Kaviyak wak Abunna Ta̱mu̱ta̱dde̱no̱ eher Joni 15:7 - Tennet

⁷ Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 15:7 ပူးပေါင်းရင်းမြစ်များ

Ma̱te̱yo̱ 7:7

“I̱jji̱nne̱t Ta̱mu̱ta̱dde̱n, a̱a̱nyu̱ng atin gi̱i̱ ci orongnyu niga. Orongtta ngati Ta̱mu̱ta̱dde̱no̱ kaal cik orongnyu, ovvo atin niga amudannu gi̱i̱ ci orongnyu. Oṯokṯowanit tatug ci Ta̱mu̱ta̱dde̱no̱, owikung atin enne i̱ge̱ta̱.

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 16:23

“Ku̱du̱wa̱u̱ng anna i̱ge̱t zoz ci een de̱de̱, i̱i̱te̱ne̱ neci a̱zze̱ e̱e̱ti̱ imma ci a̱jji̱nna̱ annit gi̱i̱ imma to. A̱a̱nyu̱ng atin Baba i̱ge̱t gi̱i̱ imma ci a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 8:31

Izek Ye̱su̱ ol wak e̱e̱ggi̱n Ya̱u̱d a̱tu̱ nonno ko̱ ne, “Ming azunnu niga de̱mzi̱ne̱t cinanni, e̱e̱ggi̱nnu̱ nuyak waginnek de̱de̱.

Kaviyak wak Abunna Ta̱mu̱ta̱dde̱no̱ eher Joni 8:37

Ka̱gga̱yyu̱ng niko ming e̱e̱ggi̱nnu̱ dooli cik doolik Aburahami. Abarik orongnyu u̱ru̱kta̱ng, ma̱rri̱t zoz cinanni iróng i̱i̱zo̱ o̱o̱tti̱ cuggo̱k.

Ga̱la̱ti̱a̱ 4:2

Iróng dooli wo̱ye̱ aragiz kaal cik be̱e̱ti̱nne̱ng, abak nege arrak a̱tte̱ ci e̱e̱t ci a̱gga̱m nogo kar kuzute kaal ne̱ke̱ zee ki̱ddi̱ki̱rre̱t nege, kar zin ki̱vi̱ta̱ karagizet kaal cik be̱e̱ti̱nne̱ng vu̱rrta̱.

Ga̱la̱ti̱a̱ 5:16

Ka̱du̱wa̱kku̱ng abunna ming azunnu Vongiz ci A̱li̱le̱ baize cunno̱ng, kar zin iróng ngen abakku mu̱nye̱ne̱ cik amin zi̱nze̱tti̱ cuggo̱k.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

1 Jon 2:14

Niga be̱e̱ti̱ga̱ni̱k, keherakkung anna i̱ge̱t zoz cu, eci niga a̱gga̱yyu̱ aave enne kanante ci lo̱o̱tu̱. Keherakkung zin anna i̱ge̱ta̱ bo̱do̱k logoz zoz cu, eci okkomnu niga, kar zoz ci Ta̱mu̱ta̱dde̱no̱ kabak ngatinno̱ng, kar bo̱do̱k niga ommogtu lo̱rye̱ni̱t.

1 Jon 2:27

Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.

1 Jon 5:14

Een necu zoz ci karikka naga zi̱nze̱tti̱ Ta̱mu̱ta̱dde̱n: Ming ka̱jji̱na̱ nonno gi̱i̱ imma go̱o̱le̱ ci okko ki zinin cinne, okko enne aanyeta.