Kaviyak wak Abunna Ta̱mu̱ta̱dde̱no̱ eher Joni 16:13 - Tennet

¹³ Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Kaviyak wak Abunna Ta̱mu̱ta̱dde̱no̱ eher Joni 16:13 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:49

Een zin zoz necu de̱de̱, eci iróng anna kozozi oowe cinanni do̱, abarik Baba wa i̱tto̱na̱na̱ ci i̱lo̱ti̱ka̱ zoz ci ka̱du̱wa̱ ko̱ ki gool ci ka̱du̱wa̱ne̱.

Kaviyak wak Abunna Ta̱mu̱ta̱dde̱no̱ eher Joni 14:17

Een zin neci Vongiz wa een de̱de̱. Iróng zin ol cik lo̱o̱tu̱ elemi nonno eci nege iróng acin icima a̱gga̱ nonno. A̱gga̱yyu̱ zin abarik niga nonno ma̱rri̱t ming abakku bu̱k, kar zin atin ka̱vvu̱ zi̱nze̱tti̱nne̱ cuggo̱k.”

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 15:26

“Ming i̱ki̱ya̱ De̱me̱zo̱i̱ti̱ wa atin ki̱tto̱na̱kku̱ng ngati Baba, een enne Vongiz wa een de̱de̱. Iyowa enne ngati Baba okko ibbacikung zoz ci obod ki annita.

Kaviyak wak Abunna Ta̱mu̱ta̱dde̱no̱ eher Joni 16:12

“Kanyai de̱mzi̱ne̱t cik meelek korongi ku̱du̱wa̱u̱ng, abarik bong wo̱ye̱ iróng ngen azunnu do̱o̱k.

Kaviyak wak Abunna Ta̱mu̱ta̱dde̱no̱ eher Joni 3:32

A̱du̱wa̱ kaal cik icin enne ki wak izik enne, abarik i̱llo̱i̱ e̱e̱t ci elemi zoz cinne.

Kaviyak wak Abunna Ta̱mu̱ta̱dde̱no̱ eher Joni 8:38

Ka̱du̱wa̱kku̱ng zoz ci kicina ngati Baba, ogonnu bo̱do̱k niga zoz ci iziktu ngati be̱e̱ti̱nno̱ng.

Buk wa To̱ni̱a̱u̱ 11:28

Imma co̱de̱ ngatinne̱ng ci een zara Agabas, itinga je̱e̱na̱ Vongize ci Ta̱mu̱ta̱dde̱no̱ kar ku̱du̱wa̱ zoz ci azi ne, edeca atin magiz lo̱o̱cco̱k cik Romi ko̱ do̱o̱k. Akane zoz necu e̱rki̱te̱ bali abale Claudiusi alaani ci a̱ddi̱ki̱re̱ lo̱o̱c.

Buk wa To̱ni̱a̱u̱ 20:23

Ka̱gga̱ anna eci a̱du̱wa̱ka̱ Vongizi ci A̱li̱le̱ o̱no̱zo̱we̱ o̱ro̱gjo̱we̱ cik kokkoye, azi ne, okko atin gi̱de̱ne̱t ki piryanzet i̱i̱na̱ka̱ annit lagama.

Buk wa To̱ni̱a̱u̱ 27:24

kar kize ne, ‘Ma o̱ngo̱o̱le̱ lo̱o̱c, Pa̱u̱lo̱! Okko atin i̱nna̱ la̱du̱n abili lo̱ki̱ko̱ ngu̱me̱ ci alaan ci a̱ddi̱ki̱re̱ Romi, ma̱i̱je̱ zin Ta̱mu̱ta̱dde̱n bunnate cinne, aanyik ol do̱o̱k wak i̱bo̱wa̱ ka̱vvu̱to̱ labak.’

2 Te̱se̱lo̱ni̱ka̱ 2:12

kar atin ol do̱o̱k wak iróng a̱tu̱ zoz ci een de̱de̱ kettedozik lo̱ki̱ko̱ nogo, ma̱i̱je̱ ngatu nege atali mu̱nye̱n.

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

1 Jon 2:20

Ma̱i̱je̱ niga a̱ma̱yu̱ng E̱e̱ti̱ wa A̱li̱le̱ O̱de̱ Ṯok, a̱gga̱yyu̱ zin niga do̱o̱k zoz ci een de̱de̱.

1 Jon 2:27

Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.

1 Jon 5:6

A̱kku̱ Ye̱su̱ Ki̱ri̱sto̱ maame ki bi̱ye̱te̱. Iróng enne a̱kku̱ maame do̱, abarik a̱kku̱ maame ki bi̱ye̱te̱. Okko Vongizi ibbac zoz neci ming een de̱de̱, eci Vongizi i̱ye̱la̱ zoz ci een de̱de̱.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:19

“Teher zin i̱yo̱ko̱ kaal cik icinnu i̱nna̱ ki kaal cik ogone i̱yo̱ko̱ niko, ki kaal cik atin ovvo ogone.