Kaviyak wak Abunna Ta̱mu̱ta̱dde̱no̱ eher Joni 16:22 - Tennet

²² Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to.

Kaviyak wak Abunna Ta̱mu̱ta̱dde̱no̱ eher Joni 16:22 ပူးပေါင်းရင်းမြစ်များ

Ma̱te̱yo̱ 28:8

O̱to̱ngo̱o̱ltte̱ ngaai kar bo̱do̱k katalto, ngati i̱mi̱rtte̱ iloma ataman ovvo a̱du̱wa̱k nuyak ciginnek.

Lu̱ka̱ 10:42

abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Lu̱ka̱ 16:25

“Ma̱i̱je̱ Aburahami abarizek nonno, ‘Ngeranni, i̱no̱n da̱ ba̱li̱ye̱ baize cunne uruba i̱nna̱ kaal cik abunna, imma Lazaru uruba kaal cik gerzek, ma̱i̱je̱ i̱yo̱ko̱ ubunna enne ngatu kar i̱nna̱ a̱vvu̱ ngati apirnane.

Lu̱ka̱ 19:26

“O̱bo̱de̱k zin bo̱do̱k alaani nogo, a̱nne̱k ne, ‘Ka̱du̱wa̱kku̱ng anna, ngati e̱e̱t imma ci anyak la̱du̱n, anyonik atin nonno, ma̱i̱je̱ ngati e̱e̱t ci iróng anyak gi̱i̱ imma, a̱gga̱mnya̱i̱ atin ngatinne rok ne̱k anyak enne ke̱.

Lu̱ka̱ 24:41

Baling ngen odoi nogo zi̱nze̱tti̱ zo̱ze̱ ci talninto ki ngo̱o̱li̱ne̱t, i̱jji̱n enne nogo, “Anyakku niga ngatu gi̱i̱ imma ci een da̱i̱ne̱t?”

Kaviyak wak Abunna Ta̱mu̱ta̱dde̱no̱ eher Joni 14:1

Izek Ye̱su̱ demezyak waginnek ne, “Ma anyikku zi̱nze̱tti̱ cuggo̱k ku̱u̱ce̱t, abarik aartik zi̱nze̱tti̱ Ta̱mu̱ta̱dde̱n, kar bo̱do̱k aartik zi̱nze̱tti̱ annita.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 16:16

“Kar zin arrak do̱yo̱i̱t iróng atin niga ngen acinnang, kar zin arrak do̱yo̱i̱t bo̱do̱k acinnang atin niga annita.”

Kaviyak wak Abunna Ta̱mu̱ta̱dde̱no̱ eher Joni 16:20

Ku̱du̱wa̱u̱ng anna i̱ge̱t zoz ci een de̱de̱, a̱lu̱yyu̱ atin niga kar bo̱do̱k atalit, imma olli lo̱o̱tu̱ atalne. Abalaccu atin niga oroot, abarik atin balaci cunno̱ng ukce kize talninet.

Kaviyak wak Abunna Ta̱mu̱ta̱dde̱no̱ eher Joni 16:6

Omozinnu i̱yo̱ko̱ niga ma̱rri̱t anna ming ku̱du̱wa̱u̱ng no̱ngi̱tto̱n ne̱ko̱.

Kaviyak wak Abunna Ta̱mu̱ta̱dde̱no̱ eher Joni 21:7

Kar zin nuyaiti wa irez Ye̱su̱ izek Peturu ne, “Manyi nenen ci aanyyet ka̱gga̱mi̱t u̱lu̱g ne̱ko̱” Baling izik Si̱mo̱ne̱ wa een Peturu zoz ci azi ne, Manyi nenen ci aanyyet ka̱gga̱mi̱t u̱lu̱g ne̱ko̱ niko, uburucek ele ru̱u̱ma̱ni̱ balik aara enne ke̱ ngati a̱gga̱me̱ u̱lu̱g kar zin kulucai i̱bo̱wa̱ ki̱tto̱ maam a̱kku̱nna̱k Ye̱su̱.

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Buk wa To̱ni̱a̱u̱ 13:52

Anyait zin nuyaha talninet ki Vongiz ci A̱li̱le̱.

Buk wa To̱ni̱a̱u̱ 16:25

Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko.

Buk wa To̱ni̱a̱u̱ 2:46

Alute nege odohize reene ci Ce̱e̱z wa Ta̱mu̱ta̱dde̱no̱, kar zin kozolit da̱i̱ne̱t ce̱e̱zi̱nne̱, adakce talninta, zi̱nze̱tti̱nne̱ cik abunna,

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

I̱bu̱ru̱ 6:18

U̱tu̱gu̱ Ta̱mu̱ta̱dde̱n niko kar zin kaale cik e̱e̱ggi̱n rama, iróng enne uhu eci iróng Ta̱mu̱ta̱dde̱n ovolongi zo̱ze̱ wa u̱du̱wa̱ enne, imma naga ol cik ki̱vi̱re̱t ko̱, kar kurubta zoz ci karike naga zi̱nze̱tti̱ ko̱, anyazoita kar izoccet wo̱ye̱ agit oroot.

1 Peturu 1:8

Ming ngen niga icinnet nonno nu̱nu̱n, irezzu niga nonno; ming iróng niga nu̱nu̱n acinnu nonno i̱yo̱ko̱, a̱tu̱yyu̱ niga nonno kar ngatu anyakku talninet ci a̱ppwe̱ ngatinne,