̱a̱u̱ 17:23

Baling kowo anna ngintu do̱o̱k ke̱, kacinni ta̱mu̱ta̱dde̱ne̱t cuggo̱k, karuba i̱te̱le̱ ci e̱he̱rye̱ zoz cu: NGATI TA̱MU̱TA̱DDE̱N CI IRÓNG NAGA KA̱GGA̱. I̱yo̱ko̱ zin, korongi ku̱du̱wa̱u̱ng zoz ci Ta̱mu̱ta̱dde̱n cu, ci iróng niga a̱gga̱yyu̱ ko̱.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 3:11

i̱llo̱i̱ rok e̱e̱t imma ci a̱gga̱ zoz cinne een de̱de̱, i̱llo̱i̱ e̱e̱t imma ci orong Ta̱mu̱ta̱dde̱n.

Roma 3:26

I̱ye̱la̱i̱ zin bo̱do̱k zoz necu i̱yo̱ko̱ abunna Ta̱mu̱ta̱dde̱n, eci enne aanyik e̱e̱t imma ci a̱tu̱ zoz ci Ye̱su̱ kubunna, zoz zin ci ka̱gga̱we̱ abunna Ta̱mu̱ta̱dde̱n ko̱ neci.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 15:34

Abunna zin ming i̱no̱nnu̱ ju̱rru̱m kar utunget mu̱nye̱n, eci anyak ol u̱gge̱ ngatinno̱ng cik iróng a̱gga̱ Ta̱mu̱ta̱dde̱n. Ka̱du̱wa̱ niko zo̱ze̱ ci adakkung a̱li̱ya̱ni̱.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

2 Te̱se̱lo̱ni̱ka̱ 1:8

Anyaha ki gwo̱o̱ ci okko edeze ol cik iróng a̱tu̱ zoz ci Ta̱mu̱ta̱dde̱no̱, ki ol cik iróng elemi kaviyak cik abunna Manyitinna Ye̱su̱.

I̱bu̱ru̱ 8:11

I̱llo̱i̱ e̱e̱t imma ci atin edemez ol cik locaryak, icima e̱e̱ti̱ imma gotoni, azi ne, ‘Abunna ming a̱gga̱yyu̱ Manyi.’ Eci atin ol do̱o̱k a̱gga̱ya̱ annita, akane do̱le̱ce̱ ci dici kuk ngati ol wak a̱ddi̱ki̱re̱.

1 Jon 1:9

Ma̱i̱je̱ ming kuturtak naga mu̱nye̱n cigga̱c Ta̱mu̱ta̱dde̱n, abunna enne kar atin kalaleita kar bo̱do̱k ki̱ti̱vi̱la̱ mu̱nye̱n cigga̱c ne veelek.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 16:5

Kiziya zin anna anjilo wa abal maam ming azi ne, “Ettedi i̱nna̱ lo̱ki̱ko̱ cigunnek ju̱rru̱m, e̱e̱ni̱ i̱nna̱ wa A̱li̱le̱ O̱de̱ Ṯok, aave i̱nna̱ odohize, ilemi i̱nna̱ ming ettedi lo̱ki̱ko̱ go̱o̱le̱ necu ko̱;