Kaviyak wak Abunna Ta̱mu̱ta̱dde̱no̱ eher Joni 15:5 - Tennet

⁵ “Ke̱e̱ni̱ anna keet, e̱e̱ggi̱nnu̱ niga alawo. Ming karumena anna ki e̱e̱t ko̱do̱ye̱wa̱, a̱bbi̱rna̱ e̱e̱ti̱ neci o̱ya̱u̱ cik meelek ju̱rru̱m. A̱zze̱ wo̱ye̱ gi̱i̱ ci ogonnu niga do̱ to ming iróng karumze ko̱do̱ye̱.

Kaviyak wak Abunna Ta̱mu̱ta̱dde̱no̱ eher Joni 15:5 ပူးပေါင်းရင်းမြစ်များ

Ma̱te̱yo̱ 13:21

Iróng zin egero cigge̱k i̱i̱zo̱ lo̱o̱c oroot, iróng bo̱do̱k abak u̱u̱mu̱c. Ming ize gerza baizi icima amuda no̱ngi̱tto̱n kaviyahe ne̱ke̱, iróng anime, ungnek zin kaviyak ne̱ke̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 12:24

Ka̱du̱wa̱kku̱ng zoz ci een de̱de̱, iróng labitot aave udut ming iróng i̱i̱na̱k lo̱o̱c kumunye, orong kumunye arrak. Ming okko i̱i̱na̱k lo̱o̱c umunye kar ki̱ti̱li̱zza̱, anyaha i̱nyo̱mo̱ cik meelek.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 9:33

Ming iróng e̱e̱ti̱ necu a̱kku̱ ngati Ta̱mu̱ta̱dde̱no̱, iróng wo̱ye̱ da̱ ogon gi̱i̱ imma.”

Buk wa To̱ni̱a̱u̱ 4:12

A̱zze̱ e̱e̱ti̱ imma ci a̱ti̱ri̱ze̱t wo̱ye̱ agit to, eci i̱llo̱i̱ e̱e̱t imma ci kamuda naga ta̱mu̱-kenga kar wo̱ye̱ ki̱ti̱ri̱z ol, een Ye̱su̱ do̱ niko.”

Roma 12:5

Kogon zin bo̱do̱k naga niko, anyak ol cik meelek ngatinna, ke̱e̱ggi̱n naga ele co̱de̱ ngati Ki̱ri̱sto̱. Ka̱vvu̱to̱ naga ki i̱yo̱ko̱ ngintik ele co̱de̱ ko̱.

Roma 6:22

I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.

Roma 7:4

Gotonogga ki ngonogga tu̱we̱nta̱, aave baizi ci ogon niko bu̱k ngatinno̱ng. Iróng lo̱ti̱nno̱wa̱ bo̱do̱k anyak ngatinno̱ng komiz ci kar kabalung, eci bali a̱da̱kne̱ Ye̱su̱ ke̱, ogon ki i̱yo̱ko̱ bu̱k a̱da̱kttu̱ niga ki nonno lo̱ti̱nno̱we̱. Anyakku zin niga gool ci arumenu ki Ki̱ri̱sto̱ bali ingazi daiza kurug ke̱, abunna zin ka̱li̱ngli̱nge̱k Ta̱mu̱ta̱dde̱n.

1 Ko̱ri̱nto̱ 10:16

Gon ming kaanyik Ta̱mu̱ta̱dde̱n zany kaale wak kaud i̱i̱te̱ne̱ ci ka̱a̱da̱ne̱ daiz bali Ki̱ri̱sto̱, kozol naga do̱o̱k ma̱yu̱we̱ne̱t wa a̱kku̱ bi̱ye̱te̱ ciginnek. Ming kadak umune wa ka̱a̱da̱ne̱ ele cinne i̱i̱te̱ne̱ neci, kozol naga do̱o̱k ma̱yu̱we̱ne̱t wa a̱kku̱ eliye cinne.

1 Ko̱ri̱nto̱ 12:12

A̱gga̱yyu̱, o̱de̱ ele ci e̱e̱t ci diiri ṯok niko, ming adimanai kanyak ngintik meelek giir; ming anyak ngintik meelek nu̱nu̱n, e̱e̱ggi̱n ne̱ke̱ alawo do̱o̱k cik ele co̱de̱. Ogon Ki̱ri̱sto̱ ki i̱yo̱ko̱ ele ko̱.

1 Ko̱ri̱nto̱ 12:27

I̱yo̱ko̱ e̱e̱ggi̱nnu̱ niga ele ci Ki̱ri̱sto̱, e̱e̱ggi̱nnu̱ niga do̱o̱k o̱to̱ cik ele neci.

2 Ko̱ri̱nto̱ 13:8

Kogon naga gi̱i̱ co̱de̱ ṯok ci kanuwe kaviyak cik Ki̱ri̱sto̱ abunna, iróng kadang zoz ci een de̱de̱, abarik kanu zoz ci een de̱de̱ do̱.

2 Ko̱ri̱nto̱ 9:10

Aanyik Ta̱mu̱ta̱dde̱n ol wak e̱e̱vye̱ i̱nyo̱mo̱ kar keevtto, kar bo̱do̱k kaanyik da̱i̱ne̱t, kar kotor bunnat ci anyakku niga kize a̱ppwa̱.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 5:9

Eci baizi vooritena anyaha bunnat ki baiz ci abunna ki zoz ci een de̱de̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Vilipia 4:17

Iróng zin anna korongi muci cuggo̱k, abarik korongi kaal cik okko Ta̱mu̱ta̱dde̱n a̱mu̱yu̱kku̱ng.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

1 Peturu 2:4

I̱vi̱tta̱k Ye̱su̱ Ki̱ri̱sto̱, een enne bee ci aave udut. Bee wa bali abure ol ke̱, abarik zin ba̱li̱ye̱ Ta̱mu̱ta̱dde̱n ci ahala nonno kar kirez.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.