Kaviyak wak Abunna Ta̱mu̱ta̱dde̱no̱ eher Joni 15:20 - Tennet

²⁰ A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Kaviyak wak Abunna Ta̱mu̱ta̱dde̱no̱ eher Joni 15:20 ပူးပေါင်းရင်းမြစ်များ

Ma̱te̱yo̱ 10:24

“Iróng nuyaiti ommog de̱me̱zo̱i̱t cinne oroot. Iróng bo̱do̱k du̱cca̱ha̱ ommog ddi̱ki̱ryo̱i̱t cinne̱ng.

Marko 10:39

Kar zin nege ko̱bo̱dde̱k kizeto ne, “Kuula naga,” Izek zin Ye̱su̱ nogo ne, “Audenu atin niga uduce ci kaudene anna, ovvo bo̱do̱k a̱gga̱mnyu̱ ba̱ti̱ti̱mo̱ bali ka̱gga̱ma̱ anna ke̱,

Lu̱ka̱ 2:34

Kar zin enne ku̱mu̱yu̱k nogo do̱o̱k, kar kizek Ma̱ri̱ya̱ wa een yaatinne ko̱ ne: “Atahalai do̱le̱c necu kar ki̱ki̱ya̱ kaanyik ol cik meelek ku̱yu̱kte̱ kar bo̱do̱k uggak kitingazzo lo̱o̱ce̱ ci Israilo, kar atin enne kize baayenit ci adang ol zoz cinne,

Lu̱ka̱ 6:40

Iróng do̱le̱c ci cu̱ku̱lo̱ ommog de̱me̱zo̱i̱t cinne, ma̱i̱je̱ e̱e̱ti̱ imma ci amuda de̱mzi̱ne̱t ju̱rru̱m ogon atin enne ki de̱me̱zo̱i̱ti̱ cinne.

Kaviyak wak Abunna Ta̱mu̱ta̱dde̱no̱ eher Joni 10:31

Ebertta lo̱ddi̱ki̱re̱ cik Ya̱u̱do̱ biyen orongit kovvoccit Ye̱su̱ ka̱da̱k.

Kaviyak wak Abunna Ta̱mu̱ta̱dde̱no̱ eher Joni 11:57

Arakttek da̱ abarik alaata cik olli wawaco ki Varacis zoz lo̱o̱c, ci azi ne, ming icin e̱e̱ti̱ imma Ye̱su̱, anyik ku̱du̱wa̱k nogo kar kecebe.

Kaviyak wak Abunna Ta̱mu̱ta̱dde̱no̱ eher Joni 13:16

Ka̱du̱wa̱kku̱ng zoz wa een de̱de̱, i̱llo̱i̱ du̱ca̱i̱t ci a̱ddi̱ki̱re̱ ngati e̱e̱t wa a̱li̱ngli̱ngngo̱ni̱k enne, iróng bo̱do̱k e̱e̱ti̱ wa een to̱ni̱a̱t ommog e̱e̱t wa i̱tto̱n nonno.

Kaviyak wak Abunna Ta̱mu̱ta̱dde̱no̱ eher Joni 5:16

I̱gi̱dde̱t zin olli Ya̱u̱do̱ Ye̱su̱ ma̱rri̱t enne angaru e̱e̱t ci omori I̱i̱te̱ne̱ wa Yu̱bze̱nto̱.

Kaviyak wak Abunna Ta̱mu̱ta̱dde̱no̱ eher Joni 7:32

Baling iziyyet Varacisi ol ne̱ke̱ ming omomot zo̱ze̱ ci Ye̱su̱, i̱tto̱nni̱t zin alaat cik olli wawaco ki Varacis aciir cik gon ebek Ce̱e̱z wa Ta̱mu̱ta̱dde̱no̱, kar koot ka̱gga̱mi̱t nonno.

Kaviyak wak Abunna Ta̱mu̱ta̱dde̱no̱ eher Joni 8:51

Ka̱du̱wa̱kku̱ng zoz wa een de̱de̱, ming azunne e̱e̱ti̱ zoz cinanni, iróng atin acin daiz udut.”

Kaviyak wak Abunna Ta̱mu̱ta̱dde̱no̱ eher Joni 8:52

Baling iziyyet ol cik e̱e̱ggi̱n Ya̱u̱d zoz neci a̱du̱wa̱ Ye̱su̱ ke̱, u̱ku̱lte̱k je̱e̱n, kar zin kizettek nonno ne, “I̱yo̱ko̱, ka̱gga̱yi̱ niko ming anyai i̱nna̱ kuuloc ci lo̱rye̱nto̱! A̱da̱i̱to̱ ba̱li̱ye̱ ciko Aburaham ki a̱ri̱tto̱k wak zoz ci Ta̱mu̱ta̱dde̱no̱, kar zin abarik i̱nna̱ azi ne ‘Ming azunne e̱e̱ti̱ zoz cunne, iróng atin atari daiz udut?’

Kaviyak wak Abunna Ta̱mu̱ta̱dde̱no̱ eher Joni 8:59

35 Baling iziyyet zoz ci a̱du̱wa̱ Ye̱su̱ ko̱, ebertta biyen orongit kovvoccit nonno, u̱lu̱gu̱ny zin enne ele kar zin kinik lo̱mu̱k kutungek re̱e̱nu̱n ci Ce̱e̱z wa Ta̱mu̱ta̱dde̱no̱ lo̱o̱c.

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

1 Ko̱ri̱nto̱ 4:12

Ka̱li̱ngli̱ngnya̱ naga oroot azzine cigga̱k. Kar gon ming otoryet ol, ka̱ma̱yu̱ka̱ nogo; ming a̱gi̱dde̱t ol, kanimnya gi̱de̱ne̱t cinne̱ng.

2 Ko̱ri̱nto̱ 4:9

Ming a̱gi̱dde̱t ol nu̱nu̱n, iróng zin Ta̱mu̱ta̱dde̱n aanyik e̱e̱t imma ngatinna ku̱ru̱we̱. I̱i̱te̱n imma a̱ru̱we̱kke̱t ol utube, iróng zin Ta̱mu̱ta̱dde̱n aanyik nogo gool ci a̱ru̱kke̱t kize daiz.

1 Te̱se̱lo̱ni̱ka̱ 2:15

U̱ru̱we̱t zin ba̱li̱ye̱ Ya̱u̱di̱ uggak a̱ri̱tto̱k wak zoz ci Ta̱mu̱ta̱dde̱no̱, kar kurumttek ki Manyi Ye̱su̱ vu̱rrta̱. I̱yo̱ko̱ amartoitta kar zin kottoktetta. Kar kanycik kutuburret nong kar bo̱do̱k kamartoi ol do̱o̱k,

2 Ti̱mo̱te̱yo̱ 3:12

De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.