Kaviyak wak Abunna Ta̱mu̱ta̱dde̱no̱ eher Joni 15:16 - Tennet

¹⁶ Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 15:16 ပူးပေါင်းရင်းမြစ်များ

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Ma̱te̱yo̱ 21:22

Ming elemnyyu niga, a̱a̱nyu̱ng atin Ta̱mu̱ta̱dde̱n kaal cik a̱jji̱na̱nu̱ niga lawinta.”

Ma̱te̱yo̱ 7:7

“I̱jji̱nne̱t Ta̱mu̱ta̱dde̱n, a̱a̱nyu̱ng atin gi̱i̱ ci orongnyu niga. Orongtta ngati Ta̱mu̱ta̱dde̱no̱ kaal cik orongnyu, ovvo atin niga amudannu gi̱i̱ ci orongnyu. Oṯokṯowanit tatug ci Ta̱mu̱ta̱dde̱no̱, owikung atin enne i̱ge̱ta̱.

Lu̱ka̱ 6:13

Baling ize looci nge̱rre̱t, utu zin enne nuyak waginnek do̱o̱k, kar zin katahala omoto ki ram kizeto to̱ni̱a̱k waginnek:

Kaviyak wak Abunna Ta̱mu̱ta̱dde̱no̱ eher Joni 13:18

Izek zin Ye̱su̱ nogo ne, “Iróng zoz necu akati i̱ge̱t do̱o̱k, ka̱gga̱ ol balik katahala ke̱. Ogone zin zoz necu kar zoz bali e̱he̱rye̱ Warage ci Ta̱mu̱ta̱dde̱no̱ ke̱ kakat mo̱o̱le̱t, azi ne, ‘Adawana e̱e̱ti̱ ci kozola da̱i̱ne̱t bu̱k.’

Kaviyak wak Abunna Ta̱mu̱ta̱dde̱no̱ eher Joni 15:19

Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.

Kaviyak wak Abunna Ta̱mu̱ta̱dde̱no̱ eher Joni 15:5

“Ke̱e̱ni̱ anna keet, e̱e̱ggi̱nnu̱ niga alawo. Ming karumena anna ki e̱e̱t ko̱do̱ye̱wa̱, a̱bbi̱rna̱ e̱e̱ti̱ neci o̱ya̱u̱ cik meelek ju̱rru̱m. A̱zze̱ wo̱ye̱ gi̱i̱ ci ogonnu niga do̱ to ming iróng karumze ko̱do̱ye̱.

Kaviyak wak Abunna Ta̱mu̱ta̱dde̱no̱ eher Joni 6:70

O̱bo̱de̱k zin Ye̱su̱ nogo, a̱nne̱k ne, “Katahalaung i̱ge̱t ngati e̱e̱ggi̱nnu̱ omoto ki ram, anyak zin co̱de̱ ci een lo̱rye̱ni̱t orgene cunno̱ng.”

Buk wa To̱ni̱a̱u̱ 1:24

Kar zin nege kalayo, kizeto ne, “Manyi, a̱gga̱ i̱nna̱ zi̱nze̱tti̱ cik ollu do̱o̱k. Ngene olle cik een rama ko̱ ci atahala i̱nna̱,

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 10:41

Iróng ol do̱o̱k acin nonno, abarik een bbacak wak atahala Ta̱mu̱ta̱dde̱n ba̱li̱ye̱ la̱du̱n ki agit ol balik kadaktowa kar bo̱do̱k kuudewa ki nonno baling itinga enne daiza ke̱.

Buk wa To̱ni̱a̱u̱ 22:14

“Kar enne kize ne: ‘Atahalai bali Ta̱mu̱ta̱dde̱n wa ji̱ji̱ti̱gga̱c i̱nne̱ta̱ kar gga̱ zoz cinne kar cin E̱e̱t wa O̱de̱ Abunna kar bo̱do̱k zik zoz utuge cinne.

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 1:13

Gotonogga ki ngonogga tu̱we̱nta̱, korongnyung abunna ming a̱gga̱yyu̱ kodola anna kar ki̱ki̱ya̱ ki̱vo̱nnu̱ng lak cik meelek giir, abarik anyak kaal cik alamnyan. Korongi gon gool ci kokko ka̱li̱ngli̱nge̱ ju̱rru̱m ngatinno̱ng kar ol ki̱vi̱ta̱k Ta̱mu̱ta̱dde̱n ki bali ming ka̱li̱ngli̱nge̱k ol wak iróng een Ya̱u̱d ke̱, kar kelemtta Ye̱su̱ Ki̱ri̱sto̱.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

Roma 9:21

Ogon Ta̱mu̱ta̱dde̱n ki e̱e̱ti̱ ci eenyet i̱jjo̱nyya̱, imma e̱e̱ti̱ wa eenyet i̱jjo̱nyya̱ ko̱, eenyet go̱o̱le̱ ci orong zinin cinne, adiman u̱gge̱ kize cik a̱li̱ngli̱nge̱ ol kaal cik riilik, okko adiman u̱gge̱ kize cik oboda to.

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

Ga̱la̱ti̱a̱ 1:15

Ma̱i̱je̱ baling ngen anna ki̱ti̱rra̱i̱ ke̱, atahala Ta̱mu̱ta̱dde̱n la̱du̱n, een enne bunnatait kar kodola zo̱ze̱ ci ahalanan,

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 1:11

Atahala Ta̱mu̱ta̱dde̱n kize to̱ni̱a̱t ci Ye̱su̱ kar kuwahek ol kaviyak cik abunna, kar bo̱do̱k kize de̱me̱zo̱i̱t ci zoz neci.

2 Ti̱mo̱te̱yo̱ 2:2

kar zo̱zzo̱wa̱ balik aziyi i̱nna̱ ngatinanni, ngati aavtte bbacaha cik meelek ke̱, anyonik zo̱zzo̱wa̱ ne̱ke̱ ol cik abunna kar atin nege ke̱de̱me̱zi̱t ol u̱gge̱ bu̱k.

Ti̱to̱ 1:5

Kungneki ba̱li̱ye̱ lo̱o̱c ci een Crete, abunna ming edecak li̱ngli̱ngo̱n bali ngen anna kedecak ke̱, kar bo̱do̱k tahala nyakanganet o̱ro̱gjo̱we̱ ne̱ke̱ ki bali ming ka̱du̱wa̱ki̱ ke̱.

I̱bu̱ru̱ 11:4

Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

Je̱mi̱s 3:18

Imma ol cik anyaha gano ko̱, aanyik ol cik meelek kubunnta.

1 Peturu 3:15

Abarik o̱to̱ngo̱o̱ltte̱ Ki̱ri̱sto̱ kize Manyi zi̱nze̱tti̱nne̱ cuggo̱k. Abunna ming erewinnu ju̱rru̱m kar abarizet e̱e̱t ci a̱jji̱nne̱ orong ka̱gga̱ zoz ci anyakku niga arikku zi̱nze̱tti̱ ko̱.

1 Peturu 3:2

Eci nege ovvo acinna baiz cunno̱ng ci o̱ngo̱o̱li̱nnu̱ niga Ta̱mu̱ta̱dde̱n ki baiz ci abakku niga caale paz ko̱.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.

1 Jon 4:19

Kirezo naga e̱le̱tti̱ eci een Ta̱mu̱ta̱dde̱n ci irezet agit arrak oowa.