Kaviyak wak Abunna Ta̱mu̱ta̱dde̱no̱ eher Joni 15:21 - Tennet

²¹ Ogonekku̱ng atin i̱ge̱t kaal cik gerzek eci a̱tu̱yyu̱ niga zar cigannik, iróng bo̱do̱k nege a̱gga̱ e̱e̱t wa i̱tto̱na̱na̱ annita.

Kaviyak wak Abunna Ta̱mu̱ta̱dde̱no̱ eher Joni 15:21 ပူးပေါင်းရင်းမြစ်များ

Ma̱te̱yo̱ 10:18

Ovvo atin nege a̱gi̱ddu̱ng ovvoyyung alaate ki ol wak iróng een Ya̱u̱d zo̱ze̱ cinanni, kar u̱du̱kta̱k nogo zoz ci tu̱we̱ne̱t cunno̱ng.

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 10:39

Ming orong e̱e̱ti̱ kuzute ruget cinne do̱ ki̱zzi̱ Ta̱mu̱ta̱dde̱n to, iróng enne azunne de̱de̱, ming okoloz baiz zo̱ze̱ cinanni, amuda atin.

Ma̱te̱yo̱ 24:9

“Kar zin atin ol kecebtung i̱ge̱t, a̱gi̱ddu̱ng kar ku̱ru̱ktu̱ng a̱da̱i̱to̱. Amarinnung atin ol lo̱o̱co̱we̱ do̱o̱k zo̱ze̱ cinanni.

Ma̱te̱yo̱ 5:11

“U̱mu̱yu̱ng zin Ta̱mu̱ta̱dde̱n i̱ge̱ta̱ ol wak odomnyung ol, a̱gi̱ddu̱ng ol kar ogonekku̱ng kaal cik lo̱rye̱nta̱k zo̱ze̱ cinanni.

Marko 13:13

Amarinnung atin ol do̱o̱k zo̱ze̱ cinanni, imma e̱e̱ti̱ ci abile kokkom, amuda atin ti̱ri̱ze̱ne̱t ci Ta̱mu̱ta̱dde̱no̱.

Lu̱ka̱ 21:12

“Ma̱i̱je̱ ming ngen kaala ne̱ko̱ ka̱ka̱tte̱, a̱gga̱mnyu̱ng ol azzine kar ki̱gi̱ddu̱ng. Ovvoyyung lo̱ki̱ka̱ kar ku̱ju̱kte̱u̱ng lagam, ovvoyyung alaate Ce̱e̱zi̱nne̱ wak Lawinto zo̱ze̱ cinanni.

Lu̱ka̱ 21:17

Amarinnung atin ol i̱ge̱t do̱o̱k zo̱ze̱ cinanni.

Lu̱ka̱ 6:22

U̱mu̱yu̱kte̱u̱ niga ming amarinnung ol, ming aburnnung ol i̱ge̱ta̱ kar kodomtung kar kutuburret zar cuggo̱k azi ne e̱e̱ggi̱n niga olli mu̱nye̱nu̱ zo̱ze̱ ci Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 15:24

Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.

Kaviyak wak Abunna Ta̱mu̱ta̱dde̱no̱ eher Joni 16:3

Ogonekku̱ng atin kaal ne̱ko̱ eci nege iróng a̱gga̱ Baba, iróng a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 17:25

“Baba wa abunna, ming iróng ol cik lo̱o̱tu̱ a̱gga̱yi̱ i̱nne̱t nu̱nu̱n, ka̱gga̱yi̱ anna, a̱gga̱ zin demezyaha cigannik niko ming i̱tto̱na̱na̱ i̱nna̱.

Kaviyak wak Abunna Ta̱mu̱ta̱dde̱no̱ eher Joni 8:19

I̱jji̱nne̱t zin nege nonno, a̱nne̱k ne, “Aave Baatunne nga?” O̱bo̱de̱k zin Ye̱su̱ nogo, ize ne, “Iróng niga a̱gga̱yya̱ng, iróng bo̱do̱k a̱gga̱yyu̱ Baba bu̱k, ming a̱gga̱yya̱ng, a̱gga̱yyu̱ Baba bu̱k.”

Kaviyak wak Abunna Ta̱mu̱ta̱dde̱no̱ eher Joni 8:54

O̱bo̱de̱k Ye̱su̱ nogo, a̱nne̱k ne, “Ming ka̱di̱ngdi̱nga̱ni̱ anna ele cinanni, i̱llo̱i̱ gi̱i̱ imma. Baatanni ci a̱di̱ngdi̱nga̱na̱n ci awuyyu niga kize Ta̱mu̱ta̱dde̱n cunno̱ng ko̱.

Kaviyak wak Abunna Ta̱mu̱ta̱dde̱no̱ eher Joni 8:55

Ming nu̱nu̱n iróng niga a̱gga̱yyu̱ nonno, ka̱gga̱ anna nonno. Ming kazi ne iróng anna ka̱gga̱, kiize volongnyoit ki i̱yo̱ko̱ niga ko̱; abarik ka̱gga̱ nonno kar bo̱do̱k kuzute zoz cinne.

Buk wa To̱ni̱a̱u̱ 17:23

Baling kowo anna ngintu do̱o̱k ke̱, kacinni ta̱mu̱ta̱dde̱ne̱t cuggo̱k, karuba i̱te̱le̱ ci e̱he̱rye̱ zoz cu: NGATI TA̱MU̱TA̱DDE̱N CI IRÓNG NAGA KA̱GGA̱. I̱yo̱ko̱ zin, korongi ku̱du̱wa̱u̱ng zoz ci Ta̱mu̱ta̱dde̱n cu, ci iróng niga a̱gga̱yyu̱ ko̱.

Buk wa To̱ni̱a̱u̱ 26:9

“Kelema bali anna bu̱k kar kadang ol balik a̱tu̱ Ye̱su̱ wa Nazereti.

Buk wa To̱ni̱a̱u̱ 3:17

“Ma̱i̱je̱ zin i̱yo̱ko̱, gotonogga, ka̱gga̱ niko u̱tu̱gu̱zzu̱ niga ki lo̱ddi̱ki̱re̱ cuggo̱k kaal go̱o̱le̱ ci iróng niga a̱gga̱yyu̱.

Buk wa To̱ni̱a̱u̱ 4:17

Ma̱i̱je̱ ming korong kibilizet kaal ne̱ko̱ olle do̱o̱k, kegerenycek kizettek ne, ma bo̱do̱k abungeku zar cik e̱e̱t cu e̱e̱t imma.”

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Buk wa To̱ni̱a̱u̱ 9:14

A̱kku̱ zin enne ngintu komize ci alaat cik olli wawaco kar keceb ol do̱o̱k wak annu zoz cunne.”

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

1 Ko̱ri̱nto̱ 15:34

Abunna zin ming i̱no̱nnu̱ ju̱rru̱m kar utunget mu̱nye̱n, eci anyak ol u̱gge̱ ngatinno̱ng cik iróng a̱gga̱ Ta̱mu̱ta̱dde̱n. Ka̱du̱wa̱ niko zo̱ze̱ ci adakkung a̱li̱ya̱ni̱.

1 Ko̱ri̱nto̱ 2:8

Iróng alaata cik bu̱u̱l cu lo̱o̱ta̱ ngatu ko̱ a̱gga̱ zoz neci. Ming a̱gga̱c weda, iróng weda nege ododike Manyi ci di̱ngdi̱ngo̱nto̱ ko̱ ta̱la̱ke̱c.

2 Te̱se̱lo̱ni̱ka̱ 1:8

Anyaha ki gwo̱o̱ ci okko edeze ol cik iróng a̱tu̱ zoz ci Ta̱mu̱ta̱dde̱no̱, ki ol cik iróng elemi kaviyak cik abunna Manyitinna Ye̱su̱.

1 Jon 3:1

A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.

3 Jon 1:7

A̱li̱ngli̱ng nege zo̱ze̱ ci Zar cik abunna ko̱, iróng zin nege elemi kaal cik anyaha ol cik iróng a̱tu̱we̱.

O̱no̱zzo̱k 2:3

Inimttu niga no̱ngi̱tto̱n zo̱ze̱ ci zar cigannik, iróng zin niga apirnannu zo̱ze̱ necu.